Filipenses 4:1 - Emberá Chamí

¹ Maud̶eeba mʉ ãbarã, mʉʉba jarad̶a kĩra Dachi Mechiud̶e ãrea ijãa panásturu. Mʉʉba machi ãrea kʉ̃ria b̶uu maud̶e unu kʉ̃ria b̶uu. Machi kakua, mʉ ãrea kĩrajʉʉ b̶uu. Machi mʉ kĩrajʉʉbibadaubʉ.

Filipenses 4:1 Referans Kwoze

Filipenses 1:27

Jipa nibásturu chi bed̶ea bia Cristo ʉ̃rʉbena jara b̶uu kĩra. Makarã mʉʉba machi ichiad̶e wãaruubʉrã, maebʉrã machi ome b̶uuwãed̶e machi ʉ̃rʉbena ũriiruubʉrã, kuitaai machiba arab̶au kʉ̃risiad̶eeba ãbua ãrea ijãa panuu maud̶e ãbua ãrea traja panuu mau bed̶ea bia kuitaabid̶ai baita.

1 Corintios 16:13

Kauwa panásturu. Jesucristod̶e ãrea ijãa panásturu. Ichid̶eeba perawẽa panásturu maud̶e chaarea panásturu.

Filipenses 2:16

Chi dachi chokae b̶uabiabarii bed̶ea ʉ̃rʉbena ãchimaa arakʉd̶e kuitaabia panásturu. Maka Cristo neeruud̶e mʉ machi kakua kĩrajʉʉi. Maud̶e mʉʉba kuitaai mʉ bari ara jãka nibaabasii maud̶e bari trajaabasii.

1 Corintios 15:58

Maud̶eeba ãbarã mʉa kʉ̃riakuabarii, ãrea ijãa panásturu. Dachi Mechiuba kʉ̃ria b̶uu ãrea wau kãribad̶eásturu. Machiba kuitaa panuu Dachi Mechiu baita wau panuu, machiba bari wau panuuwãe.

Filipenses 1:8

Dachi Akõreba kuitaa b̶uu mʉʉba Jesucristo ãrea kʉ̃ria b̶uud̶eeba joma machi sid̶a ãrea kʉ̃riakua b̶uu.

Hebreos 10:23

Dachi Akõreba ichiba jarad̶a kĩra waubariid̶eeba dachiba kʉ̃risiabadau maud̶e jomaurãmaa jarabadau mau ab̶a bid̶a ida b̶ud̶aabai panuu.

Romanos 2:7

Chi nureerãba biꞌia wau panuu Dachi Akõreba maarã biꞌia unumera, biꞌia jaramera maud̶e ewaricha ãchi ome chokae b̶uamera. Maarã biawãra chokae panabiai.

Juan 8:31

Maabae Jesusba judiorã ichid̶e ijãaduurãmaa jarasii: —Machiba mʉ bed̶ea ijãa panuubʉrã, biawãra mʉ baara nibabadaurã nuread̶ai.

2 Timoteo 2:1

Warr, Jesucristo sõbiad̶eeba chaarea b̶uase.

Filipenses 2:26

Ichiba machi biawãra unu kʉ̃ria b̶uu. Ãrea jirukaraa b̶uu, machiba ichi ẽpermo b̶uu ũrisid̶aud̶eeba.

Hechos 11:23

Mau Bernabé ẽbẽra jipa nibasii. Jesusd̶e ãrea ijãa nibasii; Dachi Akõre Jaurid̶eeba nibasii. Bernabé Antioquiad̶e neesiid̶e unusii Dachi Akõreba ichi sõbiad̶eeba ãbarã kariba b̶uu. Maud̶eeba ichi ãrea kĩrajʉʉsii. Maud̶e ichiba jomaurãmaa jarabachii sõd̶eeba ewaricha Dachi Mechiud̶e biawãra ijãad̶amera. Maka b̶uud̶e ãreaba Dachi Mechiud̶e ijãasid̶au.

Hechos 2:42

Chi Jesusba bʉid̶arãba jaradea panuu ãchiba ãrea ũribachid̶au. Ãbua biꞌia duanabachid̶au. Pan b̶ʉad̶aped̶a, kobachid̶au. Maud̶e Dachi Akõremaa ʉtaa id̶i panabachid̶au.

2 Pedro 3:17

Ãbarã, machiba mau kuitaa panuud̶eeba kauwa panásturu ẽbẽra kachiruarãba biꞌiwãe jaradea panuuba setaa kũruarãad̶amera. Maka machiba ãrea ijãa panuu ida b̶ud̶aabai.

Hebreos 4:14

Dachi Akõre Warr Jesús, dachi Paare Mechiu bajãad̶aa wãsii. Ichid̶e ijãa panuu a panuud̶eeba biawãra ijãa panad̶ai panuu.

Hebreos 3:14

Dachiba ab̶aed̶eed̶e ijãaped̶aad̶ad̶eed̶ebena ab̶a biuduud̶aa Cristod̶e ijãa panuubʉrã, ichi ome dauchia jãadua panad̶ai.

2 Tesalonicenses 2:15

Maud̶eeba ãbarã, dauchia jãadua panásturu. Daiba jaradeaped̶aad̶a maud̶e kartad̶e b̶ʉped̶aad̶a kĩrabarã́sturu.

Colosenses 4:12

Machi puurud̶ebena Jesucristo baita bari trajabarii Epafrasba jarabʉi b̶uu machi biꞌia panad̶ai. Ichiba ewaricha Dachi Akõremaa ʉtaa id̶i b̶uabarii machi ne jomad̶e dauchia jãadua nuread̶amera, ãrea ijãa panad̶amera, maud̶e joma Dachi Akõreba waubi kʉ̃ria b̶uu kuitaad̶aped̶a waud̶amera.

Gálatas 5:1

Cristoba dachi karibasii ena duanad̶amera. Mau ãrea ijãa panásturu. Waya chibari baita bari trajabadaurã kĩra nurearã́sturu.

Hechos 14:22

Puurucha ãbarã aid̶abachid̶au Jesusd̶e biꞌia ijãad̶amera. Ãchiba Jesusd̶e ijãa panuu ida b̶urãad̶amera naka jarabachid̶au: «Ãrea biꞌiwãe panad̶ai panuu, Dachi Akõre juad̶e panad̶ai baita, ichid̶irã baara».

1 Tesalonicenses 3:13

Maud̶e ʉtaa id̶i panuu Cristoba machi kariba b̶uai sõd̶eeba ãrea ijãad̶amera. Maka Dachi Mechiu Jesús joma ichid̶irã baara neeruud̶e machi Dachi Bajãad̶ebena Akõre daad̶e kachiruaswãe nuread̶ai.

Mateo 10:22

Mʉʉd̶e ijãa panuu kakua jomaurãba machi kĩramaad̶ai. Maamina chi kaad̶earebena ewarid̶aa dauchia jãadua mʉʉd̶e ijãa panuubʉrã, Dachi Akõreba mau karibai ichi baara chokae nuread̶amera.