Hebreos 1:8 - Emberá Chamí

⁸ Maamina ichi Warr ʉ̃rʉbenáturu Dachi Akõreba naka jarasii: «Dachi Akõre, bichi ewaricha jomaurã rey b̶uai. Bichi puuru jipa ua b̶uai.

Hebreos 1:8 Referans Kwoze

Juan 10:30

Mʉ, mʉ Chacha ome arab̶au nid̶au.

Romanos 9:5

Ãchi nabẽraed̶ebenarã chi mechiurã nureasii. Ãchid̶ebena Cristo ẽbẽra kakuad̶e chi naweba adausii. Mau jomaurã Akõrebʉ. Ichimáburu dachiba ewaricha biꞌia berread̶ai panuu. Biꞌia b̶uu maka b̶uai.

1 Juan 5:20

Kuitaa panuu Dachi Akõre Warr neesii maud̶e kʉ̃risia kuitaa dachimaa deasii Dachi Akõre biawãra unud̶amera. Ichi Warr Jesucristo ome panuud̶eeba dachi biawãra Dachi Akõre ome panuu. Mau biawãra Dachi Akõrebʉ. Mauba ẽbẽrarãmaa ichi ome ewaricha chokae nuread̶ai deabarii.

Mateo 1:23

«Wẽra mukĩra adua nii warr baraai maabae warr ab̶a adaui. Ẽbẽrarãba chi warr Emanuel trʉ̃ad̶ai». (Mau trʉ̃ jara b̶uu «Dachi Akõre dachi baara b̶uu»).

1 Corintios 15:25

Biawãra Cristo jomaurã Mechiu b̶uai b̶uu ab̶a joma ichi kĩramaabadaurã poyaaruud̶aa.

Juan 20:28

Maud̶e Tomasba jarasii: —¡Mʉ Mechiu! ¡Mʉ Dachi Akõre!

1 Timoteo 3:16

Biawãra Dachi Akõreba mau bed̶ea kuitaabiad̶a ãrea biꞌia b̶uu: Cristo nau kakuad̶e neesii. Dachi Akõre Jauriba kuitaabiasii ichi jipa nii. Angelerãba ichi unusid̶au. Ãbarãba ichi ʉ̃rʉbena drua awarabenarãmaa jaradeasid̶au. Ãreaba nau iujãad̶e ichid̶e ijãasid̶au. Dachi Akõreba ichi bajãa bia b̶uud̶aa waya adoesii.

Juan 10:33

Judiorãba panausid̶au: —Daiba bichi mooba b̶atad̶aabai ne biꞌia wau b̶uu kakua, maumaarã b̶atad̶ai bichi ẽbẽra niikaud̶e ara Dachi Akõre a b̶uud̶eeba. Mauba bichiba Dachi Akõre ʉ̃rʉbena kachirua jara b̶uu.

2 Pedro 1:11

Maud̶e Dachi Mechiu Jesucristoba machi ida wãbiai ichi puurud̶aa, de poraa ewa nub̶uu kĩra. Dachi Karibabariiba dachi ewaricha biꞌia uru b̶uai.

Lucas 1:75

Dachi chokae panuumisa ichi daad̶e biꞌia jipa nibad̶ai».