Gálatas 2:9 - Emberá Chamí

⁹ Ãbarã chi mechiurã Santiagoba, Pedroba maud̶e Juanba kuitaasid̶au Dachi Akõreba ichi sõbiad̶eeba biawãra mʉ judiowãerãmaa bʉisii. Maud̶e ãchi mʉ ome maud̶e Bernabé ome jua deasid̶au kuitaabid̶ai baita arab̶au kʉ̃risia uru panuu. Ãchiba jarasid̶au daiba judiowãerãmaa jaradea panad̶ai, maud̶e ãchiba judiorãmaa jaradea panad̶ai.

Gálatas 2:9 Referans Kwoze

Romanos 12:3

Dachi Akõreba ichi sõbiad̶eeba mʉ b̶usii ichi baita ne wau b̶uamera. Maud̶eeba mʉʉba machimaa nau jaraaruu: ab̶au bid̶a kʉ̃risiabai b̶uu ara ichi chi mechiu nii. Machiba Cristod̶e ijãaped̶aad̶ad̶eeba Dachi Akõreba machicha aꞌawaraa deasii ne waud̶amera. Maud̶eeba ichiba dead̶a kĩra machiba wau panuu biꞌia kʉ̃risiásturu.

Apocalipsis 3:12

Chi kachirua poyaaped̶aad̶a mʉ Dachi Akõre de wãto kĩra b̶ui. Maka mau ded̶ebena wãd̶aabai. Ãchi daub̶ʉʉrʉd̶e mʉ Chacha trʉ̃ b̶ʉi ichid̶irã kuitaabiayua. Maud̶e ãchi daub̶ʉʉrʉd̶e mʉ Chacha puuru trʉ̃ b̶ʉi mau puurud̶ebenarã kuitaabiayua. Mau Jerusalén Wid̶i abadau puuru bajãad̶ebena mʉ Chacha b̶uud̶ebena neei. Maud̶e ãchi daub̶ʉʉrʉd̶e mʉ trʉ̃ wid̶i b̶ʉi mʉʉd̶erã kuitaabiai baita.

Gálatas 2:2

Mʉ wãsii Dachi Akõreba kuitaabisiid̶eeba araa wãi b̶uu. Ara basiid̶e mʉʉba ãbarã chi mechiurã ómeburu araa imibiaped̶a, jarasii chi bed̶ea bia Cristo ʉ̃rʉbena mʉʉba judiowãerãmaa saka jaradea b̶uu. Maka wausii mʉʉba wau b̶uu ãchiba biꞌia unu panuu kuitaai baita.

Romanos 1:5

Jesucristod̶eeba Dachi Akõreba mʉ b̶usii ichiba bʉid̶a b̶uamera. Ichid̶eeba maka b̶usii joma druachabenarãba Jesucristod̶e ijãad̶amera, ichi bed̶ea waud̶amera maud̶e ichimaa biꞌia berread̶amera.

1 Juan 1:3

Daiba unuped̶aad̶a maud̶e ũriped̶aad̶a machimaa jara panuu machi sid̶a dai ome ãbuacha Dachi Bajãad̶ebena Akõre ome maud̶e ichi Warr Jesucristo ome biꞌia panad̶amera.

Efesios 3:8

Joma ẽbẽrarã Dachi Akõred̶erã tãed̶e mʉ kaebeu nimina, ichi sõbiad̶eeba mʉ b̶usii judiowãerãmaa Cristo ʉ̃rʉbena ne bia chi wãꞌãekau jaradead̶e wãmera.

1 Timoteo 3:15

Maamina kãꞌãaruubʉrã mʉʉba kʉ̃ria b̶uu Dachi Akõre chokae nii ẽbẽrarã saka ãbua panad̶ai panuu bichiba kuitaamera. Dachiba Dachi Akõre chi biawãra bed̶ea jaradeabadau de wãto kĩra b̶uu maud̶e de jʉ̃rʉ kĩra b̶uu.

Colosenses 1:29

Mau baita mʉ kʉrrjĩruwẽa traja b̶uu Cristoba ichi poyaabarii ãrea dea b̶uud̶eeba.

Efesios 2:20

Machi de mo waud̶a kĩra panuu. Jesusba bʉid̶arã maud̶e Dachi Akõre baita berreabadaurã mau de ekarebena mo kĩra panuu. Mau ded̶ebena mo chi bibuara b̶uu Jesucristobʉ.

2 Corintios 8:4

Daimaa ãrea chi chuburia id̶isid̶au ãchia bid̶a ãbarã Jerusalend̶ebena aid̶ad̶ai baita.

