Gálatas 4:6 - Emberá Chamí

⁶ Machi Dachi Akõre warrarãd̶eeba ichi Warr Jauri bʉisii machi sõd̶e b̶uamera. Ichi Jauri dachi sõd̶e b̶uuba «¡Mʉ Chacha!» abarii kuitaad̶amera dachi Ichi warrarãbʉ.

Gálatas 4:6 Referans Kwoze

Romanos 5:5

Mau setawãema, maumaarã biawãra adaud̶ai. Maka kuitaa panuu Dachi Akõreba ichi Jauri dachimaa deasiid̶eeba. Ichi Jaurid̶eeba dachi sõd̶e kuitaabia b̶uu dachi biawãra ãrea kʉ̃ria b̶uu.

Romanos 8:9

Maamina Dachi Akõre Jauri biawãra machi sõd̶e b̶uubʉrã, ichid̶eeba nibabadau. Nau kakuaba wau kʉ̃ria b̶uud̶eeba nibad̶aabai. Biawãra chi Cristo Jauri wãꞌãe nii, Cristod̶ewãema.

Filipenses 1:19

mʉʉba kuitaa b̶uud̶eeba mʉ namabena awara wãaruu, machiba Dachi Akõremaa ʉtaa id̶i panuud̶eeba maud̶e Jesucristoba dead̶a Jauriba aid̶a b̶uud̶eeba.

Efesios 2:18

Cristod̶eeba dachi omeeba arab̶au Bajãad̶ebena Akõremaa poyaa ara kaita need̶ai, ichi arab̶au Jaurid̶eeba.

2 Corintios 3:17

«Dachi Mechiu» aaruud̶e «Dachi Akõre Jauri» jara b̶uu. Chi Dachi Mechiu Jaurid̶eeba nibabarii kachiruad̶ebena maud̶e Moisesba b̶ʉd̶ad̶ebena ãyaa wãsii.

Efesios 4:30

Kachirua wauduuba Dachi Akõre Jauri kĩra nomaabirã́sturu. Dachi Akõreba mau machimaa deasii ichid̶irã kuitaa panad̶amera. Ichi Jauri machi baara b̶uai ab̶a Dachi Akõreba ichi ẽbẽrarã joma biꞌia b̶ui ewarid̶aa.

Judas 1:20

Maamina ãbarã, machicha aid̶ásturu Cristod̶e ãrea ijãad̶amera. Dachi Akõremaa ichi Jaurid̶eeba ʉtaa id̶ísturu.

Juan 16:7

Mʉʉba biawãra jaraaruu: machi baita biꞌia b̶uu mʉ wãi. Mʉ wãwẽebʉrã machi Aid̶abarii neebai. Maamina mʉ wãaruubʉrã chi mau machimaa bʉii.

Juan 14:16

Maud̶eeba mʉ Chachamaa id̶ii machi Karibabarii bʉimera. Mau machi baara ewaricha b̶uai.

Lucas 11:13

Machi chi kachirua nureeba machi warrarãmaa ne kaebea dead̶ai kuitaa panuubʉrã, ¿machi Akõre bajãad̶e b̶uuba chi ʉtaa id̶i panuumaa ichi Jauri deabai b̶uka?

2 Corintios 1:22

Ichi Jauriba dachicha dauchaa b̶usii dachiba ichid̶irã kuitaad̶amera. Maud̶e dachi sõd̶e b̶usii kuitaad̶amera joma ichiba deai jarad̶a biawãra adaud̶ai.

Juan 15:26

»Dachi Akõre Jauri, chi machi Aid̶abarii neei. Mauba biawãra bed̶ea jarabarii. Mʉʉba mau mʉ Chacha b̶uabariimarebena bʉisiid̶e mauba mʉ ʉ̃rʉbena machimaa berreai.

