Gálatas 2:13 - Emberá Chamí

¹³ Maud̶e waabenarã ãbarã judiorãba chi ãbarã judiowãerã ida b̶usid̶au Pedroba biawãrawãe wau b̶uu kĩra. Maka wau panuud̶eeba Bernabé bid̶a ara mau kĩra kachirua wausii.

Gálatas 2:13 Referans Kwoze

1 Corintios 15:33

Ida setaa kũruabirã́sturu. Machi kachirua waubadaurã ome ãbua nibaaduubʉrã, maarãba machi biꞌia nibabadau kachirua babid̶ai.

Efesios 4:14

Makarã waa wãwa kĩra nuread̶aabai. Wãwaba barikia bed̶ea ijãabarii. Mau awara ẽbẽrarã setaa kũruad̶ai kuitaa nureeba jaradea panuud̶eeba, setaa ijãabiabadau pũatuba jãba ãyaa adoeruu kĩra. Maamina dachi mau jãba kĩra nuread̶aabai.

Hebreos 13:9

Maamina waabenarãba barikiu ne ãyaa jaradeabadau. Maarãmaa ida setaa kũrabiarã́sturu. Machiba kooduuba maebʉrã kod̶awẽa panuuba aid̶akau. Chi maka wau panuuba biꞌia panad̶akau. Dachi Akõreba ichi sõbiad̶eeba aid̶a b̶uu machiba biꞌia sõd̶eeba ijãad̶amera.

1 Corintios 8:9

Biawãra dachiba ko kʉ̃ria panuu poyaa kod̶ai panuu. Maamina kauwa panásturu machiba barikia kooduud̶eeba machi ãba mau ʉ̃rʉbena adua nii kachiruad̶e b̶aerãamera.

1 Corintios 5:6

Ara machi waabenarã audeara biꞌia nuree ad̶aabai panuu. ¿Machiba adua panuka masa ẽesãabibarii b̶aꞌãra b̶uuba harina joma ẽesãabibarii? Ara mau kĩra chi kachirua b̶aꞌãra wauruuba waabenarã ãbarã joma kachiruabiabarii.

Hechos 4:36

Maka wausii ẽbẽra Levid̶ebena need̶a, Joseba. Mau mukĩra Chipre islad̶ebena basii. Mau chi Jesusba bʉid̶arãba Bernabé abachid̶au (mau jara b̶uu «Kĩrajʉʉbibarii»).

Gálatas 2:1

Año 14 bad̶akare mʉ Bernabé ome waya Jerusalend̶aa wãsii. Tito sid̶a wãsii.

1 Corintios 12:2

Machiba kuitaa panuu Dachi Akõred̶e ijãad̶akaurã nureasid̶aud̶e, barikia ʉ̃rʉbena kʉ̃risiabachid̶au. Dachi Akõre kuenda juaba ne kaped̶aad̶ad̶e ijãabachid̶au. Chokae nureewãed̶eeba berread̶akau.

Mateo 23:28

Ara mau kĩra machi ẽbẽra daumaarã jipa nuree kĩra nuree, maamina biawãra machiba jaradeabadau waud̶akau. Maud̶e ed̶are machi ãrea sõ kachirua nuree.

Gálatas 2:9

Ãbarã chi mechiurã Santiagoba, Pedroba maud̶e Juanba kuitaasid̶au Dachi Akõreba ichi sõbiad̶eeba biawãra mʉ judiowãerãmaa bʉisii. Maud̶e ãchi mʉ ome maud̶e Bernabé ome jua deasid̶au kuitaabid̶ai baita arab̶au kʉ̃risia uru panuu. Ãchiba jarasid̶au daiba judiowãerãmaa jaradea panad̶ai, maud̶e ãchiba judiorãmaa jaradea panad̶ai.