Gálatas 5:24 - Emberá Chamí

²⁴ Cristod̶erãba chi nau kakuaba ne joma kachirua wau kʉ̃ria b̶uu cruzd̶e jirab̶u beasid̶au.

Gálatas 5:24 Referans Kwoze

Romanos 6:6

Dachiba kuitaa panuu dachi kʉ̃risia chõra biusii Cristo baara cruzd̶e jirab̶uped̶aad̶a kĩra. Maka dachi kʉ̃risia chõraba nau kakuaba kachirua wau kʉ̃ria b̶uu waa poyaa waubiibai. Dachi waa kachirua baita bari trajabadaurãwãema.

Romanos 13:14

Maumaarã Dachi Mechiu Jesucristo nibad̶a kĩra nibásturu. Nau kakuaba kachirua wau kʉ̃ria b̶uu waud̶ai kʉ̃risiarã́sturu.

Romanos 8:13

Machi nau kakuaba wau kʉ̃ria b̶uud̶eeba nibaaduubʉrã biud̶ai. Maamina chi nau kakuaba kachirua wau kʉ̃ria b̶uu Dachi Akõre Jaurid̶eeba ida b̶uuduubʉrã, Dachi Akõre ome chokae panad̶ai.

Romanos 8:9

Maamina Dachi Akõre Jauri biawãra machi sõd̶e b̶uubʉrã, ichid̶eeba nibabadau. Nau kakuaba wau kʉ̃ria b̶uud̶eeba nibad̶aabai. Biawãra chi Cristo Jauri wãꞌãe nii, Cristod̶ewãema.

Gálatas 6:14

Maamina mʉ maka niiwãema. Ara mʉ ʉ̃rʉbena ab̶a bid̶a biꞌia berreawẽma. Maumaarã ab̶aburu Dachi Mechiu Jesucristo cruzd̶e biud̶a ʉ̃rʉbena biꞌia berreai. Cristo cruzd̶e biusiid̶eeba chi nau iujãad̶ebenarãba biꞌia unubadau, mʉʉmaarã mau joma biusii. Maud̶e chi nau iujãad̶e nureemaarã, mʉ biusii.

1 Pedro 2:11

Mʉ ãbarã, nau iujãad̶e machi ãibena druad̶ebenarãb̶u. Maud̶eeba mʉʉba machimaa chi chuburia id̶iiruu nau kakuaba kachirua wau kʉ̃ria b̶uu ida b̶ud̶amera. Mau ara dachi ome chĩo b̶uu.

1 Corintios 3:23

Joma machi Cristod̶erãbʉ. Maud̶e Cristo Dachi Akõred̶ebʉ.

2 Corintios 10:7

Machiba chi ʉ̃rʉbena ichia panuu. Barikiuba biawãra Cristod̶e b̶uu kʉ̃risia b̶uubʉrã, kuitaa b̶uai b̶uu dai sid̶a Cristod̶erã.

Gálatas 3:29

Machi Cristod̶ed̶eeba biawãra Abraham warrarãbʉ. Mauba Dachi Akõreba machi karibasii ichiba Abrahammaa dachi karibai asiid̶eeba.

1 Corintios 15:23

Cristo naa chokae jiradusii. Ichi waya neeruud̶e ichid̶irã chokae jiradud̶ai.

Gálatas 5:20

Dachi Akõre kuenda juaba ne kaped̶aad̶amaa ʉtaa id̶ibadau, jaibanarãba waubadau, waabenarã kĩramaabadau, oa kachirua berreabadau, waabenarãd̶e ne uru panad̶ai kʉ̃riabadau, bari au kĩrubadau, waabenarã audeara biꞌia panad̶ai jʉrʉbadau, ãchi kakawaa kʉ̃risia uru panabadau, Dachi Akõre bed̶ea ãyaa jaradea panuud̶eeba ãyaa wãbadau,

1 Corintios 6:13

Maud̶e waabenarãba jarabadau: «Chiko dachi b̶i baita b̶uu, maud̶e dachi b̶i ãnimara kiuru baita b̶uu». (Maka b̶umina Dachi Akõreba mau omea wãꞌãebii). Maamina dachi kakuaba barikia kachirua waui b̶uai baita b̶uuwãe, maumaarã Dachi Mechiu baita b̶uu.

Gálatas 2:20

Mʉ Cristo ome cruzd̶e ãbua jirab̶usid̶au. Maud̶eeba ara mʉʉd̶eeba b̶uwãema, maumaarã Cristo mʉ sõd̶e b̶uu. Nau kakuad̶e chokae b̶uumisa mʉ Dachi Akõre Warr Jesusd̶eeba nibai. Ara mau Jesús, Dachi Akõreba waubi b̶uu wausiid̶eeba, mʉ kʉ̃riasii maud̶e mʉ kakua ichi ida beabisii.

Gálatas 3:26

Jesucristo ijãa panuud̶eeba joma machi Dachi Akõre warrarãbʉ.

Gálatas 3:28

Mau jara b̶uu judio griego ome arab̶aud̶e panuu, chibari baita bari trajabarii chi chibariswãe nii ome arab̶aud̶e panuu, maud̶e mukĩra wẽra ome arab̶aud̶e panuu. Joma machi ẽbẽra ab̶a nii kĩra nureebʉ, Jesucristo ome ãbua nureed̶eeba.

Efesios 3:1

Maud̶eeba mʉʉba [machi baita Dachi Akõremaa ʉtaa id̶ibarii]. Mʉ Pablobʉ. Machi judiowãerãmaa Jesucristo ʉ̃rʉbena jaradea b̶uu kakua jʉ̃a uru panuu.

Efesios 3:6

Ichiba kuitaabiawẽa b̶uad̶a naubʉ: judiowãerãba chi bed̶ea biꞌia Cristo ʉ̃rʉbena ijãa panuud̶eeba judiorã ome ãbua Dachi Akõreba deaid̶ebena adaud̶ai, arab̶au kakuad̶e panuu, maud̶e Dachi Akõreba Jesucristod̶eeba deai jarad̶a ãbua uru panuu.

Efesios 3:11

Maka wausii ichiba nabẽraed̶e Dachi Mechiu Jesucristod̶eeba waui kʉ̃risia b̶uasiid̶eeba.

Colosenses 2:11

Machi ichid̶irã nureed̶eeba, machi mukĩra chi kakua tõoped̶aad̶a kĩra nuree. Maamina ẽbẽra juaba maka waud̶aabasii. Maumaarã jara b̶uu dachi kakuaba kachirua wau kʉ̃ria b̶uud̶ebena karibasii. Mau mukĩra chi kakua tõod̶a Cristoba wausii.