Hechos 1:12 - Emberá Chamí

¹² Maabae Olivo ead̶ebena Jerusalend̶aa waya wãsid̶au. Mau ea Jerusalend̶ebena kilómetro ab̶a b̶uu.

Hechos 1:12 Referans Kwoze

Lucas 24:52

Ãchiba Jesús ãrea kʉ̃riad̶aped̶a ãrea kĩrajʉʉ waya Jerusalend̶aa wãsid̶au.

Mateo 21:1

Jerusalend̶e bamaa panuud̶e Betfagé puurud̶e, Olivo ead̶e neesid̶au. Maud̶e Jesusba ichi baara nibabadaurã ome panuu puurud̶aa bʉisii.

Lucas 24:50

Mau maad̶akare Jesusba ãchi Jerusalén puurud̶ebena Betania puuru kaita uad̶osii. Maabae ichi jua ʉtaa jiraped̶a ãchimaa biꞌia jarasii Dachi Akõreba aid̶amera.

Juan 11:18

Betania puuru Jerusalend̶eeba ara kaita b̶uasii.

Lucas 21:37

Ãyadaa Jesusba Dachi Akõre de mechiu dud̶a jaradea b̶uaped̶a ẽsabud̶e Olivo ead̶aa wãbachii.

Mateo 26:30

Maabae Dachi Akõre bed̶ea ʉ̃rʉbena karid̶aped̶a Olivo ead̶aa wãsid̶au.

Mateo 24:3

Jesús Olivo ead̶e akʉ b̶uasiid̶e ichi baara nibabadaurã ichimaa wãd̶aped̶a ãchi du ab̶a naka id̶isid̶au: —Daimaa jarase, Dachi Akõre de mechiu ¿mau sakaed̶e makaima? ¿Kãared̶eeba kuitaad̶aima bichi neeruu? Maud̶e ¿kãared̶eeba kuitaad̶aima nau ewari baribai?

Lucas 19:29

Wãaruud̶e Betfagé puuru maud̶e Betania puuru kaita Olivo ead̶e neesii. Maabae ichi baara nibabadaurã ome panuu puurud̶aa bʉisii.

Mateo 24:20

Dachi Akõremaa ʉtaa id̶ísturu kui che ewarid̶e maebʉrã bari panabadau ewarid̶e miru wãrãad̶amera.