Hebreos 12:19 - Emberá Chamí

¹⁹ Ãchiba kachu jĩwaaruu maud̶e Dachi Akõreba jĩwa berrearuu ũrisid̶au. Mau ũrisid̶aud̶e wapeaba chi chuburia id̶isid̶au Dachi Akõre waa berrearãamera.

Hebreos 12:19 Referans Kwoze

1 Corintios 15:52

Maka b̶uud̶e, ara makʉd̶e, kaad̶ebena kachu jĩwaaruud̶e maka kĩra awara paneed̶ai. Biawãra Dachi Akõre kachu jĩwai. Maud̶e biuped̶aad̶a chi kakua b̶eraad̶akaud̶e chokae jiradud̶ai. Maud̶e dachi wabid̶a chokae nuree dachi kakua kĩra awara paneed̶ai.

1 Tesalonicenses 4:16

Maumaarã Dachi Mechiu bajãad̶ebena neei. Berrearuu jĩwa ũrid̶ai, ángel chi mechiu sid̶a berrearuu ũrid̶ai, maud̶e Dachi Akõre kachu jĩwa chaaruu ũrid̶ai. Maud̶e chi Cristod̶e ijãabadaurã biuped̶aad̶a naa chokae jiradud̶ai.

Mateo 24:31

Maud̶e kachu ãrea jĩwa chaaruud̶e mʉʉba angelerã drua b̶eecha wãbiai Dachi Akõreba jʉrʉ adaud̶arã araa ãbua imibiad̶amera.

Hebreos 12:25

Maud̶eeba kauwa duanásturu Dachi Akõreba jara b̶uu ida b̶urãad̶amera. Chi ichiba nau iujãad̶e Sinaí ead̶e jarad̶a ida b̶uped̶aad̶arã kastikad̶ebena poyaa jĩichoad̶aabasii. Maud̶eeba chi ichiba bajãad̶ebena dachi sõd̶e jara b̶uu ida b̶uuduubʉrã ¿jĩichoad̶aika? Jĩichoad̶aabai b̶uu.