Filipenses 2:7 - Emberá Chamí

⁷ Maumaarã ichi maka nibad̶a ida b̶usii chibari baita bari trajabarii bai baita. Maabae dachi kĩra nau kakuad̶e b̶eesii.

Filipenses 2:7 Referans Kwoze

2 Corintios 8:9

Machiba ãrea kuitaa panuu Dachi Mechiu Jesucristoba ichi sõbiad̶eeba waud̶a. Ichi bajãad̶e ne joma uru b̶umina, machi baita chi nejarr barauwãe b̶uu kĩra b̶uasii machiba ne joma Dachi Akõreba dea b̶uud̶ebena uru nuread̶amera.

Mateo 20:28

Ara mau kĩra mʉ, chi Ẽbẽra Ba B̶uad̶a neewẽa b̶uu ẽbẽrarã mʉ baita bari trajabadaurã nuread̶amera. Maumaarã nee b̶uu ẽbẽrarã baita bari trajabarii b̶uai baita. Maka mʉ biui ãrea ẽbẽrarã karibai baita.

Juan 1:14

Chi Bed̶ea ẽbẽra kakuad̶e b̶uaped̶a dachi tãed̶e nibabachii. Ichi sõbiad̶eeba dachi ãrea aid̶asii. Ichiba dachimaa arakʉd̶e kuitaabiasii Dachi Akõre biawãra saka nii. Maud̶e daiba ichi joma mechiu nii unusid̶au, Dachi Akõre Warr maka niid̶eeba.

Romanos 8:3

Moisesba b̶ʉd̶aba dachi kachiruad̶ebena poyaa enabiaibasii. Chi nau kakuaba wau kʉ̃ria b̶uud̶eeba nibabadaurãba mau Moisesba b̶ʉd̶a waud̶ai bad̶amaarã kachirua waubadau. Maamina Dachi Akõreba ichi Warr bʉisii dachi chi kachiruarã kĩra b̶uamera. Maud̶e dachiba kachirua wauped̶aad̶a kakua biusii. Maka chi dachi kakua kachirua wauped̶aad̶a Dachi Akõreba kastikasii.

Gálatas 4:4

Maamina Dachi Akõreba jarad̶a ewari neesiid̶e ichi Warr nau iujãad̶aa bʉisii. Mau Warr wẽraba adausii maud̶e Moisesba b̶ʉd̶a waui b̶uasii.

Hebreos 4:15

Jesús dachi Paare Mechiuba kuitaa b̶uu dachi meserãaswãe nuree. Jʉbawãe niiba mau kachiruad̶e b̶aebii chaa b̶uasii dachi kachiruad̶e b̶aebii chaa b̶uabarii kĩra. Makasmina Jesusba kachirua waubasii.

Romanos 15:3

Biawãra Cristo bid̶a ara ichiba kʉ̃ria b̶uu waubasii, maumaarã Dachi Akõre bed̶ead̶e b̶ʉ kub̶uu kĩra makasii. Naka b̶ʉ kub̶uu: «Dachi Akõre, ãchiba bichi ʉ̃rʉbena kachirua jarasid̶aud̶e mʉ ʉ̃rʉbena sid̶a kachirua jarasid̶au».

Hebreos 12:2

Jesusd̶e kʉ̃risiáduru. Mauba karibasii dachiba naed̶e ijãad̶amera maud̶e aid̶abarii ewaricha ijãa panad̶amera. Kʉ̃risiásturu saka ichi cruzd̶e ãrea biꞌiwãe b̶uasii. Mau kakua kĩra nejasia b̶uai bad̶ad̶e kĩra nejasiabasii. Ichiba kuitaasii nau maad̶akare ãrea kĩrajʉʉ b̶uai. Biawãra Dachi Akõre rey ãkau jua biare akʉ b̶uu.

Lucas 22:27

Ẽbẽrarãmaarã, ¿kai chi mechiu nima: chi mesad̶e koi baita akʉ b̶eebarii maebʉrã chi chiko dead̶akabarii? ¿Chi mesad̶e akʉ b̶eebarii chi mechiu niiwãeka? Maamina mʉ chi mechiu nimina nama machi tãed̶e chi chibari baita bari trajabarii kĩra nii.

Romanos 15:8

Mʉʉba jaraaruu: Cristo neesii dai judiorã karibai baita. Dachi Akõreba judiorã nabẽraed̶ebena chi mechiurã ome bed̶ea dead̶a Cristoba wausii. Mauba unubisii ichiba jara b̶uu kĩra wau b̶uabarii.

Filipenses 2:6

Ichi Dachi Akõremina, ara Dachi Akõre kĩra arab̶aud̶e b̶uai kʉ̃risiabasii.

Mateo 12:18

Naka jarasii: Nau mʉʉba jʉrʉ adaud̶a, chi mʉ baita bari trajabariibʉ. Mʉʉba ichi kʉ̃ria b̶uu. Ichi kakua mʉ biawãra kĩrajʉʉ b̶uu. Mʉ Jauri ichimaa deai. Ichiba puuru b̶eecha mʉʉba jipa waui ʉ̃rʉbena jarai.

Hebreos 13:3

Chi jʉ̃a uru panuu kĩrabásturu machi sid̶a maarã ome jʉ̃a panuu kĩra. Ẽbẽrarãba kachirua wau panuud̶eeba ãrea biꞌiwãe nuree kĩrabásturu machi sid̶a maarã ome ãrea biꞌiwãe panuu kĩra.

Romanos 1:3

Mau bed̶ea bia ichi Warr ʉ̃rʉbena jara b̶uu. Ichi Warr Dachi Mechiu Jesucristo nau kakuad̶e Israeld̶ebena rey Davidd̶ebena need̶abʉ. Maud̶e ichi biu b̶uad̶a chokae jiradusiid̶e Dachi Akõre Jauriba unubisii mau Dachi Akõre Warr joma poyaa nii.

Marcos 9:12

Jesusba panausii: —Biawãra Elías naed̶e neei b̶uu ne joma biꞌia b̶ui baita. Maamina ¿sakãe Dachi Akõre bed̶ead̶e b̶ʉ kub̶uu chi Ẽbẽra Ba B̶uad̶a ãrea biꞌiwãe b̶uu maud̶e ẽbẽrarãba ida b̶ud̶aima?

2 Corintios 13:4

Ichi meserãaswãe nii kĩra cruzd̶e jirab̶usid̶amina Dachi Akõre poyaabariid̶eeba chokae nii. Dai sid̶a meserãaswãe panuu ichi meserãaswãe b̶uad̶a kĩra, maamina machimaa unubiad̶ai ichi ome dai Dachi Akõre poyaabariid̶eeba panad̶ai.