Hebreos 11:4 - Emberá Chamí

⁴ Abelba Dachi Akõred̶e ijãa b̶uasiid̶eeba Cainba dead̶a audeara ne bia b̶uu deasii. Ijãasiid̶eeba ichiba dead̶a Dachi Akõreba biꞌia unuped̶a jarasii ichi jipa nii. Abel biusmina ichiba biawãra ijãa b̶uasiid̶eeba dachimaa wabid̶a kuitaabia b̶uu Dachi Akõred̶e ijãad̶ai panuu.

Hebreos 11:4 Referans Kwoze

Hebreos 12:24

Machi Jesusmaa neesid̶au. Ichid̶eeba ẽbẽrarã Dachi Akõred̶erã ome bed̶ea chiwid̶i deasiid̶e machi ichi oa jĩtod̶okad̶amaa neesid̶au. Jesús oa ched̶aba Abel oa ched̶a audeara kuitaabia b̶uu.

Judas 1:11

¡Miichuburi chi kachiruad̶e nuree! Ãchiba Cainba waud̶a kĩra waubadau. Chi nejarra kʉ̃riabadaud̶eeba, kachirua wau nibabadau, Balaanba waud̶a kĩra. Coreba Moisés ida b̶ud̶a kĩra, Dachi Akõre ida b̶usid̶aud̶eeba, kastikakuai.

Mateo 23:35

Maud̶eeba joma nabẽraed̶ebenarã ẽbẽrarã jipa nuree beaped̶aad̶a kakua Dachi Akõreba machi kastikai: Abel jipa nii beaped̶aad̶a kakua, Berequías warr Zacarías beaped̶aad̶a kakua maud̶e joma waabenarã beaped̶aad̶a kakua bid̶a. Zacarías Dachi Akõre de mechiu dud̶a chi ne baa deabadau kĩraare beasid̶au.

Hebreos 9:22

Biawãra Moisesba b̶ʉd̶ad̶e jara b̶uu beraa ne joma ne kaebea oaba jĩtod̶okai b̶uu Dachi Akõre daad̶e biꞌia b̶uamera. Oa chewẽebʉrã dachiba kachirua wauped̶aad̶a Dachi Akõreba perdonaabai.

Hebreos 12:1

Mau ẽbẽrarã ãreaba Dachi Akõred̶e maka biawãra ijãasid̶aud̶eeba, dachia bid̶a ara mau kĩra ijãa panad̶ai panuu. Chi dachimaa ida ijãabiakau maud̶e ara dachiba kachirua waubadauba dachi b̶ʉra uru b̶uabarii ãyaa b̶ud̶aped̶a, maabae joma dauchia jãadua panuud̶eeba wã́duru chi need̶ai panuumaa bad̶ai baita.

Tito 1:16

Ãchiba jarabadau Dachi Akõre kuitaa panuu, maamina ãchiba wau panuud̶eeba unubibadau ichi ida b̶u panuu. Ãchi sõ chaarea nuree maud̶e ne bia waud̶ai baita panad̶akau. Ãchiba waubadau Dachi Akõreba kʉ̃riakau.

Hebreos 5:1

Dachi Akõreba paare mechiu b̶uuruucha ẽbẽra ab̶a jʉrʉ adauped̶a mau b̶ubarii. Maud̶eeba ẽbẽrarãba kachirua wauped̶aad̶a kakua mauba Dachi Akõremaa ne kaebea deabarii maud̶e ãnimara baa deabarii.

Hebreos 11:2

Dachi nabẽraed̶ebenarãba Dachi Akõred̶e ijãa panasiid̶eeba Dachi Akõreba maarã biꞌia unusii.

2 Pedro 2:8

Mau ẽbẽra jipa nii maarã tãed̶e b̶uabachii. Jipa niid̶eeba maarãba kachirua wau panuu unuuruud̶e maud̶e ũriiruud̶e ewaricha kĩra nomaa b̶uabachii.