Filipenses 2:15 - Emberá Chamí

¹⁵ Maka machi ʉ̃rʉbena kachirua jarad̶ayuswãe nuread̶ai maud̶e jipa nuread̶ai. Ẽbẽrarã ãrea kachirua waubadau tãed̶e panumina kachiruaswãe panásturu. Dachi Akõre warrarãd̶eeba ãchi tãed̶e ʉtarebena pusterrea ted̶echoabadau kĩra nuree.

Filipenses 2:15 Referans Kwoze

1 Pedro 2:12

Dachi Akõred̶e ijãad̶akaurã tãed̶e jipa nibásturu. Maka ãchiba machi kachirua waubadaurã a panumina, machiba biꞌia wau panuu unu panuu. Maabae Dachi Akõre neeruud̶e machi ʉ̃rʉbena ichimaa biꞌia berread̶ai.

Mateo 5:45

Maka wauduubʉrã, machi bajãad̶ebena Akõre Mechiu warrarã panad̶ai. Mauba ʉmada koabibarii jomaurã ʉ̃rʉ; biꞌia nureerã ʉ̃rʉ maud̶e kachirua nureerã ʉ̃rʉ. Maud̶e ichiba kui chebibarii ichi bed̶ead̶e jara b̶uu kĩra waubadaurã ʉ̃rʉ, maud̶e ichi bed̶ead̶e jara b̶uu kĩra waud̶ai kʉ̃riad̶akau ʉ̃rʉ bid̶a.

1 Tesalonicenses 5:23

Mʉʉba kʉ̃ria b̶uu Dachi Akõreba machi jomad̶e ichi baita biꞌia panabiayu. Mauba dachi jirukaraayuwãe panabiabarii. Mʉʉba kʉ̃ria b̶uu Dachi Akõreba machi jauri, machi kʉ̃risia maud̶e machi kakua ãrea biꞌia nu b̶uayu. Maka Dachi Mechiu Jesucristo neeruud̶e machi ab̶a bid̶a kachirua a jarad̶ayuswãe panad̶ai.

2 Pedro 3:14

Ãbarã, machiba joma mau esed̶au panuud̶eeba ne jomad̶e kĩra jipa nibásturu Dachi Akõreba machi biꞌia, kachiruaswãe, ichi ome jirukaraayuwãe panuu unumera.

1 Corintios 1:8

Maud̶eeba Dachi Akõreba machi meserãa dea ua b̶uai ab̶a nau ewari wãꞌãeruud̶aa. Maka Dachi Mechiu Jesucristo neeruud̶e machi ʉ̃rʉbena kachirua jarad̶ayuswãe nuread̶ai.

Tito 2:10

Ãchi jaradea ua b̶uabariid̶e chiruad̶aabai panuu, maumaarã unubid̶ai panuu ãchiba ne joma jipa wau panuu. Maka ẽbẽrarãba kuitaad̶ai Dachi Akõre Karibabarii bed̶ea ãrea biꞌia b̶uu.

1 Pedro 2:9

Maamina machi Dachi Akõreba jʉrʉ adaud̶arãbʉ, joma Dachi Mechiu paarerãbʉ, ichi baita b̶ud̶a ẽbẽrarãbʉ maud̶e ichi puurubʉ. Maka Dachi Akõreba ne ãrea biꞌia waud̶a ʉ̃rʉbena machiba berreabadau. Dachi Akõreba machi pãriud̶ebena iusii ichi ʉ̃d̶aa ãrea biꞌia b̶uud̶e nuread̶amera.

Mateo 5:48

Maud̶eeba jomaurã kʉ̃riakuásturu machi Akõre bajãad̶e b̶uuba jomaurã kʉ̃ria b̶uu kĩra.

1 Timoteo 3:10

Ãbarã aid̶abadaurã b̶ud̶ai naed̶e ãrea kauwa ichiad̶ai panuu. Maabae maarã ʉ̃rʉbena kachirua jarad̶ayuswãe nureebʉrã, ijãabadaurã aid̶abadau panad̶ai panuu.

1 Timoteo 3:2

Maud̶eeba chi ijãabadaurã nubarii nebʉra barau nii ad̶ayuswãe b̶uu, wẽra ab̶aburu uru b̶uai b̶uu, kauwa nibai baita b̶uu, kʉ̃risia biad̶eeba b̶uai b̶uu, kĩra jipa b̶uai b̶uu, ichi ded̶e needuurã biꞌia irsibii b̶uu maud̶e jaradea kuitaa b̶uai b̶uu.

Filipenses 1:10

Maka machiba ãrea kuitaad̶ai kãare biꞌia b̶uu maud̶e Cristo neeruud̶e ichi daad̶e kachiruaswãe nuread̶ai maud̶e machi ʉ̃rʉbena kachirua jarad̶ayuswãe nuread̶ai.

Efesios 5:27

Joma mau wausii dachi ichi baita ãrea biꞌia b̶ui baita, jayoa kachiruaswãe, bibidruaswãe maud̶e barikiu kachiruaswãe. Ichiba kʉ̃ria b̶uasii dachi ichi baita biꞌia nuread̶ai, kachirua jarad̶ai a jaraswãe.

Romanos 16:19

Jomaurãba kuitaa panuu machiba Dachi Akõre bed̶ea biawãra wau panuu. Maud̶eeba mʉ kĩrajʉʉ b̶uu. Biawãra mʉʉba kʉ̃ria b̶uu machiba biꞌia waud̶ai kuitaad̶ai maud̶e kachirua waud̶aabai.

