Filipenses 2:16 - Emberá Chamí

¹⁶ Chi dachi chokae b̶uabiabarii bed̶ea ʉ̃rʉbena ãchimaa arakʉd̶e kuitaabia panásturu. Maka Cristo neeruud̶e mʉ machi kakua kĩrajʉʉi. Maud̶e mʉʉba kuitaai mʉ bari ara jãka nibaabasii maud̶e bari trajaabasii.

Filipenses 2:16 Referans Kwoze

1 Corintios 9:26

Maud̶eeba ẽbẽra barikia pira wãaruu kĩra mʉʉba waukau. Maud̶e ẽbẽra barikia drʉ b̶uu kĩra drʉkau.

Gálatas 2:2

Mʉ wãsii Dachi Akõreba kuitaabisiid̶eeba araa wãi b̶uu. Ara basiid̶e mʉʉba ãbarã chi mechiurã ómeburu araa imibiaped̶a, jarasii chi bed̶ea bia Cristo ʉ̃rʉbena mʉʉba judiowãerãmaa saka jaradea b̶uu. Maka wausii mʉʉba wau b̶uu ãchiba biꞌia unu panuu kuitaai baita.

1 Juan 1:1

Arab̶aed̶eed̶e chi Chokae Nibabiabarii Bed̶ea abadau b̶uasii, maud̶e wabid̶a b̶uu. Mauba jaradead̶a daiba ũrisid̶au. Mau dai dauba unusid̶au maud̶e juaba wausid̶au. Mauba waud̶a kauwa ichiasid̶au. Mau ʉ̃rʉbena daiba nau kartad̶e b̶ʉmaa panuu.

Juan 6:68

Simón Pedroba panausii: —Dai Mechiu, dai ¿kaimaa wãd̶aima? Ab̶a bichiaburu daimaa jaradeabarii Dachi Akõre ome ewaricha chokae nuread̶amera.

1 Tesalonicenses 3:5

Maud̶eeba mʉʉba waa poyaa dauchia jãadua b̶uawẽed̶eeba Timoteo machimaa bʉisii, wabid̶a Cristod̶e ijãa panuu kuitaai baita. Mʉʉba kʉ̃risia b̶uasii jʉbawãe niiba machimaa Cristo ida b̶ubia b̶uasii. Makad̶a basirã daiba machimaa Cristo ʉ̃rʉbena jaradeaped̶aad̶a bari ara jãka b̶uai basii.

Juan 6:63

Dachi Akõre Jauríburu chokae b̶uabiabarii. Nau kakuaba poyaa maka waukau. Mʉʉba machimaa jaradea b̶uu Dachi Akõre Jauriba dachi chokae b̶uabiabarii ʉ̃rʉbena.

Lucas 12:8

»Mʉʉba nau jaraaruu: Ab̶auba ẽbẽrarã daad̶e mʉʉd̶e ijãa b̶uad̶e aaruud̶e, Dachi Akõre angelerã bajãad̶ebena daad̶e mʉ, chi Ẽbẽra Ba B̶uad̶aba mau mʉʉd̶e ai.

Hebreos 4:12

Biawãra Dachi Akõre bed̶ea chokae nii maud̶e poyaabarii nii. Ichi bed̶ea espada muriacha peed̶ea kĩra b̶uu. Ichi bed̶eaba dachi kʉ̃risia maud̶e dachi sõba wau kʉ̃ria b̶uu joma arakʉd̶e kuitaabiabarii dachi kʉ̃risia, dachi jauri maud̶e dachi sõ id̶u tõoruu kĩra.

1 Pedro 1:23

Nau kakua biui b̶uud̶eeba machi chiwid̶i naweba waya adaud̶aabasii, maumaarã Dachi Akõre biukau niid̶eeba chiwid̶i adausid̶au. Dachi Akõre bed̶ea wãꞌãekauba chokae b̶uai deabarii. Mau bed̶ead̶eeba machi chiwid̶i wãwa kĩra adausid̶au.

1 Tesalonicenses 2:19

Biawãra dai machi kakua kĩrajʉʉ panuu. Mau awara kuitaa panuu Dachi Mechiu Jesucristo neeruud̶e daiba machi jipa panuu ichimaa unubid̶ai. Maud̶e ichi daad̶e machi kakua dai kĩrajʉʉ panad̶ai.

Gálatas 4:11

Maud̶eeba mʉʉba kʉ̃risia b̶uu mʉ bari machimaa jaradeasii.

Apocalipsis 22:17

Dachi Akõre Jauriba maud̶e chi Oeja Kaebe Nii kima abadauba naka jara b̶uu: «¡Uche!» Chi mau kartad̶e b̶ʉ kub̶uu ũriiruu bid̶a jarai b̶uu «¡Uche!» Chi obisia b̶uuba bania chi ewaricha chokae b̶uai deabarii dod̶e neei b̶uu. Mau bania kʉ̃ria b̶uuba bari dod̶e neei b̶uu.

Hechos 13:26

»Machi ãbarã Abrahamd̶ebena neeped̶aad̶arã maud̶e machi judiowãerã Dachi Akõre wapea nuree, Dachi Akõreba dachimaa mau bed̶ea dachi karibai ʉ̃rʉbena bʉisii.

Mateo 10:27

Mʉʉba machimaa pãriud̶e jara b̶uu ʉ̃d̶aad̶e jarásturu. Mʉʉba machi kʉʉrʉmaa jarad̶a de ʉ̃rʉʉba jĩwa jarásturu.

1 Corintios 1:8

Maud̶eeba Dachi Akõreba machi meserãa dea ua b̶uai ab̶a nau ewari wãꞌãeruud̶aa. Maka Dachi Mechiu Jesucristo neeruud̶e machi ʉ̃rʉbena kachirua jarad̶ayuswãe nuread̶ai.

Filipenses 1:6

Mʉʉba nau biawãra kuitaa b̶uu: Dachi Akõreba chi machi sõd̶e traju biꞌia waud̶a biꞌia kãrii ab̶a Jesucristo neeruud̶aa. Maud̶e ichiba machi joma biꞌia ua b̶uai.

Filipenses 1:10

Maka machiba ãrea kuitaad̶ai kãare biꞌia b̶uu maud̶e Cristo neeruud̶e ichi daad̶e kachiruaswãe nuread̶ai maud̶e machi ʉ̃rʉbena kachirua jarad̶ayuswãe nuread̶ai.