Hebreos 10:29 - Emberá Chamí

²⁹ Maud̶eeba ¿saka kʉ̃risia panuma? ¿Dachi Akõreba chi ichi Warr ida b̶ubadaurã aude kastikaika? Dachi Akõreba ichi Warr oad̶eeba bed̶ea chiwid̶i deasii dachi ichi baita biꞌia b̶ui baita. Makarã ¿chi Dachi Akõreba ichi Warr oa ched̶a biꞌiwãe b̶uu abadaurã aude kastikaika? Mau awara Dachi Akõre Jauriba ichi sõbiad̶eeba dachi aid̶a b̶uu. Maka b̶uubʉrã ¿chi Dachi Akõre Jauri ʉ̃rʉbena kachirua jarabadaurã kastikawẽka?

Hebreos 10:29 Referans Kwoze

Hebreos 6:6

ab̶auba Dachi Akõre warr Cristo ida b̶uuruubʉrã, waya ichimaa poyaa neebai. Makaa basirã, maarãba jomaurãmaa Cristo ʉ̃rʉbena kachirua berreabiad̶ai basii waya cruzd̶e nub̶uuduu kĩra.

Efesios 4:30

Kachirua wauduuba Dachi Akõre Jauri kĩra nomaabirã́sturu. Dachi Akõreba mau machimaa deasii ichid̶irã kuitaa panad̶amera. Ichi Jauri machi baara b̶uai ab̶a Dachi Akõreba ichi ẽbẽrarã joma biꞌia b̶ui ewarid̶aa.

1 Corintios 11:27

Maud̶eeba barikiuba Dachi Mechiu wapeawẽa mau pan kooruubʉrã maud̶e mau basud̶e b̶uu dooruubʉrã, kachirua wau b̶uu. Dachi Mechiu kakua maud̶e chi oa biꞌiwãe b̶uu a kʉ̃risia b̶uu.

Lucas 12:10

»Ab̶auba mʉ, chi Ẽbẽra Ba B̶uad̶a ʉ̃rʉbena kachirua berrearuubʉrã, Dachi Akõreba mau perdonai. Maamina ab̶aba Dachi Akõre Jauri ʉ̃rʉbena kachirua berrearuubʉrã Dachi Akõreba mau perdonaabai.

Hebreos 2:3

Ara mau kĩra Dachi Akõreba karibai ʉ̃rʉbena bed̶ea dachiba ida b̶uuduubʉrã, ¿Dachi Akõreba kastikaid̶ebena dachirã saka karibad̶aima? Mau bed̶ea ãrea biꞌia b̶uu Dachi Mechiu Jesusba naed̶e jaradeasii. Chi ũriped̶aad̶aba dachimaa mau bed̶ea biawãra abachid̶au.

Hechos 7:51

»¡Machi sõ chaarea nuree! ¡Sõd̶eeba ijãad̶akau! Dachi Akõre bed̶ea ũri kʉ̃riad̶akau. Dachi Akõre Jauriba jara b̶uu machiba ewaricha ida b̶ubadau. Ara machi nabẽraed̶ebenarã kĩra nuree.

Hebreos 12:25

Maud̶eeba kauwa duanásturu Dachi Akõreba jara b̶uu ida b̶urãad̶amera. Chi ichiba nau iujãad̶e Sinaí ead̶e jarad̶a ida b̶uped̶aad̶arã kastikad̶ebena poyaa jĩichoad̶aabasii. Maud̶eeba chi ichiba bajãad̶ebena dachi sõd̶e jara b̶uu ida b̶uuduubʉrã ¿jĩichoad̶aika? Jĩichoad̶aabai b̶uu.

Hebreos 9:13

Paareba paka mukĩra oa, chivo oa maud̶e paka warr baa dead̶a chi jãra ẽbẽrarã ʉ̃rʉ kuabʉibarii. Mauba ẽbẽrarã Dachi Akõre daad̶e kachirua nuread̶a nau kakua ʉ̃rʉbena biꞌia jarebarii.

1 Corintios 11:29

Chi Dachi Mechiu Jesús kakua wapeawẽa b̶uuba mau pan kooruubʉrã, mau basud̶e b̶uu dooruubʉrã, Dachi Akõreba nebʉra barau ai.

Hebreos 6:4

Waabenarã chi nureeba chi bed̶ea biawãra kuitaaped̶aad̶akaud̶e, Dachi Akõreba dea b̶uu kuitaaped̶aad̶akaud̶e, ichi Jaurid̶eeba ne adauped̶aad̶akaud̶e,

Hebreos 2:11

Jesusba ẽbẽrarã biꞌia b̶ubarii Dachi Akõre baita. Ichiba, mau ẽbẽrarã bid̶a arab̶au Akõre uru panuu. Maud̶eeba Jesús kĩra nejasiakau ãchi ichi ãbarã ai baita.

