Hebreos 6:1 - Emberá Chamí

^1-2 Maud̶eeba Cristod̶e kuitaa wari kãri bad̶ai panuu. Dachiba ichi ʉ̃rʉbena naed̶e kuitaaped̶aad̶a akabichia aramáturu jaradearã́duru. Waya jaradead̶aabai chi kachirua wau panuu kakua biud̶ai panuu, kachirua ida b̶ud̶aped̶a Dachi Akõremaa need̶ai panuu, Dachi Akõred̶e ijãad̶ai ʉ̃rʉbena, boro ead̶ai ʉ̃rʉbena, ãbarã ʉ̃rʉ jua kub̶uud̶ai ʉ̃rʉbena, biud̶arã chokae jiradud̶ai ʉ̃rʉbena maud̶e Dachi Akõreba kastikaped̶a ewaricha ãrea biꞌiwãe panad̶ai ʉ̃rʉbena sid̶a.

Hebreos 6:1 Referans Kwoze

Hebreos 9:14

Maka baibʉrã, ¿Cristo oaba dachi biꞌia b̶uwẽka? Cristo kachiruaswãe nibasii. Dachi Akõre Jauri biukauba karibasiid̶eeba ara ichi ida beabisii ãnimara Dachi Akõremaa baa dearuu kĩra. Kachirua wau panuu kakua dachi biud̶ai panasid̶au. Maamina Cristoba ara ichi ida beabisiid̶eeba dachiba kachirua wauped̶aad̶a Dachi Akõreba perdonaped̶a dachi kʉ̃risia jipa b̶usii. Maka chi Dachi Akõre chokae niiba kʉ̃ria b̶uu, mau dachiba poyaa waud̶ai.

2 Corintios 7:1

Ãbarã, Dachi Akõreba dachimaa mau joma waui asiid̶eeba nau kakuaba kachirua waubarii maud̶e dachi kʉ̃risiad̶eeba waubarii joma ida b̶ud̶ai panuu. Dachi Akõre ãrea wapea panuud̶eeba ichi baita biꞌia nuread̶ai panuu.

Hechos 26:20

Mʉʉba naed̶e Damasco puurud̶ebenarãmaa jarasii ãchiba kachirua waubadau ida b̶ud̶aped̶a Dachi Akõremaa need̶amera. Mau maad̶akare Jerusalén puurud̶e, joma Judea druad̶e maud̶e judiowãerãmaa ara mau jarasii. Jomaurãmaa jarasii biꞌia wau panuu ãchiba kachirua wauped̶aad̶a biawãra ida b̶uped̶aad̶a unubiad̶ai baita.

Hebreos 12:13

O jipaud̶e nibásturu. Maka chi poyaara nuree b̶aed̶aabai, maumaarã biꞌia ijãa panad̶ai.

Mateo 21:32

Juanba jaradead̶akad̶e nee b̶uasii, ãchi jipa nuread̶amera, maamina ijãad̶aabasii. Maamina Romad̶ebena baita chi nejarra pebadaurãba maud̶e wẽrarã aud̶uabadaurãba ijãasid̶au. Maud̶e machiba mau unusid̶amina machi kachirua waud̶ai ida b̶ud̶aabasii, ichi bed̶ea ijãad̶ai baita.

Hebreos 7:11

Dachi Akõreba ichi Moisesba b̶ʉd̶a Israeld̶ebenarãmaa deasiid̶e Levid̶ebena imiiduurã b̶usii paarerã bad̶amera. Mau paarerãba wau panuud̶eeba ẽbẽrarã poyaa Dachi Akõremaa wãbiad̶ai b̶uasiibʉrã, ¿sakãe Aarón ãyaa paare Melquisedec kĩra nii neei b̶uasma?

Efesios 4:12

Ichiba maka b̶usii ẽbẽrarã Dachi Akõred̶erã aid̶ad̶amera, ãchia bid̶a Dachi Akõre baita poyaa biꞌia waud̶amera. Maka joma Cristo ẽbẽrarã ichi kakua abadau chaarea warimaa panuu,

Juan 12:44

Maabae Jesusba jĩwa jarasii: «Chi mʉʉd̶e ijãa b̶uuba mʉ bʉid̶a sid̶a ijãa b̶uu.

Juan 5:24

»Mʉʉba biawãra jaraaruu: barikiuba mʉ bed̶ea ũriped̶a mʉ bʉid̶a ijãaruubʉrã, mau ẽbẽra mau ome ewaricha chokae b̶uai. Dachi Akõreba mau ichiabai. Biawãra mau ẽbẽra biu b̶uad̶a chokae b̶uu.

Mateo 3:2

Juanba naka jarabachii: «Bajãad̶e B̶uu neeruu ichid̶irã ichi juad̶e ua b̶uai baita. Maud̶eeba machiba kachirua waubadau ida b̶ud̶aped̶a ichimaa wã́sturu».

