Hebreos 13:9 - Emberá Chamí

⁹ Maamina waabenarãba barikiu ne ãyaa jaradeabadau. Maarãmaa ida setaa kũrabiarã́sturu. Machiba kooduuba maebʉrã kod̶awẽa panuuba aid̶akau. Chi maka wau panuuba biꞌia panad̶akau. Dachi Akõreba ichi sõbiad̶eeba aid̶a b̶uu machiba biꞌia sõd̶eeba ijãad̶amera.

Hebreos 13:9 Referans Kwoze

Efesios 4:14

Makarã waa wãwa kĩra nuread̶aabai. Wãwaba barikia bed̶ea ijãabarii. Mau awara ẽbẽrarã setaa kũruad̶ai kuitaa nureeba jaradea panuud̶eeba, setaa ijãabiabadau pũatuba jãba ãyaa adoeruu kĩra. Maamina dachi mau jãba kĩra nuread̶aabai.

Efesios 5:6

Ab̶a bid̶a setad̶eeba kachirua waud̶ai panuu aaruubʉrã, ida setaa kũruabirã́sturu. Kachirua wau panuu baita Dachi Akõreba chi ichi bed̶ea ijãawẽa nuree kastikai.

Romanos 14:6

Chi bari panabadau nubariiba Dachi Mechiu baita maka wau b̶uu. Chi ne joma kobariiba maka kobarii Dachi Mechiu wapeadee b̶uud̶eeba. Maud̶eeba kooruud̶e ichiba Dachi Akõremaa ichíturu kid̶ibai abarii. Maud̶e chi ne joma kokauba maka kokau Dachi Mechiu wapeadee b̶uud̶eeba. Maud̶eeba kooruud̶e ichia bid̶a Dachi Akõremaa ichíturu kid̶ibai abarii.

1 Juan 4:1

Ãbarã, barikiurãba Dachi Akõre Jaurid̶eeba berrea panuu abadaurã ijãarã́sturu, maumaarã kauwa ichiásturu ãchiba biawãra Dachi Akõre Jaurid̶eeba maebʉrã waabenarãd̶eeba berrea panuu kuitaad̶ai baita. Mau makásturu ãreaba nau iujãad̶e setad̶eeba ãchiba Dachi Akõre Jaurid̶eeba berrea panuu abadaud̶eeba.

Hechos 20:30

Ara machid̶ebenarã bid̶a setaa jaradead̶ai Jesusd̶e ijãabadaurã ãyaa wãd̶amera.

Judas 1:12

Machi ãbua need̶aped̶a kʉ̃riad̶eeba kĩrajʉʉ komaa panuud̶e ãchi wapead̶awẽa machi baara kobadau. Maka machiba wau panuu maarãba kachiruabiabadau. Ara ãchid̶éburu kʉ̃risiabadau. Maarã jʉ̃rʉara pũatuba adoebarii kĩra nuree. Pũaturãba jʉ̃rʉara ãyaa adoeruud̶e kui chekau. Ara mau kĩra ãchiba jaradeaduuba aid̶akau. Bakuru b̶es ome biud̶a kĩra nuree, chi chaui ewarid̶e chi netaa deakaud̶eeba maud̶e chi karrad̶eed̶e ẽesiid̶eeba.

1 Timoteo 6:20

Timoteo, joma Dachi Akõreba jarad̶a ãrea nuse. Chi Dachi Akõre baita biꞌiwãe b̶uu ʉ̃rʉbena berreabadau ida b̶use. Maud̶e joma kʉ̃risia Dachi Akõre bed̶ea ome kĩra ãyaa nuree ida b̶use. Waabenarã baita, mau kʉ̃risia b̶ee biꞌia b̶uu. Maamina biꞌiwãe b̶uu.

Judas 1:3

Ãbarã, mʉʉba nau kartad̶e Dachi Akõreba dachi karibad̶a ʉ̃rʉbena b̶ʉ kʉ̃ria b̶uasii. Maamina mʉ baita, bibuara b̶uu jãabae b̶ʉi kauwa panad̶amera. Chi machiba ijãa panuu ab̶aumaa ida ãyaa jaradeabirã́sturu. Dachi Akõreba chi biawãra bed̶ea ichi ẽbẽrarãmaa b̶es ab̶aburu deasii. Diware deakau.

