Filipenses 3:19 - Emberá Chamí

¹⁹ Maud̶eeba biuduud̶e Dachi Akõreba ãchi joma ichiai. Dachi Akõre ida b̶ubadau, ãchi kakuaba kʉ̃ria b̶uu waud̶ai baita. Mia pera wau panuu ʉ̃rʉbena ãrea berreabadau. Ab̶a nau iujãad̶ebenáturu kʉ̃risiabadau.

Filipenses 3:19 Referans Kwoze

Romanos 16:18

Maarãba Dachi Mechiu Jesucristoba kʉ̃ria b̶uu wau panuuwãe, maumaarã ãchiba kʉ̃ria panuu wau panuu. Ãchi mipitaa berrea panuud̶eeba, chi biꞌia kʉ̃risiad̶awẽa nuree setaa kũruabadau.

2 Pedro 2:3

Chi nejarra kʉ̃ria panuud̶eeba, machi chi nejarra adaud̶ai baita ara ãchi kʉ̃risiad̶eeba setaa jaradead̶ai. Ãrea basii Dachi Akõreba maarã nebʉra ichiai baita b̶uu, maud̶e kãꞌãabariwãed̶e biawãra maarã kastikai.

Colosenses 3:2

Ne bajãad̶ebena kʉ̃risia panásturu, maud̶e nau iujãad̶ebena kʉ̃risia panarã́sturu.

2 Pedro 2:1

Israel puurud̶ebenarã tãed̶e Dachi Akõre baita berreabadaurã setaa jaradeabadaurã basii. Machi tãed̶e bid̶a setaa jaradeabadaurã baraai. Setad̶eeba ãchiba dachi o ãyaa wãbiabarii kʉ̃risia, Dachi Akõre bed̶ea kĩra jaradead̶ai. Dachi Mechiu Jesusba ãchi kariba b̶uad̶a unud̶akau ad̶ai. Maud̶eeba Dachi Akõreba isa kastikai.

2 Corintios 11:15

Maud̶eeba ichi baita bari trajabadaurã bid̶a jipa wau panuu kĩra needuubʉrã machiba kʉ̃risiad̶aabai panuu saka jãka needuu. Maamina ãchi biud̶ai ewarid̶e ãchiba kachirua wauped̶aad̶a kĩra kastikai.

2 Corintios 11:12

Ara mʉʉba waubarii kĩra wau b̶eei. Chi dai kĩra wau panuu abadaurãba maka berreabadau waabenarã audeara nuree a kʉ̃risia panuud̶eeba. Maamina ab̶au bid̶a poyaa jarad̶aabai dai kĩra wau panuu.

2 Pedro 2:13

Dachi Akõreba ãchi ãrea ichiai ara ãchiba wauped̶aad̶a kĩra. Ãchi ko ãrea nuree maud̶e itua do ãrea nuree. Mau ãchi baita kĩrajʉʉbadau. Ẽsabud̶e maud̶e ãsaed̶e maka waubadau. Ãbarã ome ãbua komaa panuud̶e maka waubadau. Maka machi tãed̶e paru jayoa miadaa kĩra nuree.

Gálatas 6:13

Chi mukĩra chi kakua tõoped̶aad̶arãba Moisesba b̶ʉd̶a joma waud̶akau. Maamina maarãba machi mukĩra chi kakua tõobiad̶ai kʉ̃ria panuu, ara ãchi ʉ̃rʉbena biꞌia berread̶ai baita.

Apocalipsis 21:8

Maamina chi mʉ baara wãd̶ai sõ borekea nuree, chi Dachi Akõred̶e ijãad̶akaurã, chi Dachi Akõreba kʉ̃riakau waubadaurã, chi mia beabadaurã, chi dachi kakuaba barikiu kachirua waubadaurã, jaibanarã, chi Dachi Akõre kuenda juaba ne kaped̶aad̶ad̶e ijãabadaurã, maud̶e chi seta id̶aa nuree chob̶ea mar kĩra azufre baara aoko nub̶uud̶e ãrea biꞌiwãe duanad̶ai. Mau chi b̶es ome biui jara b̶uu».