1 Timoteo 3:16

Biawãra Dachi Akõreba mau bed̶ea kuitaabiad̶a ãrea biꞌia b̶uu: Cristo nau kakuad̶e neesii. Dachi Akõre Jauriba kuitaabiasii ichi jipa nii. Angelerãba ichi unusid̶au. Ãbarãba ichi ʉ̃rʉbena drua awarabenarãmaa jaradeasid̶au. Ãreaba nau iujãad̶e ichid̶e ijãasid̶au. Dachi Akõreba ichi bajãa bia b̶uud̶aa waya adoesii.

2 Corintios 7:10

Ab̶aba kachirua waud̶a kakua Dachi Akõreba kʉ̃ria b̶uu kĩra nomaa b̶eeruubʉrã, ichiba kachirua waud̶a ida b̶uped̶a Dachi Akõremaa neei. Maabae Dachi Akõreba ichi karibai. Dachi Akõre ome biꞌia b̶eesiid̶eeba mau kĩra nomaa b̶uad̶a kachirua kʉ̃risiakau. Maamina ab̶aba nau iujãad̶ebenarã kĩra nomaabadau kĩra nomaaruubʉrã, kachirua ida b̶uwẽed̶eeba biui.

2 Timoteo 2:19

Maamina ẽbẽrarã Dachi Akõred̶erãba Cristod̶e ãrea ijãa panuu de jʉ̃rʉ kad̶aba de chaarea uru b̶uabarii kĩra. De poraamaa ne b̶ʉ nubadau kĩra, Dachi Akõreba naka jarasii: «Dachi Mechiuba joma ichid̶irã kuitaa b̶uu». Maud̶e jarasii: «Joma Dachi Mechiud̶e ijãa panuu abadaurãba kachirua ida b̶ud̶ai panuu».

Hechos 20:21

Judiorãmaa maud̶e judiowãerãmaa mʉʉba jarasii kachirua waubadau ida b̶ud̶aped̶a Dachi Akõremaa need̶amera maud̶e Dachi Mechiu Jesucristod̶e ijãad̶amera.

Hechos 11:18

Jerusalend̶ebena ãbarãba mau ũrisid̶aud̶e waa kachirua jarad̶aabasii, maumaarã Dachi Akõremaa naka biꞌia berreasid̶au: —¡Biawãra Dachi Akõreba judiowãerã karibasii ãchi kachirua ida b̶ud̶aped̶a ichimaa need̶amera! ¡Maka ewaricha ichi baara chokae panad̶ai!

Hechos 3:19

Machiba chi kachirua ida b̶ud̶aped̶a Dachi Akõremaa nésturu. Maka wauduubʉrã machiba kachirua wauped̶aad̶a Dachi Mechiuba perdonaped̶a sõbiabiai,

Juan 14:1

»Jirukaraa nurearã́sturu. Chi Dachi Akõreba wauruud̶e maud̶e chi mʉʉba wauruud̶e ijã́sturu.

Marcos 6:12

Ara makʉd̶e Jesús baara nibabadaurã wãsid̶au. Wãaduucha ẽbẽrarãmaa jarabachid̶au ãchi kachirua ida b̶ud̶aped̶a Dachi Akõremaa need̶amera.

Marcos 1:1

Nau chi bed̶ea bia Dachi Akõre Warr Jesucristo ʉ̃rʉbena b̶ʉʉruu. Naed̶e Dachi Akõre baita berreabarii Isaiasba naka b̶ʉsii: «Chi mʉ baita bed̶ea jarabarii mʉʉba bichi naa bʉii bichi o jaremera.

Mateo 4:17

Mau ewari tõpe Jesusba naka jara nibasii: «Bajãad̶e B̶uu neeruu ichid̶irã ichi juad̶e ua b̶uai baita. Maud̶eeba machiba kachirua waubadau ida b̶ud̶aped̶a ichimaa nésturu».

1 Juan 4:12

Ab̶au bid̶a Dachi Akõre dauba unukau. Maamina dachi chiya kʉ̃ria panuubʉrã, Dachi Akõre dachi ome b̶uu maud̶e ichi kʉ̃riad̶eeba dachiba biawãra joma kʉ̃ria panuu.

1 Pedro 1:21

Cristod̶eeba machiba Dachi Akõred̶e ijãa panuu. Dachi Akõreba ichi biu b̶uad̶a chokae jiradubiped̶a chi mechiu b̶usii. Maud̶eeba machiba Dachi Akõred̶e biawãra ijãa panuu maud̶e esed̶au panuu Dachi Akõreba jarad̶a joma waumera.

Santiago 1:4

Mau biawãra dauchia jãadua paneeduubʉrã, ne jomad̶e biꞌia, jipa nuread̶ai. B̶istĩika bid̶a nistad̶awẽa panuu nuread̶ai.

