Gálatas 3:8 - Emberá Chamí

⁸ Nabẽraed̶e Dachi Akõre bed̶ead̶e b̶ʉ kub̶uu judiowãerãba Dachi Akõred̶e ijãaped̶aad̶a basirã ichiba ãchi ichid̶irã jipa nureerã baara b̶ui basii. Maud̶eeba nabẽraed̶e Dachi Akõreba Abrahammaa chi bed̶ea bia berreasii. Ichiba naka jarasii: «Bichi kakua mʉʉba nau iujãad̶e duanuu puuru joma karibai».

Gálatas 3:8 Referans Kwoze

Hebreos 4:2

Chi bed̶ea bia Dachi Akõreba kʉrrjĩrubiai ʉ̃rʉbena dachiba ũrisid̶au nabẽraed̶ebenarãba ũriped̶aad̶a kĩra. Dachiba sõd̶eeba ijãa panuud̶eeba Dachi Akõreba kʉrrjĩrubiaimaa wãd̶ai. Maamina nabẽraed̶ebenarãba ũrid̶aped̶a ijãad̶aabasiid̶eeba mau bed̶eaba karibaabasii. Ãchi ʉ̃rʉbena Dachi Akõreba naka jarasii: «Kĩru b̶uud̶e mʉʉba biawãrad̶eeba naka jarasii: “Mʉʉba kʉrrjĩrubiaimaa jãarã wãd̶aabai”». Maka jarasii nau iujãa waud̶ad̶eed̶ebena ichiba waui b̶uad̶a joma uru b̶umina.

Gálatas 3:22

Maamina Dachi Akõre bed̶ead̶e b̶ʉ kub̶uu kachiruaba jomaurã jʉ̃a uru b̶uu. Maka Jesucristoba ichi Akõreba jarad̶a wausiid̶eeba, chi ichid̶e ijãaduurãba mau Dachi Akõreba deai jarad̶a adaud̶ai.

Gálatas 3:16

Ara mau kĩra Dachi Akõreba Abrahammaa, maud̶e chi ichid̶ebena neei b̶uumaa jarasii mauba jomaurã karibai. Dachi Akõre bed̶ead̶e b̶ʉwẽa b̶uu «Abrahamd̶ebena imid̶ai ẽbẽrarã» ãrea ẽbẽrarã jara b̶uu kĩra. Maumaarã b̶ʉ kub̶uu Dachi Akõreba Abrahamd̶ebena neei b̶uumaa maka jarasii ab̶au ʉ̃rʉbenáturu berrea b̶uud̶eeba. Mau Cristobʉ.

Juan 7:38

Dachi Akõre bed̶ead̶e jara b̶uu barikiuba mʉʉd̶e ijãaruubʉrã chokae b̶uai ichid̶ebena do kĩra waabenarãmaa eab̶ari wãi maarã bid̶a adaud̶amera.

Apocalipsis 11:15

Chi kaad̶earebena angelba ichi kachu chaasii. Maud̶e bajãad̶e ãreaba jĩkua berreasid̶au. Naka jarasid̶au: «Chi nau iujãad̶ebenarã reyrãba ãchi juad̶e naed̶e ua panaped̶aad̶a, Dachi Mechiu maud̶e ichi Cristo omeeba mau joma ãchi juad̶e ua paneesid̶au. Id̶iiba waitaa jomaurã ichi juad̶e ua b̶uai».

Romanos 9:30

¿Mauba kãare jara b̶uma? Judiowãerãba jʉrʉd̶aka basii chi Dachi Akõre puurud̶ebena jipa nureerã baara panad̶ai baita. Maamina maka paneesid̶au, Cristod̶e ijãasid̶aud̶eeba.

Romanos 9:17

Ichi bed̶ead̶e, ichiba faraonmaa jarad̶a naka b̶ʉ kub̶uu: «Mʉʉba bichi chi rey mechiu b̶usii mʉ poyaa unubiai baita. Maka mʉ joma nau iujãad̶e trʉ̃ poa b̶uai».

Gálatas 4:30

Maamina Dachi Akõre bed̶ead̶e naka b̶ʉ kub̶uu: «Chi chibari baita bari trajabarii wẽra maud̶e ichi warr sid̶a duabʉise. Chi chibari baita bari trajabarii wẽra warrba ichi akõreba uru b̶uu poyaa adaubai. Maumaarã chi chibariswãe nii wẽra warrba mau adaui».

Hechos 2:35

ab̶a bichi kĩramaarã mʉʉba joma bichi juad̶e b̶uuruud̶aa”.

Juan 7:42

¿Dachi Akõre bed̶ead̶e jara b̶uuwãe ichi Davidd̶ebena neei? ¿Chi David b̶uad̶a puuru Belend̶ebena neeika?»

Juan 19:37

Maud̶e Dachi Akõre bed̶ead̶e nau sid̶a b̶ʉ kub̶uu: «Ãchiba suped̶aad̶amaa ichiad̶ai».