Mateo 24:24

Mau ewarid̶e setaa jarad̶ai ãchi Dachi Akõreba Dachi Karibabarii deai jarad̶a. Maud̶e waabenarãba setad̶eeba jarad̶ai ãchi Dachi Akõre baita berreabadaurã. Maarãba ẽbẽrarãba ne poyaa waud̶akau mechiu waud̶ai ẽbẽrarã setaa kũruad̶ai baita. Dachi Akõreba jʉrʉ adaud̶arã sid̶a poyaa setaa kũruaped̶aad̶a basirã, ãchi sid̶a setaa kũruad̶ai basii.

Mateo 24:4

Jesusba panausii: —Kauwa nureásturu ab̶au bid̶a setaa kũruarãad̶amera.

Colosenses 2:4

Joma mau mʉʉba jara b̶uu ab̶auba machimaa setaa jararãamera, setaa mipitaa berrearuuba.

2 Corintios 1:21

Dachi Akõréburu dai maud̶e machi sid̶a Cristo ome ãrea nu ua b̶uu. Ichiba dachi jʉrʉ adausii.

1 Corintios 8:8

Maamina chi ãnimara kiuru kooduuba dachi Dachi Akõre ome biꞌia b̶ukau. Maud̶eeba dachiba ko panuud̶eeba maebʉrã kod̶awẽa panuud̶eeba Dachi Akõre daad̶e biꞌia nuread̶aabai.

Romanos 14:17

Dachi Akõreba ichi juad̶e panuurãmaa jarakau kãare kod̶ai panuu maud̶e kãare dod̶ai panuu. Maumaarã kʉ̃ria b̶uu ãchiba ichi Jaurid̶eeba jipa wau panad̶ai, jirukaraayuwãe panad̶ai maud̶e kĩrajʉʉ panad̶ai.

Romanos 14:2

Mʉʉba nau jara b̶uu: chi nuree ãbarãba kuitaa panuu ne joma kod̶ai panuu. Maamina chi nuree ãbarãba dachiba Jesucristod̶e ijãa panuu ʉ̃rʉbena wabid̶a ãrea kuitaawẽa panuud̶eeba kʉ̃risia panuu ab̶aburu ne uu nub̶uud̶ebena kod̶ai panuu.

Hechos 20:32

»Jãabae ãbarã, mʉʉba machi Dachi Akõre juad̶e b̶uuruu. Ichi sõbiad̶eeba dachi kariba b̶uu ʉ̃rʉbena bed̶ea kĩrabásturu. Mau bed̶ead̶eeba machi poyaa aude biꞌia ijãad̶ai. Ichiba deai jarad̶a ichi sõbiad̶eeba machiba adaud̶ai maud̶e joma chi ichi baita biꞌia b̶ud̶arãba mau adaud̶ai.

1 Corintios 6:13

Maud̶e waabenarãba jarabadau: «Chiko dachi b̶i baita b̶uu, maud̶e dachi b̶i ãnimara kiuru baita b̶uu». (Maka b̶umina Dachi Akõreba mau omea wãꞌãebii). Maamina dachi kakuaba barikia kachirua waui b̶uai baita b̶uuwãe, maumaarã Dachi Mechiu baita b̶uu.

Gálatas 6:1

Ãbarã, machid̶ebena ab̶a mia aduad̶e kachiruad̶e b̶aeruubʉrã, machi chi Dachi Akõre Jaurid̶eeba nureerãba, waabenarã audeara biꞌia nuree kʉ̃risiad̶akaud̶eeba, aid̶ad̶ai panuu mau waya jipa nibamera. Maamina kauwa panásturu machi sid̶a ara mau kĩra kachiruad̶e b̶aerãad̶amera.

Lucas 5:38

Maud̶eeba uva b̶aa wid̶i ãnimara e waud̶a wid̶id̶e tʉd̶ai panuu. Maka omea ãrea dauchia jãadua panad̶ai.