Hechos 11:12 - Emberá Chamí

¹² Dachi Akõre Jauriba mʉ maarã baara wãabai a kʉ̃risiawẽa wãbisii. Cesarea puurud̶e need̶aped̶a dai ãchi jaradea ua b̶uabarii ded̶e ed̶aa wãsid̶au. Nau 6 ãbarã mʉ baara panasid̶au.

Hechos 11:12 Referans Kwoze

Hechos 8:29

Maka b̶uud̶e Dachi Akõre Jauriba Felipemaa jarasii: «Wãse jãu karreta kaita».

Romanos 3:22

Maka Dachi Akõreba waubarii ara ichiba jara b̶uu kĩra, Jesucristo dachi kakua biusiid̶e, ichi ũribaba nibad̶a unubiasiid̶eeba. Maka ichiba joma chi Jesusd̶e ijãaduurã chi ichid̶irã jipa nuree baara duanubarii. Ab̶a bid̶a kĩra awara unukau.

Hechos 10:23

Maabae Pedroba deed̶aa wãbisii. Mau ẽsabud̶e Pedro baara paneesid̶au. Norema Pedro jiraduped̶a ãchi baara wãsii. Maud̶e chi nuree ãbarã Jope puurud̶ebena ãchi baara wãsid̶au.

Hechos 15:9

Dachi Akõreba dachi ãchi ome kĩra aꞌawaraa waubasii. Ãchiba ijãasid̶aud̶e ãchi sõ jeraasii.

Hechos 10:45

Maud̶e ãibena bed̶ead̶e berrea duaneesid̶au maud̶e Dachi Akõremaa biꞌia berrea duaneesid̶au. Judiorã Jesusd̶e ijãabadaurã Pedro ome neeped̶aad̶aba mau ũrisid̶aud̶e kuitaa kʉ̃risiad̶aabasii Dachi Akõreba ichi Jauri judiowãerãmaa deasiid̶eeba.

Juan 16:13

Maamina Dachi Akõre Jauriba biawãra bed̶ea kuitaabiabariid̶eeba ichi neeruud̶e machimaa jaradeai chi biawãra bed̶ea Dachi Akõred̶eeba nee b̶uu joma kuitaad̶amera. Ara ichi kʉ̃risiad̶eeba berreabai, maumaarã joma mʉʉd̶ebena ũriiruu jarai. Ichiba machimaa kuitaabiai chi neei ewarid̶e kãare sakai.

Mateo 1:20

Maka kʉ̃risia b̶uud̶e Dachi Mechiud̶e ángel kamokaraad̶e Josemaa neeped̶a naka jarasii: «José, rey Davidd̶ebena need̶a, María warr adaui wapearã́se, mau wẽra warr baraasiid̶eeba Dachi Akõre Jaurid̶eeba.

Apocalipsis 22:17

Dachi Akõre Jauriba maud̶e chi Oeja Kaebe Nii kima abadauba naka jara b̶uu: «¡Uche!» Chi mau kartad̶e b̶ʉ kub̶uu ũriiruu bid̶a jarai b̶uu «¡Uche!» Chi obisia b̶uuba bania chi ewaricha chokae b̶uai deabarii dod̶e neei b̶uu. Mau bania kʉ̃ria b̶uuba bari dod̶e neei b̶uu.

Hechos 15:7

Berrea duanuu ãrea bad̶akare Pedro jiraduped̶a jarasii: —Ãbarã, machiba kuitaa panuu machid̶ebena Dachi Akõreba mʉ naed̶e jʉrʉ adausii judiowãerãba chi bed̶ea bia Jesús ʉ̃rʉbena ũrid̶aped̶a ijãad̶amera.

Hechos 13:4

Ãchi Dachi Akõre Jauriba bʉikasiid̶eeba Seleucia puurud̶aa wãsid̶au. Maad̶akare jãbad̶e Chipre isla kub̶uud̶aa wãsid̶au.

Hechos 13:2

Earab̶a ãbarãba chiko kod̶akau ewari wau panuud̶e Dachi Mechiumaa biꞌia berrea panasid̶au. Maka panuud̶e Dachi Akõre Jauriba ãchimaa jarasii: «Bernabé maud̶e Saulo mʉʉba iusii. Maud̶eeba ãchi awara adáusturu chi mʉʉba waubia b̶uu waud̶amera».

Hechos 1:15

Maka panuud̶e ewari ab̶ad̶e Pedro chi ãbarã 120 ẽsa ʉkʉ nub̶eesii. Maud̶e jarasii:

Hechos 11:13

Mau ẽbẽraba daimaa nebʉrʉsii ángel ichi ded̶e b̶uu unusii. Mauba ichimaa jarasii: “Jope puurud̶aa ẽbẽrarã bʉikase Simón, ara mau Pedro abadau jʉrʉd̶e wãd̶amera.

Hechos 28:15

Ãbarã Romad̶ebenaba dai wãaduu ũrisid̶aud̶e biꞌia irsibid̶e neesid̶au. Waabenarã Apio puurud̶aa neesid̶au maud̶e waabenarã Tres Taberna puurud̶aa neesid̶au. Pabloba maarã unusiid̶e Dachi Akõremaa ichíturu kid̶ibai aped̶a, maarã kakua kĩrajʉʉsii.