Gálatas 1:7 - Emberá Chamí

⁷ Biawãra, chi bed̶ea bia june wãꞌãe. Maamina chi nureerãba machimaa biꞌiwãe kʉ̃risiabiabadau, chi bed̶ea bia Cristo ʉ̃rʉbena ãyaa jaradea panuud̶eeba.

Gálatas 1:7 Referans Kwoze

Hechos 15:24

Daiba ũrisid̶au chi nuree namabena ẽbẽrarã machimaa wãd̶aped̶a ãchiba ãchimaa jaradea panuu kakua machi ãrea jirukaraad̶aped̶a kuitaa kʉ̃risiad̶awẽa paneesid̶au. Maamina mau ẽbẽrarã daiba bʉid̶aabasii.

Gálatas 5:10

Maamina Dachi Mechiu Jesucristod̶eeba mʉʉba kuitaa b̶uu machiba mʉʉba jara b̶uu awara kʉ̃risiad̶aabai. Barikiuba machi maka waa joe b̶eeruubʉrã Dachi Akõreba kastikai.

2 Corintios 11:13

Ãchi Cristoba bʉid̶arãwãema, maumaarã waabenarã setaa kũruabadaurãbʉ. Setad̶eeba kʉ̃risiabiabadau ãchi Cristoba bʉid̶arã.

Gálatas 5:12

Mʉʉmaarã ¡biꞌia b̶uu chi machi maka waa joe nuree ãchicha kãra jad̶ai!

2 Corintios 2:17

Daiba chi nejarra adaud̶ai baita Dachi Akõre bed̶ea jaradea nibad̶aabai ãreaba waubadau kĩra. Maumaarã Cristo ome panuud̶eeba Dachi Akõreba dai bʉisii. Maud̶e ichi daad̶e kʉ̃risia sõbiad̶eeba jaradeabadau.

Apocalipsis 20:3

Angelba mau eakarr ed̶aa chob̶ead̶e jiratasii maabae jʉ̃a kub̶usii ab̶au bid̶a poyaa ewarãad̶amera. Maud̶eeba jʉbawãe niiba drua jomad̶ebenarã waa setaa kũruabai ab̶a 1.000 años wãꞌãeruud̶aa. 1.000 años bad̶akare mau enatai nau iujãad̶e ewari b̶aꞌãra b̶uamera.

2 Juan 1:10

Ẽbẽra machimaa wãaruud̶e Cristoba jaradead̶a kĩra jaradeawẽebʉrã, mau machi ded̶e biꞌia irsibirã́sturu maud̶e «biꞌia b̶uu bichi neesii» arã́sturu.

1 Juan 4:1

Ãbarã, barikiurãba Dachi Akõre Jaurid̶eeba berrea panuu abadaurã ijãarã́sturu, maumaarã kauwa ichiásturu ãchiba biawãra Dachi Akõre Jaurid̶eeba maebʉrã waabenarãd̶eeba berrea panuu kuitaad̶ai baita. Mau makásturu ãreaba nau iujãad̶e setad̶eeba ãchiba Dachi Akõre Jaurid̶eeba berrea panuu abadaud̶eeba.

Apocalipsis 19:20

Chi mura ʉ̃rʉ akʉ b̶uuba ãnimara kachirua maud̶e chi Dachi Akõre baita berreabarii chi biawãrawãe jidausii. Mauba ãnimara kachirua trʉ̃d̶eeba ẽbẽrarãba ne poyaa waud̶akau mechiu waubachii. Mauba ãnimara kachirua seña ida waubiaped̶aad̶a joma setaa kũruabachii. Mau chi ara ichi kĩra juaba ne kaped̶aad̶a ãrea kʉ̃riaped̶aad̶a setaa kũruabachii. Chi mura ʉ̃rʉ akʉ b̶uuba mau ãnimara kachirua maud̶e chi Dachi Akõre baita berreabarii chi biawãrawãe chokae panuu chob̶ea mar kĩra ed̶a azufre aoko nub̶uud̶e jiratasii.

Apocalipsis 13:14

Dachi Akõreba mau ãnimara iorod̶ebena awara need̶amaa chi mau ẽbẽrarãba ne poyaa waud̶akau wauyu ida kabisii chi ãnimara mard̶ebena awara need̶a trʉ̃d̶e. Maka chi iorod̶ebena awara need̶aba nau iujãad̶ebenarã setaa kũruasii. Maka chi ãnimara kuenda juaba ne kaped̶aad̶a waubiasii, chi mau espadaba tõoped̶a maud̶e wabid̶a chokae nii kĩra. Maka wauped̶aad̶akare jomaurãba mau ãrea kʉ̃riad̶ai panuu asii.

Apocalipsis 12:9

Ara maud̶e chi dragón mechiu maud̶e joma chi ichi baara duanuu nau iujãad̶aa jirakuasid̶au. Mau dragón chi nabẽraed̶ebena damabʉ. Chi mau trʉ̃ jʉbawãe nii maud̶e Satanás abadau. Mauba joma nau iujãad̶ebenarã setaa kũrua ua b̶uu.

Apocalipsis 2:20

Maamina mʉʉba nau miadaa unu b̶uu: Machiba wẽra Jezabel abadauba chi setaa jaradea b̶uu ida kabi panuu. Ara mauba Dachi Akõre baita berreabarii abarii. Maamina chi mauba jaradea b̶uud̶eeba mʉ baita bari trajabadaurã setaa kũrua b̶uu kĩra dachi kakuaba barikiu kachirua wau panad̶amera maud̶e kiuru Dachi Akõre kuenda juaba ne kaped̶aad̶amaa baa deabadau kod̶amera.