Lucas 11:2

Jesusba jarasii: —Machiba Dachi Akõremaa ʉtaa id̶iiduud̶e naka berreásturu: “Dai Akõre bajãad̶e b̶uu, bichi trʉ̃ aude bibuara nii waabenarã trʉ̃ audeara. Daiba kʉ̃ria panuu kãꞌãabariwãed̶e bichiba bichid̶irã bichi juad̶e ua b̶uai. [Kʉ̃ria panuu bichiba kʉ̃ria b̶uu nau iujãad̶ebenarãba waud̶ai, bajãad̶ebenarãba waubadau kĩra.]

Juan 3:34

Dachi Akõreba bʉid̶aba Dachi Akõre bed̶ea jarabarii, Dachi Akõreba ichi Jauri wãakawẽa deasiid̶eeba.

1 Pedro 1:11

Cristo Jauri ãchi sõd̶e b̶uuba berreabiabachii Cristo ãrea biꞌiwãe b̶uad̶a bad̶a Dachi Akõreba biꞌia b̶ui ʉ̃rʉbena. Berreasiid̶e kuitaa kʉ̃ria panasid̶au kai ʉ̃rʉbena Cristo Jauriba ãchimaa berreabiasii maud̶e sakaed̶e joma mau makai.

Efesios 6:18

Ewaricha ne joma baita Dachi Akõre Jaurid̶eeba ʉtaa id̶i panásturu. Dau ʉ̃rʉma panuud̶eeba, joma ichi ẽbẽrarã baita kakua ãkaad̶awẽa ʉtaa id̶i panásturu.

Apocalipsis 19:10

Ara makʉd̶e mʉ chi ángel jʉ̃rʉ kaita õdarrd̶e kob̶eesii biꞌia berreai baita. Maamina mauba mʉʉmaa jarasii: «Mau waurã́se, Dachi Akõréturu biꞌia kʉ̃riáse. Bari mʉ Dachi Akõre baita bari trajabariibʉ bichi kĩra, maud̶e ãbarã Jesusba jaradead̶a ijãabadaurã kĩra». Jesusba jaradead̶a Dachi Akõre Jauriba chi ichi baita berreabadaurãmaa berreabiabarii.

Efesios 1:13

Mau awara machi judiowãerã bid̶a chi biawãra bed̶ea ũrisid̶aud̶e, mau dachi karibai bed̶ea bia ijãasid̶au. Maka Cristod̶e ijãasid̶aud̶e Dachi Akõreba ichi Jauri machimaa deasii ichiba jarad̶a kĩra. Dauchaa b̶uu kĩra mauba kuitaabia b̶uu machi ichid̶irã.

1 Corintios 15:45

Dachi Akõre bed̶ead̶e b̶ʉ kub̶uu: «Chi nabena ẽbẽra Adán abadau Dachi Akõreba chokae b̶uabisii». Maamina Cristo chi kaad̶ebena Adán abadau b̶usii ichi jaurid̶eeba chokae b̶uai deamera.

Hechos 16:7

Misia drua kaita neesid̶aud̶e Bitinia druad̶aa wãd̶ai kʉ̃risiasid̶au, maamina Jesús Jauriba ida kabiabasii.

Juan 7:39

Jesusba mauba kuitaabiasii chi ichid̶e ijãaduuba Dachi Akõre Jauri adaud̶ai. Mau ewarid̶e Dachi Akõre Jauri wabid̶a neewẽa b̶uasii Jesús wabid̶a bajãad̶aa wãwẽa b̶uasiid̶eeba.

Marcos 14:36

Naka jarasii: «Chacha, bichiba ne joma poyaa waui b̶uu. Nau biꞌiwãe b̶uai b̶uud̶ebena mʉ karibase. Maamina mʉʉba kʉ̃ria b̶uu kĩra waurã́se, maumaarã bichiba kʉ̃ria b̶uu kĩra wause».

1 Tesalonicenses 4:8

Chi mau mʉʉba jaradead̶a ida b̶u b̶uuba ẽbẽraba jarad̶a ida b̶uwẽa b̶uu, maumaarã Dachi Akõreba jara b̶uu ida b̶u b̶uu. Ara mau Dachi Akõreba ichi Jauri machimaa deasii kachiruaswãe panad̶amera.