Gálatas 5:9 - Emberá Chamí

⁹ Kĩrabásturu: «Masa ẽesãabibarii b̶istĩika b̶uuba masa joma ẽesãabibarii». Ara mau kĩra b̶istĩika biꞌiwãe jaradea b̶uuba joma biꞌiwãe kʉ̃risiabibarii.

Gálatas 5:9 Referans Kwoze

1 Corintios 15:33

Ida setaa kũruabirã́sturu. Machi kachirua waubadaurã ome ãbua nibaaduubʉrã, maarãba machi biꞌia nibabadau kachirua babid̶ai.

Marcos 8:15

Maud̶e Jesusba jarasii: —Fariseorã masa ẽesãabibarii maud̶e Herodesd̶e sid̶a, kauwa panásturu.

Lucas 13:21

Masa ẽesãabibarii kĩra b̶uu. Mau pan ẽesãabibarii wẽraba b̶aꞌãra adauped̶a harina ãread̶e kuasii. Maabae ed̶a ãrea perasii ab̶a joma ẽesãaruud̶aa».

Lucas 12:1

Maka panuud̶e ẽbẽra ãrea pĩchuka kob̶eesii. Ãrea pĩchuka kub̶uud̶eeba waabenarã jʉ̃rʉ ʉ̃rʉ tʉabachid̶au. Maud̶e Jesusba naa ichi baara nibabadaurãmaa naka jarasii: «Fariseorã masa ẽesãabibarii kauwa panásturu. Ara ãchiba jarabadau kĩra waud̶akau.

2 Timoteo 2:17

Ãchiba jaradea panuuba ẽbẽrarã kʉ̃risia ãyaa kʉ̃risiabiabarii, dachi kakuad̶e chaud̶aba dachi kiuru ko kãrii kĩra. Mau jaradeabadaurãd̶ebena Himeneo maud̶e Filetobʉ.

Mateo 23:33

»¡Machi dama kachirua kĩra nuree! ¿Dachi Akõreba machi nebʉra baraa panuu aped̶a, tʉbʉchia aoko kub̶uu kiikaud̶e bʉibai b̶uu a kʉ̃risia panuu kĩra?

Mateo 13:33

Maud̶e Jesusba maucha nebʉrʉsii, jaradeai baita: «Bajãad̶e B̶uuba ichid̶irã ichi juad̶e ua b̶uu masa ẽesãabibarii kĩra b̶uu. Mau masa ẽesãabibarii wẽraba b̶aꞌãra adauped̶a harina ãread̶e kuasii. Maabae ed̶a ãrea perasii ab̶a joma ẽesãaruud̶aa».