Hebreos 13:16 - Emberá Chamí

¹⁶ Kĩrabad̶ai ida b̶urã́sturu biꞌia waud̶ai baita maud̶e machiba uru panuud̶eeba chiya aid̶ad̶ai baita. Joma mau Dachi Akõreba biꞌia unu b̶uu ãnimara baa deaduu kĩra.

Hebreos 13:16 Referans Kwoze

2 Tesalonicenses 3:13

Ãbarã, biꞌia wau panuud̶eeba kakua ãkaa panarã́sturu.

Romanos 12:13

Ẽbẽrarã Dachi Akõred̶erã chi nejarr barauwãe nuree aid̶ásturu. Chi machi ded̶e needuu biꞌia irsibísturu.

Gálatas 6:10

Maud̶eeba dachiba poyaaduucha, jomaurã biꞌia aid̶ad̶ai panuu. Chi Jesusd̶e ijãabadaurã maka aude aid̶ad̶ai panuu.

Hebreos 6:10

Dachi Akõre jipa niid̶eeba machiba biꞌia wau panuu maud̶e ichi kʉ̃ria panuu kʉde uru b̶uu ida b̶uubai. Ẽbẽrarã ichid̶irã aid̶a panuud̶eeba machiba unubisid̶au ichi kʉ̃ria panuu. Maud̶e wabid̶a maarã aid̶a panuu.

1 Timoteo 6:18

Chi barau nureerãmaa jarase jomaurã ome biꞌia waud̶amera. Maud̶e jarase ãchiba uru panuud̶ebena sõbiad̶eeba waabenarãmaa dead̶ai baita panad̶ai panuu.

Filipenses 4:18

Ne joma machiba ãba Epafrodito ome urubʉiped̶aad̶a mʉʉba adausii. Maud̶eeba ãrea uru b̶uu. Mauba mʉ biꞌia b̶uai. Machiba urubʉiped̶aad̶a chi kera tuwaa Dachi Akõremaa dead̶a kĩra b̶uu. Mau Dachi Akõreba biꞌia unu b̶uu.

Efesios 4:28

Nechirua badaad̶a waa nechiruabai b̶uu, maumaarã ichi juaba trajai b̶uu ne uru b̶uai baita. Maka ichiba uru b̶uai chi nejarr barauwãe nuree aid̶ai baita.

1 Tesalonicenses 5:15

¡Ũrísturu! Ab̶auba machi kachirua wauruubʉrã mau arab̶au kachirua waurã́sturu. Mau kãyabãra ewaricha machi chiya biꞌia wáusturu. Jomaurã ome biꞌia wáusturu.

Hechos 10:38

Mau ewarid̶e Dachi Akõreba ichi Jauri maud̶e ichi poyaabarii Jesús Nazaretd̶ebenamaa deasii. Dachi Akõre ichi ome b̶uasiid̶eeba Jesusba ne bia wau nibasii maud̶e ẽbẽrarã jʉbawãe niiba kachirua uru panuu joma aribiabiabachii.

Lucas 18:22

Mau ũriped̶a Jesusba ichimaa jarasii: —Wabid̶a bichiba ne kaebea ab̶a waui b̶uu: bichiba ne uru b̶uu joma nedobʉiped̶a chi nejarr barauwãe nureemaa dease. Maka bajãad̶e ne bia uru b̶uai. Maabae mʉ baara nibad̶e neese.

3 Juan 1:11

Ãba, chi kachirua waubadau kĩra waurã́se maumaarã biꞌia wause. Chi biꞌia waubarii Dachi Akõred̶ebʉ, maamina chi kachirua waubariiba Dachi Akõre adua b̶uu.

Gálatas 6:6

Chi bed̶ea ũri b̶uuba ichi ne bia uru b̶uud̶ebena deai b̶uu, chi Dachi Akõre bed̶ea jaradeabariimaa.

Filemón 1:6

Mʉʉba Dachi Akõremaa ʉtaa id̶i b̶uu Cristod̶e ijãabadaurã ome bichi ãrea biꞌia b̶uamera. Maka joma ne bia dachiba Jesucristod̶eeba uru panuu bichiba ãrea kuitaai.

Filipenses 4:14

Maamina mʉʉba machíturu kid̶ibai aaruu, mʉ ãrea biꞌiwãe b̶uud̶e aid̶asid̶aud̶eeba. Biawãra machiba biꞌia wausid̶au.

Hechos 9:36

Mau ewarid̶e Jesusd̶e ijãabarii wẽra Tabita abadau Jope puurud̶e b̶uasii. Griego bed̶ead̶e ichi trʉ̃ Dorcas abachid̶au. Mau neekauba ne biꞌia wau b̶uabachii. Chi nejarr barauwãe nuree ãrea aid̶akuabachii.