Hechos 18:22 - Emberá Chamí

²² Cesarea puurud̶e neeped̶a Pablo Jerusalend̶aa chi ãbarã ichiad̶e wãsii. Mamauba Antioquía puurud̶aa wãsii.

Hechos 18:22 Referans Kwoze

Hechos 8:40

Maud̶e Felipe Azoto puurud̶e neesii. Maabae puurucha chi bed̶ea bia Jesús ʉ̃rʉbena jara wãsii ab̶a Cesarea puurud̶e neeruud̶aa.

Hechos 25:9

Maamina Festo judiorã ome biꞌia b̶eei kʉ̃ria b̶uud̶eeba Pablomaa id̶isii: —¿Bichi Jerusalend̶aa wãi kʉ̃ria b̶uka mʉʉba jamaria bichi nebʉra ichiamera?

Hechos 25:1

Festo mau druad̶aa neeped̶a chi mechiu bai baita, ewari õbea baaruud̶e, Cesarea puurud̶ebena Jerusalend̶aa wãsii.

Hechos 23:23

Maabae kokoroarã mechiuba chi jaradea ua b̶uabadau ome iuped̶a maabae jarasii: —Jʉrʉ adause, 200 kokoroarã, 70 kokoroarã murad̶e wãbadaurã maud̶e 200 miasuba tĩubadaurã, maabae nau ẽsabud̶e las 9d̶e Cesarea puurud̶aa wã́sturu.

Hechos 15:35

Pablo maud̶e Bernabé Antioquiad̶e paneesid̶au. Maarã maud̶e ãbarã ãrea baarauba chi ijãabadaurã jaradea panasid̶au maud̶e Dachi Mechiu bed̶ea jarabachid̶au.

Hechos 15:30

Maabae chi ãchiba bʉiped̶aad̶arã Antioquía puurud̶aa wãsid̶au. Need̶aped̶a joma ãbarã araa ãbua imibiad̶aped̶a mau karta deasid̶au.

Hechos 15:23

Ãchi ome karta naka b̶ʉ urubʉisid̶au: Jesusba bʉid̶arã, chi ijãabadaurã nubadaurã maud̶e joma ãbarãba nau karta b̶ʉʉduu, chi judiowãerã Antioquía puurud̶ebena baita, Siria druad̶ebena baita maud̶e Cilicia druad̶ebena baita. Daiba kʉ̃ria panuu machi biꞌia panad̶ai.

Hechos 15:4

Jerusalend̶e neesid̶aud̶e chi ãbarã, chi Jesusba bʉid̶arã maud̶e chi ijãabadaurã nubadaurãba ãchi biꞌia irsibisid̶au. Pablo maud̶e Bernabeba joma Dachi Akõreba ãchiba judiowãerã tãed̶e wauped̶aad̶a nebʉrʉsid̶au.

Hechos 14:26

Maad̶akare jãbad̶e Siria druad̶ebena Antioquiad̶aa waya wãsid̶au. Mau puurud̶ebena ãbarãba ãchi naed̶e bʉi panasid̶au Dachi Akõreba kʉ̃ria b̶uu waud̶amera maud̶e Dachi Akõre juad̶e b̶usid̶au ichi sõbiad̶eeba aid̶amera.

Hechos 13:1

Ãbarã Antioquía puurud̶ebena tãed̶e Dachi Akõre baita berreabadaurã, maud̶e Cristo ʉ̃rʉbena jaradeabadaurã nureasii. Bernabé, Saulo, Lucio Cirened̶ebena maud̶e Simón b̶uasii. Simón trʉ̃ «Chi Parr» abachid̶au. Manaén sid̶a b̶uasii. Ichi Galilea druad̶ebena jaradea ua b̶uabarii Herodes ome ãbua warisii.

Hechos 11:11

»Maka b̶uud̶e ẽbẽra õbea mʉ b̶uu ded̶e neesid̶au. Ãchi jaradea ua b̶uabariiba Cesarea puurud̶ebena mʉʉmaa bʉisii.

Hechos 10:24

Mau norema Cesarea puurud̶e neesid̶au. Cornelioba ichi ded̶ebenarã maud̶e ichi kõpaerorã biarã iusiid̶eeba ichi ded̶e esed̶au panasid̶au.

Hechos 10:1

Cesarea puurud̶e ẽbẽra Cornelio abadau b̶uasii. Ichi Italia druad̶ebena kokoroarã chi jaradea ua b̶uabarii basii.