Juan 17:19

Maarã kakua mʉ bichimaa dearuu. Machi baita makaaruu, maarãba ara ãchi chi biawãra bichimaa dead̶amera.

Mateo 7:6

»Dachi Akõre baita b̶uu usarãmaa dearã́sturu ara machi kaabiabayua. Machi perla chi nejarr ãrea id̶ibadau sinamaa dearã́sturu ʉ̃rʉ tʉarãad̶amera.

Hebreos 13:20

Dachi Mechiu Jesucristo chi Oeja Nubarii Mechiubʉ. Dachi Akõreba chi dachi jirukaraayuwãe b̶uai deabarii ichi biu b̶uad̶a chokae jiradubisii. Jesucristo oad̶eeba ẽbẽrarã Dachi Akõred̶erã ome bed̶ea deasii. Mau ewaricha b̶uai.

Juan 10:36

¿sakãe mʉʉba ichi ʉ̃rʉbena kachirua jarasii a panuma, mʉʉba bari ichi Warr a b̶uasiid̶eeba? Dachi Akõreba mʉ ara ichi báitaburu awara b̶usii maud̶e nau iujãad̶aa bʉisii.

Hebreos 9:20

Jĩtod̶okamaa b̶uud̶e naka jarasii: «Nau oaba jara b̶uu Dachi Akõre machi ome bed̶ea dead̶a joma ũribaba panad̶ai panuu».

1 Corintios 15:25

Biawãra Cristo jomaurã Mechiu b̶uai b̶uu ab̶a joma ichi kĩramaabadaurã poyaaruud̶aa.

Romanos 16:20

Chi dachi jirukaraayuwãe b̶uabiabarii Dachi Akõreba kãꞌãabariwãed̶e Satanás poyaaped̶a machi juad̶e b̶ui. Mʉʉba kʉ̃ria b̶uu Dachi Mechiu Jesucristoba ichi sõbiad̶eeba machi aid̶a b̶uai.

Mateo 26:28

Nau mʉ oabʉ. Mʉ oa cheeruuba Dachi Akõreba bed̶ea chiwid̶i dearuu ãrea ẽbẽrarãba kachirua wauped̶aad̶a perdonayua.

1 Corintios 15:27

Dachi Akõre bed̶ead̶e jara b̶uud̶eeba: «Bichiba joma ichi juad̶e b̶usii». «Joma Cristo juad̶e b̶usii» a b̶umina biꞌia kuitaa panuu Dachi Akõreba ara ichi Cristo juad̶e b̶uubasii. Dachi Akõréburu joma Cristo juad̶e b̶usii.

Marcos 7:2

Mau ẽbẽrarãba unusid̶au waabenarã Jesús baara nibabadaurã chi nuree ãchi jua jeraad̶awẽa komaa panuu. Nabẽraed̶e jua jeraabachid̶au kĩra waud̶awẽa panuud̶eeba ãchiba kachirua wau panuu a jarasid̶au.

1 Corintios 6:11

Naed̶e machid̶ebena chi nuree maka nureasii. Maamina machiba kachirua wauped̶aad̶a Dachi Akõreba jeraasii, ichi baita biꞌia b̶usii, maud̶e nebʉraswãe nii asii Dachi Mechiu Jesucristod̶eeba maud̶e ichi Jaurid̶eeba.

Efesios 5:26

Ichiba maka wausii dachi Dachi Akõre baita biꞌia b̶ui baita. Ichi bed̶eaba dachi kachirua jeraasii baniaba jeraad̶a kĩra.

Hebreos 4:14

Dachi Akõre Warr Jesús, dachi Paare Mechiu bajãad̶aa wãsii. Ichid̶e ijãa panuu a panuud̶eeba biawãra ijãa panad̶ai panuu.

Hebreos 10:10

Dachi Akõreba kʉ̃ria b̶uu Jesucristoba joma wausii. Ara ichi ida beabisii. B̶es ab̶a maka waud̶aba dachi ewaricha Dachi Akõre baita biꞌia b̶usii.

Apocalipsis 1:5

Maud̶e kʉ̃ria b̶uu Jesucristo bid̶a maka wau b̶uai. Ichiba Dachi Akõre ʉ̃rʉbena biawãra jarabarii. Biu b̶uad̶a naa chokae jiradusii, joma nau iujãad̶ebena chi reyrã audeara chi mechiu nii b̶uai baita. Mauba dachi kʉ̃ria b̶uu maud̶e ichi oad̶eeba kachiruad̶ebena karibasii.