Hechos 16:35 - Emberá Chamí

³⁵ Norema chi jaradea ua b̶uabadaurãba chi jʉ̃a b̶ee nubariimaa naka jarad̶e bʉisid̶au: «Pablo maud̶e Silas awara bʉikase».

Hechos 16:35 Referans Kwoze

Hechos 5:40

Maabae Jesusba bʉid̶arã waya iusid̶au. Pebewad̶aped̶a, jarasid̶au waa Jesús trʉ̃d̶eeba ẽbẽrarãmaa berrearãad̶amera. Mau maad̶akare enatasid̶au.

Hechos 4:21

Maabae chi karrarã aria duanuuba maucha jarasid̶au maka jarabirãad̶amera. Ãchiba jidau panasmina kastikad̶ai baita, ẽbẽrarã kakua wapea duanuud̶eeba ida b̶usid̶au. Ẽbẽrarã joma Dachi Akõremaa biꞌia berreasid̶au,

Lucas 12:11

»Machi mʉʉd̶e ijãa panuu kakua judiorã araa ãbua imibadau deemaa adoeped̶aad̶akare, maebʉrã chi juezrã daad̶e maebʉrã chi jaradea ua b̶uabadaurãmaa jideai baita, jirukaraarã́sturu saka panaud̶ayu maebʉrã kãare jarad̶ayu.

Hechos 16:34

Pablo maud̶e Silas ichi deed̶aa adoeped̶a kobiasii. Dachi Akõred̶e ijãasid̶aud̶eeba ichi maud̶e chi ichi ded̶ebenarã ãrea kĩrajʉʉsid̶au.

Hechos 16:36

Maabae chi jʉ̃a b̶ee nubariiba Pablomaa jarasii: —Chi jaradea ua b̶uabadaurãba jarabʉisid̶au, mʉʉba machi awara wãbiamera. Maud̶eeba namabena jirukaraayuwãe wã́sturu.

Hechos 16:38

Chi jʉ̃abadau de nubadaurãba Pabloba jarad̶a chi jaradea ua b̶uabadaurãmaa jarad̶e wãsid̶au. Pablo maud̶e Silas romad̶ebenarã nuree ũrisid̶aud̶e wapeasid̶au.