Hechos 10:41 - Emberá Chamí

⁴¹ Dachi Akõreba jomaurãmaa unubiabasii maamina daimaa unubiasii mau baita adoesiid̶eeba. Ichi chokae jiradusiid̶e dai ichi ome kosid̶au maud̶e dosid̶au.

Hechos 10:41 Referans Kwoze

Juan 14:22

Maabae chi ab̶abena Judas, Iscariotewãeba Jesusmaa id̶isii: —Dai Mechiu, ¿sakãe bichi daimaa unubiaima maamina nau iujãad̶ebenarãmaa unubiabaima?

Juan 21:13

Maka panuud̶e Jesusba pan adauped̶a ãchimaa dead̶akasii. B̶eda sid̶a dead̶akasii.

Juan 14:17

Ichi Dachi Akõre Jauribʉ. Ichiba Dachi Akõre biawãra kuitaabiabarii. Nau iujãad̶ebenarãba ichi poyaa adaud̶aabai, unud̶akaud̶eeba maud̶e adua panuud̶eeba. Maud̶e machiaburu ichi kuitaa panuu, machi baara b̶uud̶eeba maud̶e machi sõd̶e b̶uud̶eeba.

Hechos 10:39

Judiorã druad̶e maud̶e Jerusalén puurud̶e Jesusba waud̶a daiba joma unusid̶au. Ichiba ne bia wausmina judiorãba cruzd̶e jirab̶u beasid̶au.

Hechos 13:31

Mau maad̶akare Jesusba ichi baara Galilead̶ebena Jerusalend̶aa wãped̶aad̶arãmaa ichi b̶es ãrea unubiasii. Mau ẽbẽrarãba ichi ʉ̃rʉbena joma israeld̶ebenarãmaa berrea panuu.

Juan 15:16

Machiba mʉ jʉrʉ adaud̶aabasii. Mʉaburu machi jʉrʉ adausii. Bakuru jõ b̶eraakau chaubarii kĩra, mʉʉba machi b̶usii wãd̶aped̶a biꞌia waud̶amera. Mʉʉba machi jʉrʉ adausiid̶eeba machiba mʉ Chachamaa mʉ trʉ̃d̶eeba id̶iiduu ichiba deai.

Lucas 24:30

Kooduud̶e Jesusba pan adauped̶a Dachi Akõremaa ichíturu kid̶ibai jarasii. Chi pan b̶ʉakuaped̶a ãchimaa deasii.

Lucas 24:48

Ara machi dauba mʉ makad̶a joma unusid̶au.

Juan 14:19

Kãꞌãabariwãed̶e ẽbẽrarã nau iujãad̶ebenarãba mʉ waa unud̶aabai maamina machiba mʉ unud̶ai. Mʉʉba chokae b̶uai uru b̶uud̶eeba, machia bid̶a chokae b̶uai uru nuread̶ai.

Juan 15:27

Machia bid̶a mʉ ʉ̃rʉbena berread̶ai, machi arab̶aed̶eed̶e mʉ baara panuud̶eeba.

Hechos 1:4

Ewari ab̶ad̶e Jesús ãchi baara komaa b̶uasiid̶e naka jarasii: —Jerusalén puurud̶ebena ãyaa wãrã́sturu. Nama esed̶áusturu ab̶a Dachi Akõreba ichi Jauri deai jarad̶a dearuud̶aa. Mau ʉ̃rʉbena mʉʉba machimaa naed̶e jarasii.