Hechos 17:3 - Emberá Chamí

³ Ichiba arakʉd̶e jaradeabachii Dachi Akõreba Dachi Karibabarii deai jarad̶a ãrea biꞌiwãe b̶uai b̶uasii maud̶e biuped̶a chokae jiradui b̶uasii. Mau awara naka jarabachii: «Mʉʉba machimaa jara b̶uu Jesús biawãra Dachi Akõreba Dachi Karibabarii deai jarad̶abʉ».

Hechos 17:3 Referans Kwoze

Hechos 18:28

Apolos aria b̶uumisa, jomaurã daad̶e Dachi Akõre bed̶ea b̶ʉd̶aba kuitaabiabachii Jesucristo Dachi Akõreba Dachi Karibabarii deai jarad̶a. Maud̶eeba judiorãba poyaa ab̶a bid̶a panaud̶aabasii.

Hechos 9:22

Maamina Sauloba ewaricha arakʉd̶e kuitaabiabachii Jesús biawãra Dachi Akõreba Dachi Karibabarii deai jarad̶a. Mauba Damasco puurud̶ebena judiorãba kuitaa kʉ̃risiad̶aabasii.

Lucas 24:32

Maud̶e ãchi du ab̶a naka jarasid̶au: —Ichiba Dachi Akõre bed̶ea jara nibasiid̶e ¿dachi ãrea kĩrajʉʉ panad̶aabaska?

Hechos 3:18

Maamina maud̶eeba Dachi Akõreba naed̶e jarad̶a joma makabisii. Ichi baita berreabadaurãd̶eeba jarasii ichiba Dachi Karibabarii deai jarad̶a ãrea puꞌuaped̶aad̶ad̶ebena dauchia jãadua b̶uaped̶a biui b̶uasii.

Lucas 24:46

Naka jarasii: —Dachi Akõre kartad̶e naka b̶ʉ kub̶uu: Dachi Akõreba Dachi Karibabarii deai jarad̶a biꞌiwãe b̶uai b̶uu. Biuped̶a ewari õbead̶e chokae jiradui.

Gálatas 3:1

Ãbarã Galacia druad̶ebenarã, ¡machi kʉ̃risiaswãe nureerã! ¿Kaiba machi setaa kũruasii chi biawãra bed̶ea ida b̶ud̶amera? Daiba machimaa joma chi Jesucristo cruzd̶e biu b̶uad̶a ʉ̃rʉbena jaradeabachid̶au.

Hechos 1:4

Ewari ab̶ad̶e Jesús ãchi baara komaa b̶uasiid̶e naka jarasii: —Jerusalén puurud̶ebena ãyaa wãrã́sturu. Nama esed̶áusturu ab̶a Dachi Akõreba ichi Jauri deai jarad̶a dearuud̶aa. Mau ʉ̃rʉbena mʉʉba machimaa naed̶e jarasii.

Juan 20:9

Mau ijãasid̶amina, ãchiba wabid̶a kauwa kuitaad̶awẽa panasii Dachi Akõre bed̶ead̶e Jesús chokae jiradui ʉ̃rʉbena b̶ʉ kub̶uu.

Lucas 24:44

Mau maad̶akare ãchimaa jarasii: —Mʉ wabid̶a machi baara b̶uasiid̶e jara b̶uabachii mʉ ʉ̃rʉbena naa b̶ʉped̶aad̶a joma makai b̶uu. Mau Moisesba b̶ʉsii, Dachi Akõre baita berreabadaurãba b̶ʉsid̶au, maud̶e Salmos kartad̶e bid̶a b̶ʉ kub̶uu.

Hechos 18:5

Maka b̶uud̶e Silas maud̶e Timoteo Macedonia druad̶ebena neesid̶au. Maad̶akare Pabloba ewaricha Dachi Akõre bed̶ea jaradea b̶uabachii. Ichiba judiorãmaa jarabachii Jesús biawãra Dachi Akõreba Dachi Karibabarii deai jarad̶a.