1 Corintios 15:10

Maamina Dachi Akõreba ichi sõbiad̶eeba mʉ b̶usii Jesucristoba bʉid̶a b̶uamera. Ichiba mʉ bari maka b̶uubasii. Maumaarã joma waabenarã chi Jesucristoba bʉid̶arã audeara mʉʉba ichi baita aude wau b̶uu. Maamina ara michid̶eeba maka wauwẽa b̶uu. Dachi Akõréburu ichi sõbiad̶eeba mʉ aid̶a b̶uu maka waumera.

Romanos 15:15

Maamina nau kartad̶e mʉʉba chi b̶ee kʉ̃risia b̶ʉsii machiba kĩrabad̶amera. Maka b̶ʉsii Dachi Akõreba ichi sõbiad̶eeba mʉ b̶usiid̶eeba,

Hechos 15:13

Mau joma berreaped̶aad̶akare Santiagoba jarasii: —Ãbarã, mʉ bed̶ea ũrísturu.

Hechos 15:7

Berrea duanuu ãrea bad̶akare Pedro jiraduped̶a jarasii: —Ãbarã, machiba kuitaa panuu machid̶ebena Dachi Akõreba mʉ naed̶e jʉrʉ adausii judiowãerãba chi bed̶ea bia Jesús ʉ̃rʉbena ũrid̶aped̶a ijãad̶amera.

Hechos 4:36

Maka wausii ẽbẽra Levid̶ebena need̶a, Joseba. Mau mukĩra Chipre islad̶ebena basii. Mau chi Jesusba bʉid̶arãba Bernabé abachid̶au (mau jara b̶uu «Kĩrajʉʉbibarii»).

Mateo 16:18

Mʉʉba jaraaruu: bichi Pedrobʉ. Mʉʉba nau mo ʉ̃rʉ mʉ puuru wauruu. Biumia ab̶au bid̶a mʉ puuru ome poyaabai.

Lucas 22:8

Maud̶eeba Jesusba Pedro maud̶e Juan bʉisiid̶e, naka jarasii: —Dachi Pascua ewarid̶e chi kobadau joma waud̶e wã́sturu.

Juan 1:42

Maabae Andresba Simón Jesusmaa adoesii. Neesid̶aud̶e Jesusba Simonmaa ichiaped̶a jarasii: —Bichi Simón Jonás warr, maamina id̶iid̶eeba bichi Cefas ad̶ai. (Mau Cefas trʉ̃ Pedro abadau).

Hechos 12:17

Maamina Pedroba ichi juaba jarasii chũpead̶amera. Maabae joma nebʉrʉsii sakaburu Dachi Mechiuba ichi jʉ̃a b̶uad̶a aid̶asii. Joma nebʉrʉped̶a jarasii: —Joma mau Santiagomaa maud̶e waabena ãbarãmaa jarásturu. Maad̶akare Pedro ãyaa wãsii.

2 Corintios 11:5

Chi maka jaradeabadaurã ¿machimaarã, jãarã Jesucristoba bʉid̶arã chi aude bibuararãka? Mʉʉmaarã, ãchi audeara mʉ chi aude kaebeu b̶uwãema.

2 Corintios 12:11

Mʉ kʉ̃risiaswãe nii kĩra ara mʉ ʉ̃rʉbena biꞌia berrea b̶uu, maamina machiaburu mʉ maka berreabisid̶au. Machiba mʉ ʉ̃rʉbena biꞌia berread̶ai panumina biꞌia berread̶awẽa panuu. Maud̶e kʉ̃risia panuu jãarã Jesucristoba bʉid̶arã abadaurã chi mechiu nuree. Mʉ chi mechiuwãemina ãchi audeara kaebeu b̶uuwãe.

Gálatas 1:16

ichi Warr mʉʉmaa kuitaabisii judiowãerãmaa mau ʉ̃rʉbena jaramera. Maud̶e mʉʉba ab̶aumaa bid̶a id̶iibasii saka waui b̶uu kuitaai baita.

Gálatas 1:18

Año õbea bad̶akare mʉ Jerusalend̶aa wãsii Pedro unui baita. Aria 15 ewari mau ome b̶uasii.

Gálatas 2:1

Año 14 bad̶akare mʉ Bernabé ome waya Jerusalend̶aa wãsii. Tito sid̶a wãsii.

Gálatas 6:3

Chi mechiuwãe b̶uuba ichi chi mechiu nii kʉ̃risia b̶uubʉrã, ara ichi du ab̶a setaa kũrua b̶uu.