Hebreos 5:8 - Emberá Chamí

⁸ Cristo Dachi Akõre Warrmina ichi ãrea biꞌiwãe b̶uud̶eeba saka ũribaba b̶uai kuitaasii.

Hebreos 5:8 Referans Kwoze

Filipenses 2:8

Makaaruud̶e miichuburi b̶eesii. Dachi Akõreba biui b̶uu asiid̶e ichi makasii. Cruzd̶e ãrea biꞌiwãe b̶uaped̶a biui b̶umina mau makasii.

Juan 4:34

Maud̶eeba Jesusba jarakuasii: —Mʉ bʉid̶aba waubi b̶uu joma wau b̶uu, mau mʉ chiko kĩra b̶uu.

Juan 15:10

Mʉʉba waubi b̶uu bed̶ea ijãaduubʉrã, chi mʉʉba kʉ̃ria ua b̶uuba nuread̶ai. Ara mau kĩra mʉ Chachaba waubi b̶uu bed̶ea ijãabariid̶eeba chi ichiba kʉ̃ria ua b̶uuba nuread̶ai.

Juan 6:38

Mʉ bajãad̶ebena need̶awãe michi kʉ̃ria waui baita. Maumaarã neesii mʉ bʉid̶aba kʉ̃ria b̶uu waui baita.

Hebreos 3:6

Maamina Dachi Akõre warr Cristo baerã, mau ẽbẽrarã mechiubʉ. Ãchi ome joma arakʉd̶e wau b̶uu. Dachiba Cristod̶e ijãa panuubʉrã maud̶e ichid̶eeba adaud̶ai kĩrajʉʉ esed̶au panuubʉrã, ẽbẽrarã Dachi Akõred̶erãbʉ.

Hebreos 1:8

Maamina ichi Warr ʉ̃rʉbenáturu Dachi Akõreba naka jarasii: «Dachi Akõre, bichi ewaricha jomaurã rey b̶uai. Bichi puuru jipa ua b̶uai.

Hebreos 1:5

Dachi Akõreba ángel ab̶aumaa bid̶a naka jaraabasii: «Bichi mʉ Warrbʉ. Id̶i bichi mʉ Warr aaruu». Maud̶e jãarã ʉ̃rʉbena nau jaraabasii: «Mʉ ichi akõre bai, maud̶e ichi mʉ warr bai».

Mateo 3:15

Maud̶e Jesusba panausii: —Anakʉd̶e bichiba wau b̶uu kĩra wause. Bibuara b̶uu waud̶ai joma Dachi Akõreba waubi b̶uu kĩra. Maabae Juanba ijãasii.

Hebreos 1:2

Maamina nau kaad̶ebena ewarid̶e ichi Warrd̶eeba dachimaa berreasii. Ichi Warrd̶eeba Dachi Akõreba joma wausii maud̶e mau b̶usii joma uru b̶uamera.

Juan 10:18

Mʉʉba mʉ ida beabiwẽebʉrã ab̶au bid̶a mʉ poyaa bead̶aabai, maamina mʉ biui mʉʉba maka kʉ̃ria b̶uud̶eeba. Mʉ biuped̶a poyaa chokae jiradui. Mʉ Chachaba mʉʉmaa maka waubisii».