Gálatas 1:16 - Emberá Chamí

¹⁶ ichi Warr mʉʉmaa kuitaabisii judiowãerãmaa mau ʉ̃rʉbena jaramera. Maud̶e mʉʉba ab̶aumaa bid̶a id̶iibasii saka waui b̶uu kuitaai baita.

Gálatas 1:16 Referans Kwoze

Mateo 16:17

Jesusba jarasii: —Bichi ãrea biꞌia b̶uu, Simón, Jonás warr. Ab̶au ẽbẽra bid̶a bichimaa mau kuitaabiibasii, maumaarã mʉ Chacha bajãad̶e b̶uuba kuitaabisii.

Efesios 6:12

Ẽbẽrarã ome chĩo panuuwãema. Maumaarã jai kachiruarã nau iujãa pãriud̶ebenarã ómeburu chĩo panuu. Maarã dachiba unud̶akau chi mechiu nureerãbʉ, chi ʉtarebena jai kachiruarã karrarãbʉ.

Efesios 3:1

Maud̶eeba mʉʉba [machi baita Dachi Akõremaa ʉtaa id̶ibarii]. Mʉ Pablobʉ. Machi judiowãerãmaa Jesucristo ʉ̃rʉbena jaradea b̶uu kakua jʉ̃a uru panuu.

2 Corintios 4:6

Nau iujãa joma pãriu b̶uad̶a Dachi Akõreba ʉ̃d̶aabisii. Ara mau kĩra ichi ʉ̃d̶aa dachi sõd̶e ʉ̃d̶aabisii. Mauba jara b̶uu ichi kĩrawãrea Cristod̶eeba dachimaa kuitaabisii.

Romanos 11:13

Mʉʉba judiowãerãmaa nau jaraaruu. Mʉ Dachi Akõreba bʉid̶a b̶usii, machimaa jaradeamera. Mau mʉʉba joma biꞌia wau kʉ̃ria b̶uu.

Hechos 22:21

Maamina Dachi Mechiuba mʉʉmaa jarasii: “Wãse. Mʉʉba bichi kaitawẽ judiowãerãmaa bʉii”».

Hechos 9:15

Maamina Dachi Mechiuba jarasii: —Wãse. Mʉʉba ichi jʉrʉ adausii mʉ ʉ̃rʉbena berreamera judiowãerãmaa, ãchi reyrãmaa maud̶e israeld̶ebenarãmaa.

Mateo 26:41

Machi ʉ̃rʉma panásturu. Dachi Akõremaa ʉtaa id̶ísturu kachiruad̶e b̶aed̶aamaaba. Mʉʉba kuitaa b̶uu machiba bia wau kʉ̃ria panuu. Maamina machi kakuaba poyaad̶aabai panuu.

Hebreos 2:14

Maarã kiuru maud̶e oa nureed̶eeba Jesús sid̶a arab̶aud̶e maarã ẽbẽra kĩra neesii ichi biuruuba jʉbawãe nii poyaai baita. Jʉbawãe niiba poyaa biubiabarii.

2 Timoteo 1:11

Dachi Akõreba mʉ b̶usii mau bed̶ea bia jarabarii b̶uamera, Jesucristoba bʉid̶a b̶uamera maud̶e judiowãerãmaa jaradeabarii b̶uamera.

1 Timoteo 2:7

Mau baita mʉ ichi bed̶ea jarabarii b̶usii. Mʉ ichiba bʉid̶a b̶usii chi biawãra bed̶ea ichi ijãad̶ai panuu ʉ̃rʉbena judiowãerãmaa jaradead̶e wãmera. Mʉʉba biawãra jara b̶uu maud̶e setawãe b̶uu.

1 Tesalonicenses 2:16

Dachi Akõreba karibamera daiba judiowãerãmaa jaradea kʉ̃ria panuud̶e, maarãba daiba jaradead̶ai ida kabid̶aabasii. Maka aude kachirua wau panuud̶eeba Dachi Akõreba ichi oa kachiruad̶eeba maarã ãrea kastikai.

Gálatas 2:1

Año 14 bad̶akare mʉ Bernabé ome waya Jerusalend̶aa wãsii. Tito sid̶a wãsii.

2 Corintios 5:16

Maud̶eeba nau iujãad̶ebenarãba waabenarã ichiabadau kĩra jãabae daiba maka ichiad̶akau. Naed̶e daiba Cristo ʉ̃rʉbena maka kʉ̃risia panasmina jãabae maka waud̶akau.

1 Corintios 15:50

Ãbarã, mʉʉba nau jaraaruu: chi kakua nau iujãad̶ebena Dachi Akõre juad̶e poyaa b̶uabai ichid̶irã baara. Chi kakua b̶eraabarii chi b̶eraakau kakuamaa poyaa b̶uabai.

Hechos 5:42

Mau maad̶akare ewaricha jaradeabachid̶au chi bed̶ea bia Jesús Dachi Akõreba dachi Karibabarii deai jarad̶a ʉ̃rʉbena. Mau jaradea wãbachid̶au Dachi Akõre de mechiud̶e maud̶e decha.

Hechos 9:20

Maud̶e judiorã araa ãbua imibadau decha ichiba jaradea b̶eesii Jesús biawãra Dachi Akõre Warr nii.

Romanos 1:5

Jesucristod̶eeba Dachi Akõreba mʉ b̶usii ichiba bʉid̶a b̶uamera. Ichid̶eeba maka b̶usii joma druachabenarãba Jesucristod̶e ijãad̶amera, ichi bed̶ea waud̶amera maud̶e ichimaa biꞌia berread̶amera.