Hechos 18:12 - Emberá Chamí

¹² Galión abadau Acaya druad̶ebena chi karr b̶eesiid̶e chi judiorã chiya berread̶aped̶a Pablo jidaud̶aped̶a ichi mau Galión kĩraare adoesid̶au.

Hechos 18:12 Referans Kwoze

Hechos 18:27

Mau maad̶akare Apolos Acaya druad̶aa wãi kʉ̃ria b̶uasii. Maud̶eeba ãbarã Efesod̶ebenaba karta chi arabena baita b̶ʉsii biꞌia irsibid̶amera. Aria neesiid̶e Apolosba Dachi Akõre sõbiad̶eeba chi Jesusd̶e ijãaped̶aad̶a ãrea aid̶asii.

Hechos 13:50

Maamina judiorãba Dachi Akõre wapea nuree wẽrarã chi mechiurãmaa maud̶e mukĩra chi mechiurãmaa jarasid̶au Pablo maud̶e Bernabé kachirua waud̶amera. Maka ãchi puurud̶ebena duabʉisid̶au.

Hechos 13:7

Ichi Chipred̶ebena chi jaradea ua b̶uabarii Sergio Paulo abadaumaa b̶uabachii. Mau Sergio Paulo kʉ̃risia kuitaa b̶uasii. Ewari ab̶a ichiba Bernabé maud̶e Saulo iubisii Dachi Akõre bed̶ea ũri kʉ̃ria b̶uasiid̶eeba.

2 Corintios 11:10

Cristo mʉ sõd̶e b̶uud̶eeba biawãra jaraaruu: Mʉʉba machid̶eeba chi nejarra adauwẽa b̶uu aaruud̶e, chi waabenarã audeara nii kĩra jara b̶uu. Acaya druad̶ebenarã ab̶au bid̶a poyaa jarad̶aabai mʉʉba maka jaraabai b̶uu.

2 Corintios 9:2

mʉʉba kuitaa b̶uud̶eeba machiba aid̶a kʉ̃ria panuu. Maud̶eeba nama Macedonia druad̶e mʉʉba ãbarãmaa machi ʉ̃rʉbena biꞌia berreabarii. Mʉʉba ãchimaa jarabachii nabena año basid̶eed̶ebena machi Acaya druad̶ebenarãba aid̶ad̶ai baita panuu. Maka ũrisid̶aud̶eeba ãbarã ãrea Macedoniad̶ebenarãba ara mau kĩra aid̶ad̶ai kʉ̃ria panuu.

2 Corintios 1:1

Mʉ Pablobʉ. Dachi Akõreba ichi kʉ̃riad̶eeba mʉ Jesucristoba bʉid̶abʉ. Dachi ãba Timoteo mʉ ome b̶uu. Nau karta b̶ʉʉruu ẽbẽrarã Dachi Akõred̶erã Corintod̶ebena baita maud̶e joma ichi ẽbẽrarã Acaya druad̶e nuree baita.

1 Corintios 16:15

Ãbarã, machiba kuitaa panuu Acaya druad̶e Estefanasba maud̶e ichi ded̶ebenarã chi naed̶e Jesusd̶e ijãaped̶aad̶a maud̶e ãchiba kʉ̃risia panuu joma ãbarã aid̶ad̶ai baita.

Romanos 15:26

Mau chi nejarra ãbarã Macedonia druad̶ebenarãba maud̶e Acaya druad̶ebenarãba kĩrajʉʉ araa pesid̶au ẽbẽrarã Dachi Akõred̶erã Jerusalend̶ebena chi nejarr barauwãe nuree aid̶ad̶ai baita.

Hechos 25:10

Maud̶e Pabloba panausii: —Mʉ nama Romad̶ebena chi aude mechiu niiba b̶ud̶a juez daad̶e b̶uu. Namaburu bichiba mʉ nebʉra ichiai b̶uu. Bichiba ãrea kuitaa b̶uu mʉʉba judiorã kachirua wauwẽa b̶uu.

Hechos 17:13

Maumisa judiorã Tesalónica puurud̶ebenarãba kuitaasid̶au Pabloba Dachi Akõre bed̶ea Berea puurud̶e jaradea b̶uu. Maud̶eeba araa wãsid̶aud̶e arabenarã kĩrubikabiasid̶au kachirua waud̶amera.

Hechos 14:19

Listrad̶e panuud̶e waabenarã judiorã Antioquía puurud̶ebena maud̶e Iconio puurud̶ebena neesid̶au. Ãchiba Listrad̶ebenarãmaa Pablo ʉ̃rʉbena kachirua kʉ̃risiabiasid̶au. Maud̶eeba jomaurãba Pablo mooba b̶atasid̶au. Ichi biusii kʉ̃risiasid̶aud̶eeba puuru awara erta adoesid̶au.

