Hechos 16:15 - Emberá Chamí

¹⁵ Lidia maud̶e joma ichi ded̶ebenarã boro easid̶aud̶e daimaa chi chuburia id̶isii ichi ded̶e paneed̶amera. Naka jarasii: —Machimaa mʉʉba biawãra Dachi Mechiud̶e ijãasiibʉrã, mʉ ded̶e panad̶e nésturu. Maka dai ichi ded̶e paneebiasii.

Hechos 16:15 Referans Kwoze

Hechos 11:14

Mauba jarai saka Dachi Akõreba bichi maud̶e bichi ded̶ebenarã karibai”.

Hebreos 13:2

Kĩraba panad̶ai ida b̶urã́sturu machi ded̶e needuu biꞌia irsibid̶ai panuu. Chi nuree adua panuuba angelerã ãchi ded̶e biꞌia irsibisid̶au.

Hechos 16:33

Ara mau ẽsabud̶e chi jʉ̃a duanuu nubariiba ãchi chi tõoped̶aad̶a jeraasii. Mau maad̶akare ichi maud̶e joma ichi ded̶ebenarã boro easid̶au.

Lucas 24:29

Maamina ãchi baara b̶eemera ãrea chi chuburia id̶isid̶au: —Kiumaa b̶uud̶eeba wãrã́se. Dai baara b̶eese. Maud̶eeba ãchi baara b̶eesii.

3 Juan 1:8

Maud̶eeba dachiba mau ãbarã biꞌia aid̶ad̶ai panuu. Maka ãchi ome ãbua traja panuu chi biawãra bed̶ea kuitaabiad̶ai baita.

3 Juan 1:5

Ãba, bichiba ãbarã aid̶a b̶uud̶eeba biꞌia wau b̶uu. Chi bichiba unukau ãbarã sid̶a aid̶abariid̶eeba biawãra ãrea biꞌia wau b̶uu.

1 Pedro 5:12

Ãba Silvanoba nau karta cheke aid̶a b̶ʉsii. Mʉʉba kuitaa b̶uu ara ichiba jara b̶uu kĩra joma waubarii. Nau kartad̶eeba mʉʉba machi aid̶a kʉ̃ria b̶uu biꞌia ijãad̶amera. Maud̶e kuitaabiai kʉ̃ria b̶uu biawãra Dachi Akõreba ichi sõbiad̶eeba aid̶a b̶uu. Mau ijãa panásturu.

Filemón 1:17

Bichimaarã, Dachi Akõre baita dachiba arab̶aud̶e wau panuubʉrã, Onésimo biꞌia irsibise mʉ bichi deed̶aa urúbad̶e aaruu kĩra.

Filipenses 1:7

Biꞌia b̶uu mʉʉba joma machi ʉ̃rʉbena maka kʉ̃risia b̶uai, machi ãrea kʉ̃ria b̶uud̶eeba. Mʉ jʉ̃a b̶uud̶e maebʉrã chi bed̶ea bia Cristo ʉ̃rʉbena biawãra kuitaabi b̶uud̶e Dachi Akõreba ichi sõbiad̶eeba machi maud̶e mʉ sid̶a aid̶a b̶uu ichi bed̶ea jaradea panad̶amera.

Efesios 1:1

Mʉ Pablobʉ. Dachi Akõreba kʉ̃riasiid̶eeba mʉ Jesucristoba bʉid̶abʉ. Mʉʉba nau karta b̶ʉmaa b̶uu joma Dachi Akõred̶erã ẽbẽrarã Jesucristod̶e ijãa nuree Éfeso puurud̶ebenarã baita.

Gálatas 6:10

Maud̶eeba dachiba poyaaduucha, jomaurã biꞌia aid̶ad̶ai panuu. Chi Jesusd̶e ijãabadaurã maka aude aid̶ad̶ai panuu.