Hebreos 11:6

Maamina chi Dachi Akõred̶e ijãawẽa nii ichiba biꞌia unukau. Chi Dachi Akõremaa neei kʉ̃ria b̶uuba ijãai b̶uu ichi biawãra nii maud̶e joma chi ichi jʉrʉʉduu karibabarii.

Colosenses 4:12

Machi puurud̶ebena Jesucristo baita bari trajabarii Epafrasba jarabʉi b̶uu machi biꞌia panad̶ai. Ichiba ewaricha Dachi Akõremaa ʉtaa id̶i b̶uabarii machi ne jomad̶e dauchia jãadua nuread̶amera, ãrea ijãa panad̶amera, maud̶e joma Dachi Akõreba waubi kʉ̃ria b̶uu kuitaad̶aped̶a waud̶amera.

Colosenses 1:28

Joma kʉ̃risia kuitaad̶ebena daiba Cristo ʉ̃rʉbena jomaurãmaa jaradea panuu jipa nibad̶amera. Maka daiba ẽbẽrarã joma Cristod̶eeba jomad̶e jipa panuu Dachi Akõremaa unubiad̶ai.

Efesios 2:5

kachiruad̶e biu panad̶a Cristo ome ãbua chokae b̶usii. Dachi Akõreba ichi sõbiad̶eeba machi karibasii.

1 Pedro 5:10

Machi ewari b̶aꞌãra biꞌiwãe panaped̶aad̶akare Dachi Akõreba ne jomad̶e biꞌia b̶ui. Ichiba machi aid̶ai biꞌia ijãad̶amera, joma jãaduad̶amera maud̶e chaarea nuread̶amera. Dachi Akõreba ichi sõbiad̶eeba ne jomad̶e aid̶abarii. Ichiba machi Jesucristod̶eeba iusii ichi ome ewaricha chi mechiu nuread̶amera.

Efesios 2:1

Naed̶e machi biu panasid̶au, ijãad̶awẽa panasid̶aud̶eeba, kachirua waubachid̶aud̶eeba.

1 Corintios 13:10

Maamina chi bibuara b̶uu neeruud̶e mau b̶aꞌãra b̶uu wãꞌãe bai. Maud̶e joma kuitaad̶ai.

Hechos 17:30

Ẽbẽrarãba chi Dachi Akõre naed̶e adua panad̶a, ichiba mau ida b̶usii. Maamina id̶ibae jara b̶uu joma druachad̶ebenarãba kachirua ida b̶ud̶aped̶a ichid̶e ijãad̶amera.

Hechos 2:38

Maud̶e Pedroba panausii: —Kachirua ida b̶ud̶aped̶a Dachi Akõremaa nésturu. Jesucristo trʉ̃d̶eeba boro eásturu. Maud̶e machiba kachirua wauped̶aad̶a Dachi Akõreba perdonaped̶a ichi Jauri machimaa deai.

Mateo 7:25

Maud̶e kui che kob̶eesii, pũatu ãrea pũatu kob̶eesii maud̶e do chesii, maamina chi de b̶aebasii mo ʉ̃rʉ wau kub̶uasiid̶eeba.

Mateo 5:48

Maud̶eeba jomaurã kʉ̃riakuásturu machi Akõre bajãad̶e b̶uuba jomaurã kʉ̃ria b̶uu kĩra.

1 Timoteo 6:19

Maka biꞌia wau panuud̶eeba ne kaebea pe nub̶uumaa panuu ewari ab̶a neeruud̶e biꞌia panad̶ai baita. Ara maud̶e ãchi biawãra chokae panad̶ai.

Lucas 6:48

Mau ẽbẽraba de wauruu kĩra b̶uu. Mau ẽbẽraba ãrea id̶u korosii ab̶a mo chaarea unuuruud̶aa. Mau ʉ̃rʉ de jʉ̃rʉ ʉyaa nub̶usii. Mau de chaarea ãrea nub̶uud̶eeba do ãrea cheeruud̶e b̶aebasii.

Mateo 21:29

Maud̶e chi warrba panausii: “¡Mʉ wãwẽma!” Maamina waya kʉ̃risiaped̶a trajad̶e wãsii.

1 Corintios 2:6

Maka b̶uud̶e daiba jaradea panuu chi Dachi Akõred̶e ãrea ijãa nureemaa. Ãchi baita mau jaradea panuu chi kʉ̃risia kuitaabʉ. Mau kʉ̃risia kuitaa nau iujãad̶ebenawãema maud̶e nau iujãad̶ebena karrarã kʉ̃risia kuitaawãema. Maarã ãrea panad̶aabai.

Colosenses 3:14

Mau awara waabenarã kʉ̃ria duanásturu. Maka machi jomaurã ome ãbua biꞌia duanad̶ai.