1 Corintios 3:3

Machi wabid̶a nau kakuaba wau kʉ̃ria b̶uu kĩra nibabadau: waabenarãba uru panuu kakua, kachirua kʉ̃risiabadau maud̶e oa kachirua berreabadau. Maka nureed̶eeba ¿nau kakuaba wau kʉ̃ria b̶uu kĩra nureewãeka?

Apocalipsis 22:15

Maamina chi kachirua waubadaurã, jaibanarã, chi dachi kakuaba barikiu kachirua waubadaurã, chi junebena ome kãi paneebadaurã, mia beabadaurã, Dachi Akõre kuenda juaba ne kaped̶aad̶a kʉ̃riabadaurã maud̶e chi setarã joma awara duaneed̶ai.

Judas 1:16

Maarãba ne barikia kakua ãi berreabadau, maud̶e waabenarã ʉ̃rʉbena ne barikia bed̶ea waubadau. Ara ãchiba kʉ̃ria panúturu jʉrʉbadau. Chi aude mechiurã kĩra berreabadau. Waabenarãmaa kũraabadau ãchiba kʉ̃ria panuu adaud̶ai baita.

2 Timoteo 3:4

Ãchi kõpaero ichi kĩramaabarii juad̶e b̶ud̶ai kachirua waumera. Ãrea kʉ̃risiaswãe barikia wau panad̶ai. Jomaurã audeara chi kuitaa ãrea nuree ad̶ai. Dachi Akõre audeara ara ãchíturu kĩrajʉʉ biꞌia kʉ̃ria nuread̶ai.

1 Timoteo 6:5

Mau ẽbẽrarã kʉ̃risia biawãe nuree maud̶e biawãra berrea adua nuree sid̶a barikia oa kachirua berreabadau. Ãchiba kʉ̃risiabadau Dachi Akõred̶e ijãa b̶uud̶eeba chi nejarra adaud̶ai.

2 Tesalonicenses 2:12

Mau ẽbẽrarã chi bed̶ea biawãra ijãawẽa nureerãba kachirua kʉ̃ria waubadaud̶eeba Dachi Akõreba kastikai.

Filipenses 2:21

Jomaurãba ara ãchi biꞌia nuread̶ai jʉrʉbadau, Jesucristoba kʉ̃ria b̶uu jʉrʉd̶ai bad̶amaarã.

1 Corintios 5:6

Ara machi waabenarã audeara biꞌia nuree ad̶aabai panuu. ¿Machiba adua panuka masa ẽesãabibarii b̶aꞌãra b̶uuba harina joma ẽesãabibarii? Ara mau kĩra chi kachirua b̶aꞌãra wauruuba waabenarã ãbarã joma kachiruabiabarii.

1 Corintios 5:2

Maamina machiba wabid̶a kʉ̃risia panuu waabenarã audeara bibuara nuree. ¿Mau ẽbẽraba kachirua waud̶a kakua ãrea kĩra nomaa nuread̶ai panuuwãeka? ¿Mau machid̶ebena ãyaa b̶ud̶ai panuuwãeka?

Apocalipsis 19:20

Chi mura ʉ̃rʉ akʉ b̶uuba ãnimara kachirua maud̶e chi Dachi Akõre baita berreabarii chi biawãrawãe jidausii. Mauba ãnimara kachirua trʉ̃d̶eeba ẽbẽrarãba ne poyaa waud̶akau mechiu waubachii. Mauba ãnimara kachirua seña ida waubiaped̶aad̶a joma setaa kũruabachii. Mau chi ara ichi kĩra juaba ne kaped̶aad̶a ãrea kʉ̃riaped̶aad̶a setaa kũruabachii. Chi mura ʉ̃rʉ akʉ b̶uuba mau ãnimara kachirua maud̶e chi Dachi Akõre baita berreabarii chi biawãrawãe chokae panuu chob̶ea mar kĩra ed̶a azufre aoko nub̶uud̶e jiratasii.

Santiago 4:16

Maamina machiba maka waud̶akau. Maumaarã chi mechiu nuree kʉ̃risia panuud̶eeba jarabadau machiba wau kʉ̃ria panuu poyaa waud̶ai. Biawãra mau kachirua b̶uu.

2 Tesalonicenses 2:8

Maabáeburu chi kachiruad̶ebena ẽbẽra neei. Maamina Dachi Mechiu Jesús kĩrawãrea ted̶echoa neeruud̶e ara berrearuuba mau ẽbẽra beai.