2 Corintios 12:11

Mʉ kʉ̃risiaswãe nii kĩra ara mʉ ʉ̃rʉbena biꞌia berrea b̶uu, maamina machiaburu mʉ maka berreabisid̶au. Machiba mʉ ʉ̃rʉbena biꞌia berread̶ai panumina biꞌia berread̶awẽa panuu. Maud̶e kʉ̃risia panuu jãarã Jesucristoba bʉid̶arã abadaurã chi mechiu nuree. Mʉ chi mechiuwãemina ãchi audeara kaebeu b̶uuwãe.

2 Corintios 5:14

Cristoba dai kʉ̃ria b̶uud̶eeba ichiba kʉ̃ria b̶uu wau panuu. Mau kʉ̃risiad̶aped̶a biawãra kuitaa panuu Ẽbẽra Ab̶a biusii jomaurã kakua. Maud̶eeba Dachi Akõre daad̶e joma biusid̶au.

Romanos 16:23

Ãba Gayo bid̶a kʉ̃ria b̶uu machi biꞌia duanad̶ai. Mʉ ichi ded̶e b̶uu. Ãbarã jomaurã ichi ded̶e araa ãbua imi panuu. Nau puurud̶ebena chi nejarra nubarii Erastoba maud̶e ãba Cuarto kʉ̃ria panuu machi biꞌia duanad̶ai.

2 Juan 1:10

Ẽbẽra machimaa wãaruud̶e Cristoba jaradead̶a kĩra jaradeawẽebʉrã, mau machi ded̶e biꞌia irsibirã́sturu maud̶e «biꞌia b̶uu bichi neesii» arã́sturu.

Hechos 18:8

Judiorã araa ãbua imibadau ded̶ebena chi karr Crispo abachid̶au. Mau Crispoba maud̶e joma ichi ded̶ebenarãba Dachi Mechiud̶e ijãasid̶au. Mau awara ãrea Corintod̶ebenarãba ũrisid̶au Pabloba Jesús ʉ̃rʉbena jaradea b̶uu. Chi ijãad̶aped̶a boro easid̶au.

Hechos 8:38

Ara makʉd̶e ichi karreta b̶ari nub̶eebiped̶a, ãchi omea ed̶aa baniad̶e ed̶a wãsid̶au. Aria Felipeba ichi boro easii.

Hechos 8:12

Maamina Felipeba Jesucristod̶eeba Dachi Akõreba ichid̶irã ichi juad̶e ua b̶uu ʉ̃rʉbena ãchimaa jaradea b̶uabachii. Maud̶e ãrea mukĩrarãba maud̶e wẽrarãba chi bed̶ea bia ijãad̶aped̶a boro easid̶au.

Lucas 14:23

Maud̶eeba chi de chibariba ichi baita bari trajabariimaa waya jarasii: “Puuru awara o b̶eecha wãse. Ẽbẽrarã unuuruubʉrã isa neebiáse mʉ de ẽbẽrarãba ãrea kob̶eemera.

Mateo 10:41

Ab̶auba Dachi Akõre baita berreabarii irsibiiruubʉrã, Dachi Akõreba mau bʉid̶ad̶eeba ne kaebea bia adaui Dachi Akõre baita berreabadaurãba adaubadau kĩra. Ẽbẽra jipa b̶uu irsibiiruubʉrã, Dachi Akõre ẽbẽra jipa b̶uu ne bia deabarii kĩra mau ẽbẽramaa deai.

Mateo 3:6

Ãchiba kachirua wauped̶aad̶a ichi daad̶e jarabachid̶au. Maabae Juanba ãchi Jordán dod̶e boro eakuabachii.

Hechos 16:31

Ãchiba panausid̶au: —Bichiba maud̶e bichi ded̶ebenarãba Dachi Mechiu Jesucristo ijãaduubʉrã, ichiba machi karibai.

Hechos 16:34

Pablo maud̶e Silas ichi deed̶aa adoeped̶a kobiasii. Dachi Akõred̶e ijãasid̶aud̶eeba ichi maud̶e chi ichi ded̶ebenarã ãrea kĩrajʉʉsid̶au.