Hechos 2:40

Pedro ãrea berreasii ãchiba ijãad̶amera. Naka jara b̶uasii: —¡Dachi Mechiuba chi id̶ibaebena ẽbẽrarã kachirua waubadaud̶ebena ãyaa wã́sturu!

Mateo 10:16

»Mʉʉba machi ẽbẽra kachirua tãed̶e bʉikaaruu. Ãchiba machi kachirua waud̶ai usa kachiruaba oejarã orrabarii kĩra. Maud̶eeba ãchi tãed̶e panuud̶e dama kĩra kʉ̃risia kauwa nibásturu, maamina paloma kĩra ʉmʉmʉrʉa nibásturu.

Hebreos 7:26

Dachi Paare Mechiu Jesusba ne jomad̶e dachi poyaa aid̶ai. Kachirua waukau, ne jomad̶e jipa nii. Dachi Akõreba mau biꞌia unu b̶uu. Kachirua waubadaurã tãed̶ebena awara b̶uped̶a bajãad̶e chi mechiu b̶usii.

Tito 2:15

Joma mau jaradea b̶uase. Aid̶ase ãbarãba mau bed̶ea waud̶amera. Biꞌiwãe wau nuree iadaase, Dachi Akõreba bichi b̶usiid̶eeba maka waumera. Ãbarãmaa bichi ida makabiarã́se.

Tito 1:6

Ijãabadaurã nubarii ʉ̃rʉbena nebʉra barau nii ad̶ayuswãe b̶uu. Wẽra ab̶aburu uru b̶uai b̶uu. Chi warrarãba Cristod̶e ijãa panad̶ai panuu maud̶e jipa nibad̶ai panuu. Maka ẽbẽrarãba jarad̶aabai kachirua wau panuu maebʉrã ũribabaswãe nuree.

1 Timoteo 5:20

Maamina ijãabadaurã nubariiba kachirua wau b̶uubʉrã, jomaurã daad̶e iadaase waabenarãba wapeaba mau kachirua waurãad̶amera.

Hechos 20:30

Ara machid̶ebenarã bid̶a setaa jaradead̶ai Jesusd̶e ijãabadaurã ãyaa wãd̶amera.

Juan 5:35

Juan ʉ̃d̶aa koabarii kĩra nibasii. Machi ichi ʉ̃d̶aad̶e kĩrajʉʉ panasid̶au ichi machi baara ãrea b̶uabasmina.

Lucas 6:35

»Maud̶eeba machi chi kĩramaabadaurã kʉ̃riásturu. Maarã biꞌia wáusturu. Maarãmaa ne kaebea deásturu. Maamina deaduud̶e maarãd̶e adaud̶ai kʉ̃risiarã́sturu. Makaburu machiba Dachi Akõred̶ebena adaud̶ai panuu ãrea mechia b̶uai maud̶e unubid̶ai biawãra machi Dachi Akõre chi mechiu nii warrarã panuu. Kachirua waubadaurã maud̶e ichimaa biꞌia b̶uu ad̶akaurã, ichiba ichi sõbiad̶eeba karibabarii.

Mateo 17:17

Jesusba jarasii: —¡Machiba Dachi Akõred̶e ijãad̶akau! ¡Machi chi kachirua nuree! Machiba ijãad̶amera ¿sakaed̶aa mʉ dauchia jãadua b̶uaima? Warr namaa enésturu.

Apocalipsis 3:9

¡Ũrísturu! Machi jʉ̃rʉ kaita mʉʉba Satanasd̶e ẽbẽrarã õdarrd̶e kopaneebiai. Maarãba Dachi Akõred̶erã abadamina, makawãema. Maarã chi seta nuree. Mʉʉba maarãmaa kuitaabiai mʉʉba machi kʉ̃ria ua b̶uu.

1 Timoteo 5:14

Maud̶eeba mʉʉba kʉ̃ria b̶uu pẽdrãa wabid̶a chõodraawãe nuree miakãid̶ai, warr adaud̶ai, maud̶e ãchi de sid̶a biꞌia nud̶ai. Maka dachi kĩramaabadauba poyaa kachirua berread̶aabai.

1 Timoteo 5:7

Joma chi ãbarãmaa mau waubiáse pẽdrãarã ʉ̃rʉbena kachirua jarad̶awẽa panad̶amera.

2 Corintios 6:17

Maud̶eeba Dachi Mechiuba naka jarasii: «Maarãd̶ebena ãyaa wã́sturu. Maarã ome araa ãbua panarã́sturu. Mʉʉba chi biꞌia unukau ida b̶ústuru. Maabae mʉʉba machi biꞌia irsibii.

Lucas 1:6

Ãchi omea Dachi Akõre daad̶e jipa panasid̶au. Dachi Mechiuba waubii jarad̶a joma wau panuud̶eeba kachirua jarad̶ayuswãe panasid̶au.

Filipenses 3:6

Mau judiorã ley ãrea waubachiid̶eeba Cristod̶e ijãa nuree wãraabachii kachirua waui baita. Mau judiorã ley ãrea waubachiid̶eeba ab̶au bid̶a mʉ ʉ̃rʉbena kachirua jarad̶ayuswãe nii.

Apocalipsis 2:5

Maud̶eeba kĩrabásturu machiba naed̶e kʉ̃ria uru panad̶a. Waya Dachi Akõremaa nésturu. Chi bia wáusturu naed̶e waubachid̶au kĩra. Dachi Akõremaa need̶awẽebʉrã, mʉʉba machi kastikad̶e wãi. Maud̶e machi lámpara ãyaa b̶ui.