Lucas 18:4

Maamina wãaruucha chi juezba ichiba jara b̶uu ũrii kʉ̃riaka basii. Maamina ãrea id̶ii ida b̶ukaud̶eeba ara ichi du ab̶a jarasii: “Mʉʉba Dachi Akõre maud̶e ẽbẽra wapeakau. Maamina nau wẽra akabichia nee b̶uud̶eeba mʉ sõ kachiruai naed̶e, ichiba id̶i b̶uu waui”».

Lucas 16:19

»Ẽbẽra chi nejarra ãrea barau nii b̶uasii. Mau paru biꞌia ãrea jʉ̃bachii maud̶e kobadau mechiu ewaricha waubachii. Mau ẽbẽra ãrea biꞌia b̶uasii.

Lucas 12:19

Mau maad̶akare biawãra mʉ du ab̶a jaraaruu: mʉʉba pe nub̶ud̶a uru b̶uu año ãrea dauchia jãadua b̶uai. Jãabae ãrea kʉ̃risiaswãe b̶uai. Mʉʉba kʉ̃ria b̶uu ko b̶uai, do b̶uai maud̶e kĩrajʉʉ b̶uai”.

Mateo 25:41

»Maabae mʉ jua sordoare panuurãmaa jarai: “Machi, chi Dachi Akõreba nebʉra barau abadaurã, mʉ jãkaabena ãyaa wã́sturu tʉbʉchia kiikaud̶aa. Mau Dachi Akõreba b̶usii jʉbawãe nii, ichid̶irã baara kastikai baita.

Mateo 16:23

Maamina Jesusba waya ichiaped̶a Pedromaa jarasii: —¡Satanás, mʉ jãkaabena ãyaa wãse! Mʉʉba waui b̶uu bichiba ida kabiwẽe. Bichiba Dachi Akõre kĩra kʉ̃risiawẽa b̶uu. Maumaarã ẽbẽra kĩra kʉ̃risia b̶uu.

Apocalipsis 18:7

Mau puuru ãrea biꞌiwãe paneebísturu maud̶e ãrea kĩra nomaabísturu, ãchi puuru mechiu b̶uu a panuud̶eeba maud̶e ne biꞌia ãrea uru panuu a panuud̶eeba. Mau puurud̶ebena naka kʉ̃risia duanuu. “Mʉ chi reina ãkaud̶e akʉ b̶uu kĩra nii. Mʉ ab̶a pẽdrãa kĩra niiwãe. Mʉ biꞌiwãe b̶uabai”.

Judas 1:4

Maka b̶ʉ b̶uu june ãbarã kĩra nuree machi tãed̶e duanuud̶eeba. Maarã ẽbẽrarãba setaa jaradeabadau Dachi Akõreba ichi sõbiad̶eeba dachi karibakuasiid̶eeba dachi kakuaba kachirua wau kʉ̃ria b̶uu poyaa waud̶ai panuu. Maarãba Dachi Mechiu ab̶a nii Jesucristo ida b̶ubadau. Eskareed̶eed̶e b̶ʉ kub̶uu Dachi Akõreba ãchi kastikai ʉ̃rʉbena.

Romanos 6:21

Maamina kachirua wau panuud̶eeba ¿kãare biꞌia adausid̶ama? ¿Maka wau panad̶a kakua, kĩra nejasia panuuwãeka? Kachirua wau panuu kakua ẽbẽrarã biud̶ai.

2 Tesalonicenses 1:9

Ãchi tʉbʉ aokod̶e ewaricha ãrea biꞌiwãe panabiai. Dachi Mechiu daad̶ebena maud̶e ichi poyaabarii mechiud̶ebena kaitawẽ panad̶ai.

Judas 1:10

Maamina chi maarã ẽbẽrarã machi tãed̶e neeped̶aad̶aba, ãchiba adua panuu ʉ̃rʉbena kachirua berreabadau. Ãnimararãba kʉ̃risiabadau kĩra kʉ̃risiabadau maud̶e chi kakuaba waubi kʉ̃ria b̶uu kĩráburu waubadau. Maud̶eeba Dachi Akõreba kastikakuai.