Gálatas 5:14 - Emberá Chamí

¹⁴ Moisesba b̶ʉd̶a nau bed̶ea ab̶aba joma jara b̶uu: «Ab̶au kʉ̃riáse ara bichi kʉ̃ria b̶uu kĩra».

Gálatas 5:14 Referans Kwoze

Mateo 7:12

Machiba kʉ̃ria panuu waabenarãba machimaa biꞌia waud̶ai. Maud̶eeba, ara mau kĩra machiba waabenarãmaa biꞌia wáusturu, Moisesba b̶ʉd̶ad̶e maud̶e Dachi Akõre baita berreabadaurãba b̶ʉd̶ad̶e maka jara b̶uud̶eeba.

Gálatas 6:2

Nebʉrad̶e panuud̶e chiya aid̶ásturu. Maka Cristoba waubi b̶uu machiba joma waud̶ai.

Juan 13:34

»Mʉʉba waubi b̶uu bed̶ea wid̶i machimaa jaraaruu: ãrea kʉ̃ria nureásturu. Mʉʉba machi ãrea kʉ̃ria b̶uu kĩra machi sid̶a arab̶aud̶e chiya kʉ̃riásturu.

Marcos 12:31

Maud̶e chi mawãare b̶uu naubʉ: “Waabenarã kʉ̃riáse ara bichi kʉ̃ria b̶uu kĩra”. Mau omed̶ebena audeara chi mechiu wãꞌãe.

1 Timoteo 1:5

Mʉʉba maka jara b̶uu ãbarã kʉ̃risia sõbiad̶eeba, biawãra Dachi Akõred̶e ijãa panuud̶eeba chiya kʉ̃ria duanad̶amera.

Marcos 12:33

Dachiba biawãra joma dachi sõd̶eeba, joma dachi kʉ̃risiad̶eeba, joma dachi jaurid̶eeba, joma dachi akõre mechiud̶eeba Dachi Akõre kʉ̃riad̶ai panuu. Maud̶e ab̶au ara dachi kʉ̃ria b̶uu kĩra kʉ̃riad̶ai panuu. Mau ãrea ãnimara Dachi Akõremaa baa deai bad̶amaarã aude biꞌia b̶uu.

Gálatas 1:6

Mʉ saka kʉ̃risiai adua b̶uu machiba kãꞌãabariwãed̶e Dachi Akõre ida b̶uped̶aad̶a. Ichiba machi iusii Cristo sõbiad̶eeba karibai baita, maamina machiba ãrea ũri panuu waabenarãba bed̶ea bia kĩra jara panuu.