Hebreos 11:31 - Emberá Chamí

³¹ Israeld̶ebenarã omeeba Jericó puuru saka b̶uu kuitaai baita ichiad̶e wãsid̶aud̶e wẽra aud̶uabarii Rahaba Dachi Akõred̶e ijãa b̶uasiid̶eeba ãchi biꞌia irsibisii. Maud̶eeba chi mau puurud̶ebena Dachi Akõre ũribabaswãe nuree joma kenasid̶aud̶e chi mau bead̶aabasii.

Hebreos 11:31 Referans Kwoze

Santiago 2:25

Ara mau kĩra wẽra aud̶ua nii Rahaba waud̶a kakua Dachi Akõreba ichi jipa nii unusii. Josueba bʉid̶arã orrõodad̶amera ichi ded̶e biꞌia irsibisii maud̶e o ãyare waya wãbiasii.

Mateo 1:5

Salmón Booz akõre basii maud̶e Rahab Booz nawe basii. Booz Obed akõre basii maud̶e Rut Obed nawe basii. Obed Isaí akõre basii.

Mateo 1:1

Nau karta Jesucristo ʉ̃rʉbena. Jesucristo dachi nabẽrarã Abrahamd̶ebena maud̶e dachi rey Israeld̶ebena David naka neesii.

1 Pedro 3:20

Maarã jaurirãba nabẽraed̶e Noé ewarid̶e Dachi Akõre bed̶ea ijãad̶aabasii. Noeba jãba mechiu wau b̶uumisa Dachi Akõreba joma dauchia jãadua b̶uud̶eeba esed̶au b̶uasii ãchiba ijãad̶amera. Maamina ẽbẽra b̶aꞌãra bania birud̶ad̶ebena paneesid̶au. Biawãra jaraaruubʉrã, 8buru karibasii.

1 Pedro 2:8

Maud̶e naka b̶ʉ kub̶uu: «Ẽbẽrarã mau moomaa drʉd̶aped̶a b̶aed̶ai». Ãchiba Dachi Akõre bed̶ea ijãad̶awẽa panuud̶eeba moomaa drʉʉduu kĩra nuree. Dachi Akõreba maarã b̶usii maka nuread̶amera.

Hebreos 3:18

¿Dachi Akõreba kairãmaa biawãrad̶eeba jarasma ichiba kʉrrjĩrubiaimaa wãd̶aabai? ¿Chi ichi bed̶ea ijãad̶awẽa nureerãmaa maka jaraswãeka?

Hechos 15:33

Judas maud̶e Silas aria aribia panad̶aped̶a ãbarãba ãchi bʉiped̶aad̶amaa waya biꞌia wãbiasid̶au.