Apocalipsis 2:6

Maamina nau biꞌia wau panuu: chi Nicolaitasd̶e ijãabadaurãba kachirua waubadau machiba kʉ̃riad̶akau. Mʉa bid̶a mau kʉ̃riakau.

Apocalipsis 2:2

»Mʉʉba machiba wau panuu kuitaa b̶uu. Mʉ baita ãrea traja panuu maud̶e ãrea biꞌiwãe panuud̶e joma dauchia jãadua panuu kuitaa b̶uu. Machiba chi kachirua waubadaurãmaa ida kabid̶akau kuitaa b̶uu. Chi nuree machimaa wãd̶aped̶a maabae Jesucristoba bʉid̶arã abachid̶au. Maamina machiba kauwa ichia panuud̶eeba kuitaasid̶au maarã chi seta nuree.

Judas 1:4

Maka b̶ʉ b̶uu june ãbarã kĩra nuree machi tãed̶e duanuud̶eeba. Maarã ẽbẽrarãba setaa jaradeabadau Dachi Akõreba ichi sõbiad̶eeba dachi karibakuasiid̶eeba dachi kakuaba kachirua wau kʉ̃ria b̶uu poyaa waud̶ai panuu. Maarãba Dachi Mechiu ab̶a nii Jesucristo ida b̶ubadau. Eskareed̶eed̶e b̶ʉ kub̶uu Dachi Akõreba ãchi kastikai ʉ̃rʉbena.

2 Juan 1:7

Chi nuree setaa kũruabadaurã nau iujãad̶e ãrea nibabadau. Maarãba ijãad̶akau Jesucristo nau kakuad̶e dachi kĩra neesii. Chi maka b̶uu waabenarã setaa kũruabarii maud̶e Cristo kĩramaabʉ.

1 Juan 2:26

Mʉʉba mau b̶ʉsii waabenarãba machi setaa kʉ̃ria panuud̶eeba.

2 Timoteo 2:18

Ãchi chi biawãra bed̶ead̶ebena ãyaa wãsid̶au. Ãchiba jaradeabadau ẽbẽrarã biuped̶aad̶a chokae jiraduped̶aad̶a. Maud̶eeba waabenarãba Cristod̶e ijãa panuu ʉ̃rʉbena ãyaa kʉ̃risia paneesid̶au.

Gálatas 6:17

Jesús ʉ̃rʉbena jaradea b̶uu kakua, ẽbẽrarãba mʉ kachirua wausid̶au. Mau mʉ kakuad̶e tõokuaped̶aad̶aba somia uru b̶uu. Mauba mʉ ichid̶e b̶uu unu b̶uu. Maud̶eeba id̶iid̶eeba mʉʉba kʉ̃riawẽma ab̶auba waa nebʉra baraabi b̶uai.

Gálatas 4:17

Machi tãed̶e chi biꞌia jaradead̶akaurãba ne joma wau panuu machiba ãchi bed̶ea ijãad̶amera. Maamina ãchiba maka waud̶akau machi aid̶ad̶ai baita. Machi daid̶ebena ãyaa adoe kʉ̃ria panuu sõd̶eeba ãchi baara panad̶amera.

Gálatas 2:4

Mau ʉ̃rʉbena berreasid̶au chi nuree biawãra ãbarãwãeba jarabachid̶aud̶eeba. Maarã ãbarã kĩra need̶aped̶a, unud̶ai kʉ̃riabachid̶au dachi Moisesba b̶ʉd̶ad̶ebena ãyaa wãsid̶au kuitaa. Jesucristod̶e ijãad̶ai bad̶amaarã, chi Moisesba b̶ʉd̶a waya waubi kʉ̃ria panasid̶au, chi mau b̶ʉd̶a baita bari trajabadaurã kĩra.

2 Corintios 4:2

Ne joma kachirua ẽbẽrarãba mirubia waubadau maud̶e mia kĩra nejasia waubadau daiba ida b̶usid̶au. Waabenarã setaa kũruad̶akau. Dachi Akõre bed̶ea ãyaa jaradead̶akau, maumaarã chi biawãra bed̶ea arakʉd̶e jaradeabadau. Maka Dachi Akõre daad̶e jomaurãmaa kuitaabiabadau daiba jipa wau panuu.

Hechos 20:30

Ara machid̶ebenarã bid̶a setaa jaradead̶ai Jesusd̶e ijãabadaurã ãyaa wãd̶amera.

Hechos 13:10

—Jʉbawãe nii warr, ¡bichiba ne joma jipa b̶uu kʉ̃riakau! ¡Kachirua waui baita b̶uabarii maud̶e setaa jarabarii! ¿Sakãe ara bichiba Dachi Mechiu biawãra bed̶ea seta a b̶uma?

Mateo 24:24

Mau ewarid̶e setaa jarad̶ai ãchi Dachi Akõreba Dachi Karibabarii deai jarad̶a. Maud̶e waabenarãba setad̶eeba jarad̶ai ãchi Dachi Akõre baita berreabadaurã. Maarãba ẽbẽrarãba ne poyaa waud̶akau mechiu waud̶ai ẽbẽrarã setaa kũruad̶ai baita. Dachi Akõreba jʉrʉ adaud̶arã sid̶a poyaa setaa kũruaped̶aad̶a basirã, ãchi sid̶a setaa kũruad̶ai basii.

Gálatas 1:6

Mʉ saka kʉ̃risiai adua b̶uu machiba kãꞌãabariwãed̶e Dachi Akõre ida b̶uped̶aad̶a. Ichiba machi iusii Cristo sõbiad̶eeba karibai baita, maamina machiba ãrea ũri panuu waabenarãba bed̶ea bia kĩra jara panuu.