Hechos 19:16 - Emberá Chamí

¹⁶ Maabae chi ẽbẽra jai kachirua bara b̶uuba ãchi orra adauped̶a joma poyaakuasii. Ãrea sĩkuasiid̶eeba ãchi kakua joma kõekuaped̶a, maabae ded̶ebena ewaraa pira wãsid̶au.

Hechos 19:16 Referans Kwoze

Lucas 8:29

Jauri kachiruaba maka jarasii Jesusba jarad̶ad̶eeba mau ẽbẽra kakuad̶ebena awara wãmera. Ewari ãrea b̶uasii mau jai kachiruaba ẽbẽra kachirua wau uru b̶uu. Waabenarãba chi mau mukĩra kaenaba jʉ̃d̶aped̶a kauwa nubachid̶amina chi kaena tuikuaped̶a ẽbẽra wãꞌãemaa chi jai kachiruaba adoebachii.

Marcos 5:15

Jesús b̶uumaa neesid̶aud̶e, mau mukĩra jai kachiruarã uru b̶uad̶a unusid̶au. Mau paru jʉ̃ped̶a akʉ b̶uu maud̶e kĩrabia b̶uu unusid̶aud̶e, perasid̶au.

Lucas 8:35

Ẽbẽrarãba ichiad̶e neesid̶aud̶e chi mukĩra jai kachirua ãrea uru b̶uad̶a Jesús jʉ̃rʉ jãka akʉ b̶uu unusid̶au. Paru jʉ̃ped̶a kĩrabia b̶uasii. Maud̶eeba ẽbẽrarã perasid̶au.

Hechos 3:8

Ara makʉd̶e ʉtʉ jĩidruped̶a nibad̶easii. Kĩrajʉʉd̶eeba jĩidruped̶a Dachi Akõremaa biꞌia berreaped̶a ãchi baara Dachi Akõre de mechiud̶e ed̶a wãsii.

Hechos 19:15

Ewari ab̶a jai kachirua duabʉi panuud̶e jai kachiruaba maarã 7 ẽbẽrarãmaa jarasii: «Jesús mʉʉba kuitaa b̶uu. Maud̶e Pablo sid̶a mʉʉba kuitaa b̶uu. Maamina machi ¿kairãma?»

Hechos 19:17

Joma Efesod̶e nuree judiorãba maud̶e griegorãba mau kuitaasid̶aud̶e wapeasid̶au. Maud̶e Dachi Mechiu Jesús trʉ̃ ʉ̃rʉbena biꞌia berreasid̶au.

2 Pedro 2:19

Maarã jarabadau ijãaduubʉrã, biꞌia paneed̶ai abadau, chi chibari baita bari trajabarii ichi chibari juakaa miru wãaruu kĩra. Maamina kachirua poyaa ida b̶ud̶akaud̶eeba biꞌia paneebai. Mauba ãchi kachirua baita bari trajabadaurã babiai. Biawãra barikia kachirua poyaa ida b̶ud̶aabaibʉrã, dachi mau baita bari trajabadaurãbʉ.