Hechos 14:11 - Emberá Chamí

¹¹ Pabloba waud̶a unusid̶aud̶e mau puurud̶ebenarãba Licaonia bed̶ead̶e jĩwa jara kopaneesid̶au: —¡Dachi Akõre ome dachimaa ẽbẽra kĩra ed̶aa neesid̶au!

Hechos 14:11 Referans Kwoze

Hechos 28:6

Jomaurãba ichia duanasii Pablo ooroi kuitaa maebʉrã maka b̶uud̶e biui kuitaa, maamina maka ichia panuud̶e Pablo b̶istĩika bid̶a kachiruabasii. Maud̶eeba ãchiba kʉ̃risia june kũrisiad̶aped̶a jarasid̶au Pablo dachi akõre nii.

Hechos 8:10

Ichiba jaraaruu ẽbẽrarã chi kaebeu nureeba maud̶e chi mechiu nureeba kauwa ũribachid̶au. Jomaurãba jãu «Dachi Akõre Mimichia Poyaa Nii» abachid̶au.

Hechos 12:22

Maka b̶uud̶e ãchiba jĩwa jarabachid̶au: «¡Cha berrea b̶uu ẽbẽrawãema, maumaarã ab̶a Dachi Akõrebʉ!»

Hechos 14:6

Maamina mau kuitaasid̶aud̶e Licaonia druad̶aa miru wãsid̶au. Listra puurud̶aa maud̶e Derbe puurud̶aa wãsid̶au. Joma mau Licaonia druad̶e nibasid̶au.

Hechos 14:12

Ãchiba Bernabé Zeus abachid̶au maud̶e Pablo Hermes abachid̶au, ichi chi bed̶ea jarabariid̶eeba.