Gálatas 2:11 - Emberá Chamí

¹¹ Ewari ab̶a Pedro Antioquía puurud̶aa ãbarã ichiad̶e wãsii. Aria mʉʉba jomaurã ãbarã daad̶e ichi iadaasii, ichiba biawãra kachirua wausiid̶eeba.

Gálatas 2:11 Referans Kwoze

1 Timoteo 5:20

Maamina ijãabadaurã nubariiba kachirua wau b̶uubʉrã, jomaurã daad̶e iadaase waabenarãba wapeaba mau kachirua waurãad̶amera.

Gálatas 2:14

Maamina mʉʉba unusii ãchi biawãra chi bed̶ea bia Cristo ʉ̃rʉbena jara b̶uu kĩra nibad̶aabasii. Maud̶eeba mʉʉba Pedro jomaurã ãbarã daad̶e naka iadaasii: «Bichi judiomina judio kĩra nibakau. Maumaarã judiowãe kĩra nibabarii. Mau ¿sakãe bichiba ãbarã judiowãerãmaa judiorãba waubadau waubia b̶uma?»

2 Corintios 5:16

Maud̶eeba nau iujãad̶ebenarãba waabenarã ichiabadau kĩra jãabae daiba maka ichiad̶akau. Naed̶e daiba Cristo ʉ̃rʉbena maka kʉ̃risia panasmina jãabae maka waud̶akau.

Hechos 15:1

Mau ewarid̶e chi nuree Judea druad̶ebenarã Antioquía puurud̶aa wãsid̶au. Aria ãchiba ãbarã judiowãerãmaa jaradea paneesid̶au Moisesba b̶ʉd̶a kĩra mukĩra chi kakua tõod̶aabasiibʉrã, Dachi Akõreba karibaabai.

Judas 1:3

Ãbarã, mʉʉba nau kartad̶e Dachi Akõreba dachi karibad̶a ʉ̃rʉbena b̶ʉ kʉ̃ria b̶uasii. Maamina mʉ baita, bibuara b̶uu jãabae b̶ʉi kauwa panad̶amera. Chi machiba ijãa panuu ab̶aumaa ida ãyaa jaradeabirã́sturu. Dachi Akõreba chi biawãra bed̶ea ichi ẽbẽrarãmaa b̶es ab̶aburu deasii. Diware deakau.

Santiago 3:2

Joma dachiba ãrea biꞌiwãe waubadau. Ab̶auba berrearuud̶e ab̶a sõ puꞌuabikaubʉrã, ne jomad̶e jipa nii maud̶e ichi kakua joma jipa b̶uu.

Gálatas 2:9

Ãbarã chi mechiurã Santiagoba, Pedroba maud̶e Juanba kuitaasid̶au Dachi Akõreba ichi sõbiad̶eeba biawãra mʉ judiowãerãmaa bʉisii. Maud̶e ãchi mʉ ome maud̶e Bernabé ome jua deasid̶au kuitaabid̶ai baita arab̶au kʉ̃risia uru panuu. Ãchiba jarasid̶au daiba judiowãerãmaa jaradea panad̶ai, maud̶e ãchiba judiorãmaa jaradea panad̶ai.

Gálatas 2:5

Maamina ãchiba jaraped̶aad̶a daiba ne ab̶a bid̶a ijãad̶aabasii machiba chi bed̶ea bia biawãra Cristo ʉ̃rʉbena ewaricha uru nuread̶amera.

2 Corintios 12:11

Mʉ kʉ̃risiaswãe nii kĩra ara mʉ ʉ̃rʉbena biꞌia berrea b̶uu, maamina machiaburu mʉ maka berreabisid̶au. Machiba mʉ ʉ̃rʉbena biꞌia berread̶ai panumina biꞌia berread̶awẽa panuu. Maud̶e kʉ̃risia panuu jãarã Jesucristoba bʉid̶arã abadaurã chi mechiu nuree. Mʉ chi mechiuwãemina ãchi audeara kaebeu b̶uuwãe.

Mateo 16:23

Maamina Jesusba waya ichiaped̶a Pedromaa jarasii: —¡Satanás, mʉ jãkaabena ãyaa wãse! Mʉʉba waui b̶uu bichiba ida kabiwẽe. Bichiba Dachi Akõre kĩra kʉ̃risiawẽa b̶uu. Maumaarã ẽbẽra kĩra kʉ̃risia b̶uu.

2 Corintios 11:5

Chi maka jaradeabadaurã ¿machimaarã, jãarã Jesucristoba bʉid̶arã chi aude bibuararãka? Mʉʉmaarã, ãchi audeara mʉ chi aude kaebeu b̶uwãema.

Hechos 11:19

Esteban biud̶akare ẽbẽrarãba chi Jesusd̶e ijãabadaurã kachirua waud̶ai baita wãraasid̶au. Maud̶eeba ãbarã Jerusalend̶ebena miru wãurisid̶au. Fenicia druad̶aa, Chipre islad̶aa maud̶e Antioquía puurud̶aa wãsid̶au. Ãchi wãaduucha chi bed̶ea Jesús ʉ̃rʉbena ab̶a judiorãmáburu jarabachid̶au.

Juan 1:42

Maabae Andresba Simón Jesusmaa adoesii. Neesid̶aud̶e Jesusba Simonmaa ichiaped̶a jarasii: —Bichi Simón Jonás warr, maamina id̶iid̶eeba bichi Cefas ad̶ai. (Mau Cefas trʉ̃ Pedro abadau).

Hechos 11:20

Maka panuud̶e chi nuree Jesusd̶e ijãabadaurã Chipred̶ebena maud̶e Cirene puurud̶ebena Antioquiad̶e panad̶e wãsid̶au. Maarãba griegorãmaa chi bed̶ea bia Dachi Mechiu Jesús ʉ̃rʉbena jara kopaneesid̶au.

Hechos 11:22

Ãbarã Jerusalend̶ebenarãba mau kuitaasid̶aud̶e Bernabé Antioquiad̶aa bʉisid̶au.

Hechos 11:27

Mau ewarid̶e Dachi Akõre baita berreabadaurã Jerusalend̶ebena Antioquiad̶aa wãsid̶au.

Hechos 15:5

Maamina chi nuree fariseorã Jesusd̶e ijãabadaurãba jiradud̶aped̶a jarasid̶au: —Joma ãbarã judiowãerã mukĩra chi kakua tõod̶ai panuu. Ãchimaa jaradead̶ai panuu Moisesba b̶ʉd̶a waud̶amera.

Gálatas 1:18

Año õbea bad̶akare mʉ Jerusalend̶aa wãsii Pedro unui baita. Aria 15 ewari mau ome b̶uasii.