Hechos 1:3 - Emberá Chamí

³ Jesús biusiid̶e ãchimaa ara ichi b̶es ãrea unubiasii kuitaad̶amera ichi biawãra chokae jiradusii. Maud̶e ãchimaa jaradeabachii ichid̶eeba, Dachi Akõreba ichid̶irã ichi juad̶e ua b̶uu ʉ̃rʉbena. Cuarenta ewari maka wausii.

Hechos 1:3 Referans Kwoze

Hechos 13:31

Mau maad̶akare Jesusba ichi baara Galilead̶ebena Jerusalend̶aa wãped̶aad̶arãmaa ichi b̶es ãrea unubiasii. Mau ẽbẽrarãba ichi ʉ̃rʉbena joma israeld̶ebenarãmaa berrea panuu.

Juan 20:26

8 ewari bad̶akare Jesús baara nibabadaurã waya deed̶a araa ãbua duanasii. Maud̶e Tomás sid̶a b̶uasii. Maka panuud̶e chi poraa biꞌia jʉ̃a nub̶umina Jesús maka b̶uud̶e neesii. Ãchi ẽsa neeped̶a jarasii: —¡Jirukaraayuwãe duanásturu!

1 Juan 1:1

Arab̶aed̶eed̶e chi Chokae Nibabiabarii Bed̶ea abadau b̶uasii, maud̶e wabid̶a b̶uu. Mauba jaradead̶a daiba ũrisid̶au. Mau dai dauba unusid̶au maud̶e juaba wausid̶au. Mauba waud̶a kauwa ichiasid̶au. Mau ʉ̃rʉbena daiba nau kartad̶e b̶ʉmaa panuu.

Juan 21:14

Mauba b̶es õbea ba b̶uasii Jesús chokae jiradusiid̶e ichi baara nibabadaurãmaa unubiaruu.

Juan 21:1

Mau maad̶akare Jesusba ichi waya ichi baara nibabadaurãmaa unubisii Tiberias mar iikaa. Nakasii:

Hechos 28:31

Ichiba wapeawẽa berreabachii Dachi Mechiu Jesucristod̶eeba, Dachi Akõreba ichid̶irã ichi juad̶e ua b̶uu ʉ̃rʉbena. Maud̶e ab̶au bid̶a ichimaa makarã́bad̶e ad̶aka basii.

1 Tesalonicenses 2:12

Daiba biꞌia jarasid̶au machi Dachi Akõreba kʉ̃ria b̶uu kĩra nibad̶amera. Ichiba machi iusii, ichi juad̶e ua b̶uai baita maud̶e ichi biad̶ebena uru panad̶amera.

Colosenses 1:13

Dachi Akõreba chi jʉbawãe nii pãriud̶ebena dachi karibaped̶a b̶usii ichi Warr kʉ̃ria nii juad̶e ichid̶irã baara ua b̶uamera.

Romanos 14:17

Dachi Akõreba ichi juad̶e panuurãmaa jarakau kãare kod̶ai panuu maud̶e kãare dod̶ai panuu. Maumaarã kʉ̃ria b̶uu ãchiba ichi Jaurid̶eeba jipa wau panad̶ai, jirukaraayuwãe panad̶ai maud̶e kĩrajʉʉ panad̶ai.

Mateo 4:2

Jesús kowẽa b̶uasiid̶eeba 40 ewari maud̶e ẽsabud̶e, jarrbisia b̶uasii.

Mateo 3:2

Juanba naka jarabachii: «Bajãad̶e B̶uu neeruu ichid̶irã ichi juad̶e ua b̶uai baita. Maud̶eeba machiba kachirua waubadau ida b̶ud̶aped̶a ichimaa wã́sturu».

Marcos 16:19

Maka jarasiid̶e Dachi Akõreba Dachi Mechiu Jesús bajãad̶aa adoesii. Aria ichi jua biare akʉ b̶eesii.

Hechos 8:12

Maamina Felipeba Jesucristod̶eeba Dachi Akõreba ichid̶irã ichi juad̶e ua b̶uu ʉ̃rʉbena ãchimaa jaradea b̶uabachii. Maud̶e ãrea mukĩrarãba maud̶e wẽrarãba chi bed̶ea bia ijãad̶aped̶a boro easid̶au.

Hechos 19:8

Jed̶ako õbea Pablo judiorã araa ãbua imibadau deed̶aa wã b̶uabachii. Aria wapeawẽa judiorã ome berrea b̶uabachii Dachi Akõreba ichi warr Jesusd̶eeba, ichid̶irã ichi juad̶e ua b̶uu ʉ̃rʉbena, mau ãchiba ijãad̶amera.

Hechos 28:23

Maud̶e ãchiba ewari ab̶a b̶usid̶au. Mau ewari neesiid̶e ẽbẽrarã ãrea Pablo b̶uumaa neesid̶au. Daped̶eed̶ebena ab̶a kewaraad̶aa Pabloba berreamaa b̶uasii Dachi Akõreba ichid̶irã ichi juad̶e ua b̶uu ʉ̃rʉbena. Moisesba b̶ʉd̶ad̶eeba maud̶e Dachi Akõre baita berreabadaurãba b̶ʉped̶aad̶ad̶eeba jaradea b̶uasii Jesusd̶e ijãad̶amera.