Filipenses 3:5 - Emberá Chamí

⁵ Mʉ danaba mʉ adaud̶a 8 ewari bad̶akare, mʉ mukĩra chi kakua tõosid̶au. Mʉ israeld̶ebenabʉ, Benjamind̶ebena need̶abʉ. Mʉ nabẽraed̶ebenarã chi biawãra hebreorã basii. Fariseo basiid̶eeba mʉʉba Moisesba b̶ʉd̶a kauwa waubachii.

Filipenses 3:5 Referans Kwoze

2 Corintios 11:22

Ãchi hebreorã a panuu. ¿Mʉ sid̶a arab̶auwãeka? Ãchi Israeld̶ebenarã a panuu. ¿Mʉ sid̶a arab̶auwãeka? Ãchi Abrahamd̶ebena imiped̶aad̶arã a panuu. ¿Mʉ sid̶a arab̶auwãeka?

Romanos 11:1

Maud̶eeba mʉʉba nau id̶iiruu: «¿Dachi Akõreba israeld̶ebenarã ichid̶irã ida b̶uska?» ¡Makawãema! Mʉ israeld̶ebenabʉ, Abrahamd̶ebena need̶abʉ, Benjamind̶ebena need̶abʉ.

Hechos 23:6

Maka b̶uud̶e Pabloba kuitaasii chi mechiurã waabenarã saduceorã, waabenarã fariseorã. Maud̶eeba ãchimaa jĩwa jarasii: —Ãbarã, mʉ fariseobʉ. Mʉ nabẽraed̶ebenarã fariseorã basii. Maud̶eeba ijãa b̶uu biud̶arã chokae jiradud̶ai. Maud̶eeba waabenarãba mʉ kastika kʉ̃ria panuu.

Hechos 22:3

«Mʉ judiobʉ. Cilicia druad̶e Tarso puurud̶e mʉ danaba mʉ adausii. Maamina mʉ nama Jerusalend̶e warisii. Jaradeabarii Gamalielba mʉʉmaa joma dachi nabẽraed̶ebenarã Moisesba b̶ʉd̶a ãrea jaradeasii. Mʉʉba Dachi Akõre ãrea ijãa b̶uabachii machiba ijãabadau kĩra.

Lucas 1:59

Warr adaud̶a 8 ewari baaruud̶e mau adoesid̶au chi wãwa chi mukĩra kakua tõod̶ai baita. Maud̶e waabenarãba ichi akõre trʉ̃ kĩra Zacarías trʉ̃ad̶ai kʉ̃ria panasid̶au.

Hechos 6:1

Mau ewarid̶e chi Jesusd̶e ijãabadaurã maucha aude baraasii. Maud̶e chi griego bed̶ead̶e berreabadaurã judiorãba chi hebreo bed̶ead̶e berreabadaurã kachirua jara kopaneesid̶au. Jarasid̶au ãbarãba pẽdrãarã ewaricha aid̶aaduud̶e ãchi pẽdrãarã aid̶ad̶akau.

Lucas 2:21

Chi warr adausiid̶e 8 ewari bad̶akare, chi wãwa chi mukĩra kakua tõosid̶au. Maud̶e ichi trʉ̃ Jesús b̶usid̶au, chi nawe warr baraai naed̶e angelba jarad̶a kĩra.

Lucas 5:38

Maud̶eeba uva b̶aa wid̶i ãnimara e waud̶a wid̶id̶e tʉd̶ai panuu. Maka omea ãrea dauchia jãadua panad̶ai.