Hebreos 7:25 - Emberá Chamí

²⁵ Maud̶eeba chi ichid̶eeba Dachi Akõremaa needuu joma poyaa karibai ewaricha chokae nuread̶amera. Biukaud̶eeba ewaricha dachi baita Dachi Akõremaa chi chuburia id̶ibarii.

Hebreos 7:25 Referans Kwoze

Romanos 8:34

¿Kaiba dachi nebʉra bara panuu ad̶aima? Ab̶au bid̶a maka jaraabai Jesucristo dachi kakua biusiid̶eeba. Ichi biu b̶uad̶a chokae jiradusii. Jãabae Dachi Akõre jua biare b̶uu. Aria dachi baita Dachi Akõremaa chi chuburia id̶i b̶uu.

1 Timoteo 2:5

Dachi Akõre ab̶aburu nii. Maud̶e chi ẽbẽrarã Dachi Akõre ome nebʉrad̶e panad̶a mau biꞌia nibabiabarii ab̶aburu nii. Mau ẽbẽra Jesucristobʉ.

Judas 1:24

Dachi Akõreba machi poyaa nu ua b̶uai b̶uu kachiruad̶e b̶aerãad̶amera. Ichi kĩrawãrea daad̶e kachiruaswãe poyaa biꞌia b̶ui. Aria machi kĩrajʉʉ panad̶ai.

Juan 14:6

Maud̶e Jesusba jarasii: —Mau o mʉʉbʉ. Mʉʉd̶eeba Dachi Akõre biawãra unu panuu maud̶e chokae b̶uai uru panuu. Mʉwãebʉrã ab̶a bid̶a mʉ Chachamaa poyaa neebai.

Efesios 2:18

Cristod̶eeba dachi omeeba arab̶au Bajãad̶ebena Akõremaa poyaa ara kaita need̶ai, ichi arab̶au Jaurid̶eeba.

Romanos 5:2

Mau awara Jesucristod̶e ijãa panuud̶eeba Dachi Akõreba ichi sõbiad̶eeba dachi ewaricha aid̶abarii. Maud̶e kĩrajʉʉ panuu kuitaa panuud̶eeba Dachi Akõre biad̶ebena adaud̶ai.

Hebreos 11:6

Maamina chi Dachi Akõred̶e ijãawẽa nii ichiba biꞌia unukau. Chi Dachi Akõremaa neei kʉ̃ria b̶uuba ijãai b̶uu ichi biawãra nii maud̶e joma chi ichi jʉrʉʉduu karibabarii.

Efesios 3:20

¡Dachi Akõre ãrea biꞌia nii! Ichi poyaabarii dachi sõd̶e b̶uud̶eeba ne mechiu poyaa waui, dachiba kʉ̃risiabadau audeara maebʉrã ichimaa ʉtaa id̶ibadau audeara.

Hebreos 9:24

Cristo Dachi Akõre de ẽbẽrarãba wauped̶aad̶ad̶e ed̶a wãabasii, mau ab̶aburu Dachi Akõre de chi biawãra b̶uu bajãad̶e kub̶uu kĩra b̶uasiid̶eeba. Cristo bajãad̶e Dachi Akõre daad̶e wãsii, ichi oa chesiid̶eeba dachi baita ichimaa chi chuburia id̶ii baita.

Hebreos 7:19

maud̶e mau Moisesba b̶ʉd̶aba ab̶a bid̶a jipa nibabiabasii. Mau Moisesba b̶ʉd̶a audeara Dachi Akõreba ne bia deasii dachi karibai baita. Maud̶eeba dachi Dachi Akõremaa ara kaita wãbadau.

Juan 14:13

Maka machiba mʉʉd̶e ijãa panuud̶eeba mʉ trʉ̃d̶eeba id̶iiduu mʉʉba joma waui. Maka mʉʉd̶eeba jomaurãba mʉ Chacha jomaurã audeara mechiu nii unud̶ai.

