Hechos 11:21 - Emberá Chamí

²¹ Dachi Mechiuba ichi poyaad̶eeba ãchi aid̶akuasii. Maud̶eeba ãchiba jara panuu ãreaba ijãasid̶au. Ãchiba chi naed̶e kachirua kʉ̃risia badaped̶aad̶a ida b̶ud̶aped̶a Jesucristod̶e ijãa kopaneesid̶au.

Hechos 11:21 Referans Kwoze

Hechos 2:47

Ãchiba Dachi Akõremaa biꞌia berreabachid̶au. Maud̶e waabenarãba ãchi biꞌia unubachid̶au. Maud̶e Dachi Mechiuba ewaricha ẽbẽrarã karibabachii. Maka Dachi Akõreba ãchi ãrea bawaabiasii.

Lucas 1:66

Joma mau ũriped̶aad̶aba jarabachid̶au: «Maka b̶uaibʉrã, mau warr chi mechiu bai». Maka jarasid̶au Dachi Mechiu juaba chi warr nubariid̶eeba.

1 Tesalonicenses 1:5

Daiba chi bed̶ea bia Cristo ʉ̃rʉbena machimaa jaradeasid̶aud̶e bed̶eáturu berread̶aabasii. Maumaarã mau bed̶ea biawãra arakʉd̶e b̶uu kuitaa panuud̶eeba Dachi Akõre Jauri poyaabariid̶eeba berreasid̶au. Machiba kuitaa panuu dai saka machi tãed̶e nibaped̶aad̶a, machi biꞌia panad̶amera.

Hechos 9:35

Lida puurud̶e panabadaurã maud̶e Sarón druad̶e panabadaurã jomaurãba Eneas aribiabid̶a unusid̶aud̶e, Dachi Mechiud̶e ijãasid̶au.

Hechos 6:7

Maud̶e ãbarãba Dachi Akõre bed̶ea aude jarasid̶au. Maka chi Jesusd̶e ijãabadaurã Jerusalend̶e maucha aude baraasii. Mau awara ãrea paarerã bid̶a ijãasid̶au.

Hechos 5:14

Aude maucha Dachi Mechiud̶e ijãaduu ãrea neesid̶au, mukĩrarã maud̶e wẽrarã.

Hechos 4:4

Maamina chi Pedroba jaradea b̶uad̶a ũri panad̶a ãreaba Jesusd̶e ijãasid̶au. Chi maarã mukĩrarã 5.000 basii.

Hechos 15:19

»Maud̶eeba mʉʉmaarã, dachiba chi judiowãerã Dachi Akõred̶e ijãa panuumaa ne ãrea waud̶ai panuu a jarad̶aabai panuu.