Hechos 16:22 - Emberá Chamí

²² Maud̶e joma chi aria panuuba Pablo maud̶e Silas orra adoesid̶au. Maka panuud̶e chi jaradea ua b̶uabadaurãba ãchi paru ẽetabid̶aped̶a bakuruba ubisid̶au.

Hechos 16:22 Referans Kwoze

1 Tesalonicenses 2:2

Kuitaa panuu machimaa wãd̶ai naed̶e Filipod̶ebenarãba dai kachirua jarasid̶au maud̶e kachirua wausid̶au. Mau awara machimaa neesid̶aud̶e ãreaba kʉ̃riad̶aabasii daiba jaradea panuu. Maamina Dachi Akõreba dachi sõbiabiasii ichi bed̶ea bia machimaa wapeawẽa jaradead̶amera.

2 Corintios 6:5

Soaba pe panuud̶e, jʉ̃a uru panuud̶e maud̶e dai kakua kĩrubika panuud̶e maka unubia panuu. Ãrea traja panuud̶e, kãi b̶eed̶awẽa panuud̶e maud̶e jarrbisia panuud̶e maka unubia panuu.

Hebreos 11:36

Chi nuree Dachi Akõred̶e ijãa panuu kakua ẽbẽrarãba atua jarasid̶au, soaba pesid̶au maud̶e kaenaba jʉ̃d̶aped̶a jʉ̃a kub̶usid̶au.

1 Pedro 2:24

Cristoba dachi kachirua ichi ʉ̃rʉ cruzd̶e adoesii dachi kachiruad̶ebena biud̶aped̶a jipa nuread̶amera. Ichi kakua puꞌuasid̶aud̶eeba machi biꞌia paneesid̶au.

Hechos 18:12

Galión abadau Acaya druad̶ebena chi karr b̶eesiid̶e chi judiorã chiya berread̶aped̶a Pablo jidaud̶aped̶a ichi mau Galión kĩraare adoesid̶au.

Hechos 17:5

Maamina judiorã Jesusd̶e ijãawẽa nuree sõd̶e kachirua duaneesid̶au. Maud̶eeba ẽbẽra kachiruarã ãrea jʉrʉd̶aped̶a puuru kĩrubikabiad̶e wãsid̶au. Ãchi kʉ̃ria, Jasón ded̶e ed̶a wãd̶aped̶a, Pablo maud̶e Silas jidausid̶au jomaurã daad̶e ãchi nebʉra ichiad̶ai baita.

Hechos 16:37

Maamina Pabloba chi karrarãmaa jarasii: —Dai romad̶ebenarãmina, dai nebʉra biꞌia ichiad̶awẽa, jomaurã daad̶e pebiad̶aped̶a jʉ̃asid̶au. Mau ¿dai awara mirubia bʉikad̶ai kʉ̃ria panuka? ¡Makawãema! ¡Ara ãchi neebiásturu, dai namabena adoed̶amera!

Hechos 5:40

Maabae Jesusba bʉid̶arã waya iusid̶au. Pebewad̶aped̶a, jarasid̶au waa Jesús trʉ̃d̶eeba ẽbẽrarãmaa berrearãad̶amera. Mau maad̶akare enatasid̶au.

Mateo 27:26

Maabae Pilatoba Barrabás enatasii. Maamina Jesús pebiped̶a kokoroarãmaa deasii cruzd̶e jirab̶u bead̶amera.

Mateo 10:17

Ẽbẽrarã tãed̶e kauwa nureásturu. Ãchiba machi chi jaradea ua b̶uabadaurãmaa jidau eneed̶aped̶a judiorã araa ãbua imibadau ded̶e soaba ped̶ai.

Lucas 12:11

»Machi mʉʉd̶e ijãa panuu kakua judiorã araa ãbua imibadau deemaa adoeped̶aad̶akare, maebʉrã chi juezrã daad̶e maebʉrã chi jaradea ua b̶uabadaurãmaa jideai baita, jirukaraarã́sturu saka panaud̶ayu maebʉrã kãare jarad̶ayu.