Hebreos 11:25 - Emberá Chamí

²⁵ Ichimaarã kachirua wau b̶uud̶eeba kĩrajʉʉ b̶uadaui bad̶amaarã, biꞌia b̶uasii ẽbẽrarã Dachi Akõred̶erã ome ãbua ãrea biꞌiwãe b̶uai.

Hebreos 11:25 Referans Kwoze

2 Corintios 5:17

Biawãra ab̶a Cristo ome b̶uubʉrã, ichi chi naed̶e b̶uad̶a kĩra b̶uuwãe maumaarã ichi ẽbẽra chiwid̶i nii.

Apocalipsis 18:7

Mau puuru ãrea biꞌiwãe paneebísturu maud̶e ãrea kĩra nomaabísturu, ãchi puuru mechiu b̶uu a panuud̶eeba maud̶e ne biꞌia ãrea uru panuu a panuud̶eeba. Mau puurud̶ebena naka kʉ̃risia duanuu. “Mʉ chi reina ãkaud̶e akʉ b̶uu kĩra nii. Mʉ ab̶a pẽdrãa kĩra niiwãe. Mʉ biꞌiwãe b̶uabai”.

1 Pedro 2:10

Naed̶e machi Dachi Akõre puuruwãe basii, maamina jãabae Dachi Akõre puurubʉ. Naed̶e Dachi Akõreba machi kĩra chuburiawẽa b̶uasii, maamina jãabae kĩra chuburia b̶uu.

Santiago 5:5

Nau iujãad̶e machiba ne joma uru panuu maud̶e machiba wau kʉ̃ria panuu waubadau. Maka machi sõ boreabi panabachid̶au, paka boreabibadau kĩra. Maamina paka beaduu kĩra kãꞌãabariwãed̶e Dachi Akõreba machi kastikai.

Santiago 1:20

Dachi kĩruuduud̶e Dachi Akõreba jipa waubi b̶uu waud̶akau.

Hebreos 11:37

Chi nuree mooba b̶ata beasid̶au. Maud̶e waabenarã ẽsa b̶ʉa ʉrratasid̶au. Chi nuree espadaba beasid̶au. Chi nuree de wãꞌãe nureed̶eeba samaa wãd̶ai adua wãsid̶au. Maud̶e ãchiba paru jʉ̃d̶ai baita wãꞌãe basiid̶eeba chivo e maud̶e oeja e waud̶a jʉ̃bachid̶au. Ãchi ne kaebea wãꞌãe nureasii. Ẽbẽrarãba ãchi ãrea biꞌiwãe panabiabachid̶au maud̶e kachirua waubachid̶au.

Hebreos 10:32

Kĩrabásturu machiba naed̶e chi biawãra bed̶ea kuitaasid̶aud̶e saka panasii. Mau ewarid̶e machi ãrea biꞌiwãe panad̶a dauchia jãadua panasid̶au.

Hebreos 4:9

Maud̶eeba bari panabadau ewari ẽbẽrarã Dachi Akõred̶erã baita wabid̶a b̶uu.

2 Timoteo 1:8

Maud̶eeba Dachi Mechiu Jesucristo ʉ̃rʉbena jarai baita kĩrakayarã́se. Mʉ Jesucristo baita jʉ̃a b̶umina kĩrakayarã́se. Maumaarã chi bed̶ea bia Jesús ʉ̃rʉbena jaradearuud̶e Dachi Akõre poyaabariid̶eeba bichi sid̶a ãrea biꞌiwãe b̶uai jãadua b̶uase.

Colosenses 1:24

Jãabae mʉʉba machi aid̶ai baita ãrea biꞌiwãe b̶umina kĩrajʉʉ b̶uu. Maud̶e Cristo baita wabid̶a biꞌiwãe b̶uai b̶uud̶eeba, ãrea biꞌiwãe nibai joma ichi ẽbẽrarã aid̶ai baita.

Romanos 5:3

Mau awara dachi ãrea biꞌiwãe panuud̶e kĩrajʉʉ panabadau, kuitaa panuud̶eeba mauba dauchia jãaduad̶ai kuitaad̶ai.

Lucas 16:25

Maamina Abrahamba panausii: “Mʉʉba poyaa bʉibai. Warr, kĩrabase bichi chokae b̶uasiid̶e biꞌia b̶uabachii, maumaarã Lázaro miichuburi b̶uasii. Id̶i Lázaro b̶ari kʉrrjĩru b̶uu, maud̶e bichi ãrea biꞌiwãe b̶uu.

Mateo 13:21

Maamina chi karr ãrea jidauwẽa b̶uud̶eeba ãrea dauchia jãadua b̶uakau. Ewari kachirua b̶aeruud̶e maebʉrã Dachi Akõre bed̶ea ijãa b̶uud̶eeba ẽbẽrarãba kachirua wauduud̶e ichiba ijãa b̶uu ida b̶ubarii.

Hechos 7:34

Mʉʉba unu b̶uu mʉ puuru Egipto druad̶e ãrea biꞌiwãe b̶uu. Maud̶e mʉʉba ũri b̶uu ãchi kĩra nomaa berrea panuu. Maud̶eeba mʉ nee b̶uu ãchi kariba b̶uai baita. Mʉʉba bichi Egiptod̶aa bʉi”.