Hebreos 5:7

Cristo nau kakuad̶e b̶uasiid̶e jẽa b̶uuba Dachi Akõremaa jĩwa chi chuburia id̶isii, Dachi Akõreba ichi biuid̶ebena poyaa karibai b̶uasiid̶eeba. Maud̶e Dachi Akõreba kʉ̃ria b̶uu kĩra waui asiid̶eeba, Dachi Akõreba ichiba ʉtaa id̶id̶a biꞌia ũrisii.

Hebreos 13:15

Maud̶eeba Jesucristod̶eeba dachiba, chi Dachi Akõred̶e ijãa panuu a panuuba, ewaricha ichimaa biꞌia berread̶ai panuu, ãnimara baa deaduu kĩra.

Hebreos 7:16

Ichi paare b̶eebasii, chi Moisesba b̶ʉd̶a kĩra b̶eesiid̶eeba. Moisesba b̶ʉd̶aba ab̶aburu Levid̶ebena imiiduurã b̶ubarii. Maumaarã Jesús paare b̶eesii ichi poyaabariid̶eeba biukaud̶eeba.

Hebreos 2:18

Jʉbawãe niiba waa jara b̶uasiid̶e Jesús ãrea biꞌiwãe b̶uasii. Maud̶eeba Jesusba chi jʉbawãe niiba waa jarabia b̶uabarii aid̶ai kuitaa b̶uu.

Filipenses 3:21

Ichi neeruud̶e chi kakua biui b̶uu ãyaa waui. Maud̶e ichi kakua kĩra ãrea biꞌia b̶eei. Ichi poyaabariid̶eeba maka waui. Mau poyaabariid̶eeba ichiba ne joma poyaai.

Juan 14:16

Maud̶eeba mʉ Chachamaa id̶ii machi Karibabarii bʉimera. Mau machi baara ewaricha b̶uai.

2 Timoteo 1:12

Mau baita mʉ maka biꞌiwãe b̶uu. Maamina kĩrakayayuwãe b̶uu. Mʉʉba kuitaa b̶uu kaid̶e ijãa b̶uu. Maud̶e kuitaa b̶uu mʉʉba ichi juad̶e b̶ud̶a, ichiba poyaa nui b̶uu ab̶a ichiba kastikai ewarid̶aa.

Hebreos 7:24

Maamina Jesús biukaud̶eeba ewaricha paare bai.

Efesios 3:12

Dachiba ara mau Jesucristod̶e ijãa panuud̶eeba maud̶e ichi ome ãbua panuud̶eeba Dachi Akõremaa wapeawẽa ʉtaa id̶id̶ai panuu.

Hebreos 7:8

Israeld̶ebenarãba adoeduud̶ebena Levid̶ebena imiiduurã paarerãmaa deabadau. Mau paarerã biud̶aimina 10 adoeduucha ãchimaa ab̶a deabadau. Maamina Dachi Akõre bed̶ead̶e jara b̶uu Melquisedec waa chokae b̶uu. Maka Abrahamba juakaa adaud̶ad̶ebena mau biukau paaremaa deasii. 10 juasiiruucha ab̶a deasii.

Romanos 5:10

Dachi wabid̶a Dachi Akõre ome chi kĩramaa nureasiid̶e ichi Warr biusiid̶eeba dachi ichi ome biꞌia b̶usii. Cristo chokae b̶uud̶eeba, maka dachi biawãra karibai.

1 Corintios 1:21

Dachi Akõreba ichi kʉ̃risia kuitaad̶eeba waud̶aba, ara ichi unubia b̶uu. Maamina nau iujãad̶ebenarãba ara ãchi kʉ̃risia kuitaad̶eeba ichi unud̶akau. Chi daiba jaradea panuu kĩra kawawẽa b̶uu kĩra b̶umina Dachi Akõremaarã bibuara b̶uu maud̶eeba joma chi ichid̶e ijãaduu karibai.

Hebreos 2:9

Maamina Jesús unu panuu. Dachi Akõreba ichi angelerã audeara nau iujãad̶e kaebeu b̶usii. Dachi Akõreba ichi sõbiad̶eeba maka wausii Jesús jomaurã kakua biumera. Ãrea biꞌiwãe b̶uaped̶a biusiid̶eeba Dachi Akõreba ichi biꞌia b̶usii maud̶e chi mechiu b̶usii.