Hechos 14:2

Maamina judiorã Jesús ijãad̶akaurãba judiowãerãmaa chi ãbarã ʉ̃rʉbena kachirua kʉ̃risiabiasid̶au.

Mateo 27:19

Pilato ẽbẽrarã jibarii ãkaud̶e akʉ b̶uud̶e chi wẽraba nau bed̶ea ichimaa jarabʉisii: «Jãu ẽbẽra jipa nii enata bʉise. Id̶i jãu ʉ̃rʉbena kamokaraasiid̶eeba mʉ ãrea wapea b̶uu».

Santiago 2:6

Maamina machiba chi mau chi nejarr barauwãe nii biꞌia nii ichiad̶akau. Mʉʉba id̶iiruu: ¿Kairãba machi kachirua waubadama? Chi maka waubadaurã ¿chi nejarra barau nureewãeka? ¿Maarãba machi juezrãmaa erta adoebadauwãeka?

Romanos 16:5

Maud̶e ãbarã ãchi ded̶e araa ãbua imibadaurãmaa jarásturu mʉʉba kʉ̃ria b̶uu ãchi biꞌia duanad̶ai. Mʉ ãba ãrea kʉ̃ria b̶uu Epenetomaa ara mau kĩra jarásturu. Acaya druad̶e ichiba naa Jesucristod̶e ijãasii.

Hechos 17:5

Maamina judiorã Jesusd̶e ijãawẽa nuree sõd̶e kachirua duaneesid̶au. Maud̶eeba ẽbẽra kachiruarã ãrea jʉrʉd̶aped̶a puuru kĩrubikabiad̶e wãsid̶au. Ãchi kʉ̃ria, Jasón ded̶e ed̶a wãd̶aped̶a, Pablo maud̶e Silas jidausid̶au jomaurã daad̶e ãchi nebʉra ichiad̶ai baita.

Hechos 13:12

Sergio Pauloba mau unusiid̶e ãchiba Dachi Mechiu ʉ̃rʉbena jaradea panuu ãrea biꞌia ũrisiid̶eeba ijãasii.

Juan 19:13

Pilatoba mau ũrisiid̶e Jesús awara adoebisii. Maabae Pilato ichi juez ãkaud̶e akʉ b̶eesii, dud̶a Mo Kakayaa Waud̶a abadaumare. Hebreo bed̶ead̶e Gabatá abadau.

Hechos 13:8

Maamina ãchiba jaradea panuud̶e jaibana Barjesusba setaa jarabachii chi jaradea ua b̶uabariiba Dachi Akõre bed̶ea ijãarãamera. (Barjesús trʉ̃ griego bed̶ead̶e Elimas abadau).

Hechos 18:11

Maud̶eeba Pabloba año ab̶a ʉ̃rʉ ẽsa Dachi Akõre bed̶ea aria jaradea b̶eesii.

Hechos 19:21

Mau maad̶akare Pabloba ichi sõd̶e kʉ̃risiasii Macedonia druad̶e maud̶e Acaya druad̶e nibaped̶a Jerusalén puurud̶aa wãi. Maud̶e jarasii: «Jerusalend̶e b̶uaped̶a mʉ Roma puurud̶aa wãi b̶uu».

2 Corintios 11:26

Mʉ od̶e wãaruud̶e, do che nub̶uud̶e nibabachii, maud̶e nechiruabadau baraumare nibabachii. Ara mʉ ẽbẽrarã judiorã tãed̶e maud̶e judiowãerã tãed̶e mʉ kachiruad̶e b̶uasii. Puurud̶e maud̶e puuru awara mʉ kachiruad̶e b̶uasii. Mard̶e bid̶a kachiruad̶e b̶uasii. Biawãra ãbarãwãe kakua mʉ kachiruad̶e b̶uasii.

1 Tesalonicenses 2:14

Ãbarã, machiba ijãa panuu kakua ara machi druad̶ebenarãba kachirua wau panasid̶au Dachi Akõred̶e ẽbẽrarã judiorã druad̶e makaped̶aad̶a kĩra. Aria Jesucristod̶e ijãabadaurã judiorã chi ijãad̶akaurãba kachirua wau panasid̶au.

1 Tesalonicenses 2:16

Dachi Akõreba karibamera daiba judiowãerãmaa jaradea kʉ̃ria panuud̶e, maarãba daiba jaradead̶ai ida kabid̶aabasii. Maka aude kachirua wau panuud̶eeba Dachi Akõreba ichi oa kachiruad̶eeba maarã ãrea kastikai.