Hechos 17:24 - Emberá Chamí

²⁴ Mau Dachi Akõreba nau iujãa maud̶e nama ed̶a nub̶uu sid̶a joma wausii. Ichi bajãad̶ebena Mechiubʉ maud̶e nau iujãad̶ebena Mechiubʉ. Ichi ẽbẽraba waud̶a ded̶e b̶uakau.

Hechos 17:24 Referans Kwoze

Hechos 7:48

Maamina Dachi Akõre chi Mechiu nii juaba waud̶a ded̶e b̶uakau. Dachi Akõre baita berreabariiba kartad̶e naka b̶ʉsii:

Mateo 11:25

Mau ewarid̶e Jesusba jarasii: «Chacha, bichi bajãad̶ebena Mechiu maud̶e nau iujãad̶ebena Mechiu. Bichiba chi ne adua nureerãmaa mʉʉba jaradead̶a kuitaabiasiid̶eeba mʉʉba bichi bia jarai. Ne kuitaa nureerãmaa bichiba kuitaabiabasii.

Apocalipsis 20:11

Mau maad̶akare mʉʉba rey ãkau mechiu torroa b̶uu maud̶e chi maud̶e akʉ b̶uu unusii. Ichi daad̶e joma nau iujãa maud̶e bajãa wãꞌãesii. Ab̶au bid̶a waa unud̶aabasii.

Hechos 14:15

—Machiba, ¿sakãe jãka wau panuma? Dai biawãra ẽbẽrarãbʉ, machi kĩra. Machimaa jarad̶e nee panuu chi biawãe b̶ee ida b̶ud̶aped̶a Dachi Akõre chokae nii ijãad̶amera. Mau Dachi Akõreba bajãa, nau iujãa, mar maud̶e joma mamed̶a duanuu wausii.

Hechos 4:24

Mau ũrisid̶aud̶e joma ãbua Dachi Akõremaa ʉtaa id̶isid̶au: «Dai Mechiu joma poyaa nii, bichiaburu bajãa, nau iujãa, mar maud̶e joma mamed̶a duanuu wausii.

Lucas 10:21

Maka berrea panuud̶e Jesús Dachi Akõre Jaurid̶eeba ãrea kĩrajʉʉ nub̶eesii. Maud̶eeba Dachi Akõremaa naka jarasii: «Chacha, bichi bajãad̶ebena Mechiu maud̶e nau iujãad̶ebena Mechiu. Bichiba ne adua nureerãmaa mʉʉba jaradead̶a kuitaabiasiid̶eeba mʉʉba bichi bia jarai. Ne kuitaa nureerãmaa bichiba kuitaabiabasii. Maerã, Chacha, bichiba maka wausii maka waui kʉ̃ria b̶uasiid̶eeba.

Hebreos 3:4

Chi de waubarii barau. Maamina chi joma waud̶a Dachi Akõrebʉ.

Mateo 5:34

Maamina mʉʉba jaraaruu: ab̶au trʉ̃d̶e biawãra ne waud̶ai arã́sturu. Bajãa trʉ̃d̶eeba biawãra ne waui arã́sturu, bajãa Dachi Akõre rey ãkau kĩra b̶uud̶eeba.

Hebreos 1:2

Maamina nau kaad̶ebena ewarid̶e ichi Warrd̶eeba dachimaa berreasii. Ichi Warrd̶eeba Dachi Akõreba joma wausii maud̶e mau b̶usii joma uru b̶uamera.

Juan 1:1

Arab̶aed̶eed̶e chi Bed̶ea b̶uasii. Mau Bed̶ea Dachi Akõre ome b̶uasii. Biawãra mau Dachi Akõre maka b̶uasii.

Romanos 1:19

Dachi Akõre ʉ̃rʉbena poyaa kuitaad̶ai b̶uu ãchiba mau ãrea kuitaa panuu, ichiba mau kuitaabia b̶uud̶eeba.