Hechos 19:26 - Emberá Chamí

²⁶ Maamina machiba unu panuu maud̶e ũri panuu jãu Pabloba Dachi Akõre kĩra nii juaba kaped̶aad̶a chi biawãrawãe abarii. Ichiba nau Efesod̶e maud̶e beraa joma Asia druad̶e maka jara nii. Maud̶eeba ãrea ẽbẽrarãba Artemisa ida b̶uuduu.

Hechos 19:26 Referans Kwoze

1 Corintios 8:4

Maud̶eeba Dachi Akõrerã kuenda juaba ne kaped̶aad̶arãmaa ãnimara kiuru baa dead̶a kobadau ʉ̃rʉbena mʉʉba jaraaruu. Dachiba kuitaa panuu juaba ne kaped̶aad̶a biawãrawãe. Maud̶e kuitaa panuu Dachi Akõre biawãra ab̶aburu nii.

Hechos 17:29

»Dachi Akõre warrarãbʉrã, kʉ̃risiad̶aabai panuu Dachi Akõre nee waud̶a, parata waud̶a maebʉrã mo waud̶a, mau ẽbẽraba ara ichi kʉ̃risiad̶eeba wausiid̶eeba.

Apocalipsis 9:20

Maka b̶uukaud̶e chi ẽbẽrarã mauba biud̶aabad̶aba wabid̶a chi kachirua waud̶ayu maud̶e jai kachiruarã ijãad̶ai ida b̶ud̶aabasii. Dachi Akõre kuenda juaba ne kaped̶aad̶arã ida b̶ud̶aabasii: chi nee waud̶a, parata waud̶a, bronce waud̶a, mo waud̶a maud̶e bakuru erad̶a ida b̶ud̶aabasii. Maarã unud̶akau, ũrid̶akau maud̶e nibad̶akau.

Hechos 19:10

Año ome maka wausii. Maka joma Asia druad̶ebena judiorãba maud̶e judiowãerãba Dachi Mechiu Jesús ʉ̃rʉbena ũrisid̶au.

Hechos 14:15

—Machiba, ¿sakãe jãka wau panuma? Dai biawãra ẽbẽrarãbʉ, machi kĩra. Machimaa jarad̶e nee panuu chi biawãe b̶ee ida b̶ud̶aped̶a Dachi Akõre chokae nii ijãad̶amera. Mau Dachi Akõreba bajãa, nau iujãa, mar maud̶e joma mamed̶a duanuu wausii.

1 Tesalonicenses 1:9

Ara ãchiba jara panuu saka machiba dai deed̶aa urúbad̶e aped̶aad̶a, maud̶e Dachi Akõre kuenda juaba ne kaped̶aad̶arã ida b̶usid̶au Dachi Akõre biawãra chokae nii ijãad̶ai baita.

Gálatas 4:8

Naed̶e machiba Dachi Akõre adua panasid̶aud̶e chi biawãra Dachi Akõrewãerã ijãa panasid̶au ãchi baita bari trajabadaurã kĩra.

1 Corintios 12:2

Machiba kuitaa panuu Dachi Akõred̶e ijãad̶akaurã nureasid̶aud̶e, barikia ʉ̃rʉbena kʉ̃risiabachid̶au. Dachi Akõre kuenda juaba ne kaped̶aad̶ad̶e ijãabachid̶au. Chokae nureewãed̶eeba berread̶akau.

Hechos 18:19

Wãaduud̶e, Éfeso puurud̶e need̶aped̶a Pablo Aquila maud̶e Priscila ome b̶uad̶a ãyaa wãsii. Maud̶e judiorã araa ãbua imibadau deed̶aa wãped̶a judiorã ome Jesús ʉ̃rʉbena berreasii.

Hechos 19:1

Apolos Corintod̶e b̶uumisa Pablo drua ea id̶aa b̶uare wãsiid̶e Éfeso puurud̶e neesii. Aria chi nuree Cristod̶e ijãabadaurã unusii.

Hechos 19:25

Demetrioba mau ẽbẽrarã maud̶e waabenarã ne waubadaurã iukuaped̶a, maabae naka jarasii: «Kõpaerorã, machiba kuitaa panuu, nau traju wauduuba dachiba chi nejarr ãrea irsibibadau.