Gálatas 3:22 - Emberá Chamí

²² Maamina Dachi Akõre bed̶ead̶e b̶ʉ kub̶uu kachiruaba jomaurã jʉ̃a uru b̶uu. Maka Jesucristoba ichi Akõreba jarad̶a wausiid̶eeba, chi ichid̶e ijãaduurãba mau Dachi Akõreba deai jarad̶a adaud̶ai.

Gálatas 3:22 Referans Kwoze

Romanos 11:32

Biawãra Dachi Akõreba joma jʉ̃akuasii ũribabaswãe nureed̶eeba. Maka wausii joma kĩra chuburiai baita.

Hebreos 9:15

Makarã Cristod̶eeba Dachi Akõreba bed̶ea chiwid̶i deasii. Ẽbẽrarã chi Ichiba nabena bed̶ea dead̶ad̶e panabachid̶aud̶e kachirua waubachid̶au. Maamina Cristo biusii maud̶ebena karibai baita. Maud̶e Cristo biusiid̶eeba ichid̶eeba chi ichiba iukuad̶arãba chi bia wãꞌãekau deai jarad̶a poyaa adaud̶ai.

Gálatas 3:23

Cristod̶e ijãad̶ai naed̶e dachi Moisesba b̶ʉd̶a juad̶e panasid̶au. Maud̶ebena poyaa awara wãd̶aabasii ab̶a Dachi Akõreba Cristo kuitaabiiruud̶aa.

1 Juan 2:25

Maka ãbua panuubʉrã, Cristoba dachimaa biawãra jarasii ewaricha Dachi Akõre ome chokae panad̶ai.

Juan 3:36

Chi ichi Warrd̶e ijãa b̶uu Dachi Akõre ome ewaricha chokae b̶uai, maamina chi ichi Warr ida b̶u b̶uu Dachi Akõre ome ewaricha chokae b̶uabai. Mau Dachi Akõreba kastikai.

Juan 12:46

Mʉ nau iujãad̶aa ʉ̃d̶aa kĩra neesii chi mʉʉd̶e ijãaduu pãriud̶e nurearãad̶amera.

Juan 5:24

»Mʉʉba biawãra jaraaruu: barikiuba mʉ bed̶ea ũriped̶a mʉ bʉid̶a ijãaruubʉrã, mau ẽbẽra mau ome ewaricha chokae b̶uai. Dachi Akõreba mau ichiabai. Biawãra mau ẽbẽra biu b̶uad̶a chokae b̶uu.

2 Pedro 3:13

Maamina Dachi Akõreba bajãa wid̶i maud̶e iujãa wid̶i waui asii. Mau dachiba esed̶au panuu. Mama jomaurãba jipa wau nuread̶ai.

2 Timoteo 1:1

Mʉ Pablobʉ. Dachi Akõreba kʉ̃riasiid̶eeba mʉ Jesucristoba bʉid̶a. Ichiba mʉ bʉisii Dachi Akõreba deai jarad̶a chokae b̶uai ʉ̃rʉbena jarad̶e wãmera. Mau chokae b̶uai Jesucristod̶ebena b̶uu.

Gálatas 3:29

Machi Cristod̶ed̶eeba biawãra Abraham warrarãbʉ. Mauba Dachi Akõreba machi karibasii ichiba Abrahammaa dachi karibai asiid̶eeba.

Romanos 10:9

Bichi iiba Jesús jomaurã Mechiu aaruubʉrã, maud̶e Dachi Akõreba ichi chokae jiradubid̶a bichi sõd̶eeba ijãaruubʉrã, ichiba karibai.

Romanos 5:12

Ẽbẽra ab̶ad̶eeba kachirua nau iujãad̶e neesii. Maud̶e mau kachiruad̶eeba dachi biud̶ai neesii. Jomaurãba kachirua waubadaud̶eeba biubadau.

Romanos 3:23

Biawãra jomaurãba kachirua waubadaud̶eeba, Dachi Akõre biꞌia niid̶ebena awara nuree.

Hechos 16:31

Ãchiba panausid̶au: —Bichiba maud̶e bichi ded̶ebenarãba Dachi Mechiu Jesucristo ijãaduubʉrã, ichiba machi karibai.

Juan 20:31

Maamina joma nau b̶ʉsii machiba Jesús Dachi Akõreba Dachi Karibabarii deai jarad̶a, Dachi Akõre Warr ijãad̶amera. Maka ijãaduubʉrã ichid̶eeba chokae b̶uai uru nuread̶ai.

Juan 6:40

Mʉ Chachaba biawãra kʉ̃ria b̶uu ẽbẽrarãba mʉ ichi Warr kuitaad̶aped̶a ijãad̶ai ichi ome ewaricha chokae nuread̶amera. Makaburu mʉʉba ãchi nau baribai ewarid̶e chokae jiradubiai.

Gálatas 3:17

Mʉʉba naka jara b̶uu: Dachi Akõreba Abraham ome bed̶ea deasii. 430 año basiid̶e Moisesmaa ichiba jarad̶a b̶ʉbisii. Maamina ichiba Abraham ome naed̶e bed̶ea dead̶a mau Moisesba b̶ʉd̶a ãyaa b̶uubasii. Ãyaa b̶ud̶a basirã ichiba karibai ad̶a waubai basii.

Gálatas 3:14

Makasii Dachi Akõreba Jesucristod̶eeba judiowãerã sid̶a karibamera ichiba naed̶e Abrahammaa karibai ad̶a kĩra. Dachiba Jesucristo ijãa panuud̶eeba Dachi Akõreba ichi Jauri deai jarad̶a irsibisid̶au.

Marcos 16:16

Mau bed̶ea ijãaduubʉrã maud̶e boro eaduubʉrã Dachi Akõreba mau karibai. Maamina chi mau bed̶ea ijãawẽe ichiba mau kastikai.

Romanos 3:22

Maka Dachi Akõreba waubarii ara ichiba jara b̶uu kĩra, Jesucristo dachi kakua biusiid̶e, ichi ũribaba nibad̶a unubiasiid̶eeba. Maka ichiba joma chi Jesusd̶e ijãaduurã chi ichid̶irã jipa nuree baara duanubarii. Ab̶a bid̶a kĩra awara unukau.