Filipenses 2:14 - Emberá Chamí

¹⁴ Waabenarã ʉ̃rʉbena kachirua berread̶awẽa maud̶e oa kachirua berread̶awẽa joma wáusturu.

Filipenses 2:14 Referans Kwoze

1 Pedro 4:9

Chi machi ded̶e needuurã kachirua kʉ̃risiad̶awẽa biꞌia irsibísturu.

1 Corintios 10:10

Kĩrajʉʉwẽa panuud̶eeba Dachi Akõre ʉ̃rʉbena kachirua berrearã́sturu waabenarã chi nureeba wauped̶aad̶a kĩra. Maud̶eeba chi ángel dachi kinibibariiba ãchi ãrea kinibiasii.

Filipenses 2:3

Waabenarã audeara biꞌia nuree kʉ̃risia panuud̶eeba ne ab̶a bid̶a waurã́sturu. Maud̶e waurã́sturu machi báitaburu biꞌia nuread̶ai baita. Maumaarã kʉ̃risiásturu waabenarã machi audeara biꞌia nuree.

Santiago 5:9

Ãbarã, waabena ʉ̃rʉbena kachirua jararã́sturu, Jesucristoba machi ichiarãamera. Jesucristo dachi nebʉra ichiabarii kãꞌãabariwãed̶e neei.

Romanos 12:18

Machiba jʉrʉ́sturu jomaurã ome jirukaraayuwãe panad̶ai baita.

1 Tesalonicenses 5:15

¡Ũrísturu! Ab̶auba machi kachirua wauruubʉrã mau arab̶au kachirua waurã́sturu. Mau kãyabãra ewaricha machi chiya biꞌia wáusturu. Jomaurã ome biꞌia wáusturu.

Santiago 1:20

Dachi kĩruuduud̶e Dachi Akõreba jipa waubi b̶uu waud̶akau.

Gálatas 5:26

Waabenarã audeara biꞌia nuree kʉ̃risiad̶aabai panuu, oa kachirua berrea duanad̶aabai panuu maud̶e ab̶auba uru b̶uu kakua kachirua kʉ̃risiad̶aabai panuu.

Gálatas 5:15

Kauwa panásturu. Oa kachirua berrea duaneeduubʉrã, chĩo duaneeduubʉrã, ara machi du ab̶a joma baribad̶ai.

Santiago 3:14

Maamina ab̶auba chi uru b̶uu kakua maebʉrã chi wau b̶uu kakua jiwaa duanuubʉrã, maud̶e waabenarã aude biꞌia nuread̶ai baita jʉrʉduubʉrã, jararã́sturu machi ne kuitaa nuree. Maka jaraaduubʉrã, chi biawãra bed̶ea ida b̶u panuu.

Romanos 14:1

Ab̶a ãbaba dachiba Jesucristod̶e ijãa panuu ʉ̃rʉbena wabid̶a ãrea kuitaawẽa b̶uubʉrã, ichi biꞌia irsibísturu. Maamina ichiba adua b̶uu ʉ̃rʉbena ichi ome oa kachirua berrearã́sturu.

Judas 1:16

Maarãba ne barikia kakua ãi berreabadau, maud̶e waabenarã ʉ̃rʉbena ne barikia bed̶ea waubadau. Ara ãchiba kʉ̃ria panúturu jʉrʉbadau. Chi aude mechiurã kĩra berreabadau. Waabenarãmaa kũraabadau ãchiba kʉ̃ria panuu adaud̶ai baita.

1 Pedro 3:11

Jãuba ne joma kachirua ida b̶uped̶a biꞌia wau b̶uai b̶uu. Waabenarã ome jirukaraayuwãe b̶uai baita jʉrʉped̶a maka b̶uai b̶uu.

Hebreos 12:14

Jomaurã ome jirukaraayuwãe nureásturu. Maud̶e Dachi Mechiu baita biꞌia panásturu. Dachi Mechiu baita biꞌia nureewãed̶eeba ichi poyaa unud̶aabai.

Romanos 16:17

Ãbarã, mʉʉba machimaa chi chuburia id̶iiruu kauwa nuread̶amera. Waabenarãba ãbarãmaa aꞌawaraa kʉ̃risiabiabadau. Chi machiba biawãra bed̶ea kuitaaped̶aad̶a ãchiba ãyaa jaradeabadau. Mau ẽbẽrarã ome ãbua panarã́sturu.

Hechos 15:2

Maud̶eeba Pablo maud̶e Bernabeba ãchi ome ãrea kĩru berreasid̶au. Ãbarãba Pablo, Bernabé maud̶e chi nuree ijãabadaurã Jerusalend̶aa bʉisid̶au mau ʉ̃rʉbena ãbua berread̶amera chi Jesusba bʉid̶arã ome maud̶e ijãabadaurã nubadaurã ome.

Hechos 6:1

Mau ewarid̶e chi Jesusd̶e ijãabadaurã maucha aude baraasii. Maud̶e chi griego bed̶ead̶e berreabadaurã judiorãba chi hebreo bed̶ead̶e berreabadaurã kachirua jara kopaneesid̶au. Jarasid̶au ãbarãba pẽdrãarã ewaricha aid̶aaduud̶e ãchi pẽdrãarã aid̶ad̶akau.

1 Tesalonicenses 5:13

Ãchi ʉ̃rʉbena biꞌia kʉ̃risiásturu. Maarãba wau panuu kakua ãrea kʉ̃riásturu. Jomaurã ome biꞌia duanásturu.

2 Corintios 12:20

Mʉʉba wapea b̶uu machimaa wãped̶a machi unuubai mʉʉba unu kʉ̃ria b̶uu kĩra. ¡Maud̶e machiba mʉ unud̶aabai machiba kʉ̃ria panuu kĩra, machi iadaaid̶eeba! Biawãra mʉʉba wapea b̶uu unud̶e wãi machi oa kachirua berrea panuu, waabenarãba ne uru panuu kakua kĩra kachirua panuu, kĩru panuu, ara machi biꞌia panad̶ai baita jʉrʉ panuu, waabenarã ʉ̃rʉbena oa kachirua berrea panuu, waabenarã ʉ̃rʉbena setaa jara panuu, chi aude mechiu nii kʉ̃risia panuu, maud̶e kĩrubika bara b̶uu.

Hechos 15:39

Pablo Bernabé ome mau kakua kĩru kopanuuba berread̶aped̶a ãchi o kawa wãsid̶au. Bernabeba Marcos jʉrʉped̶a jãbad̶e Chipre druad̶aa adoesii.

Hechos 15:7

Berrea duanuu ãrea bad̶akare Pedro jiraduped̶a jarasii: —Ãbarã, machiba kuitaa panuu machid̶ebena Dachi Akõreba mʉ naed̶e jʉrʉ adausii judiowãerãba chi bed̶ea bia Jesús ʉ̃rʉbena ũrid̶aped̶a ijãad̶amera.

Marcos 14:5

Nedobʉid̶a basirã chi nejarra ãrea adaud̶ai basii. Mauba chi nejarr barauwãe nuree aid̶ad̶ai basii. Maud̶eeba mau wẽra iadaasid̶au.

Mateo 20:11

Maud̶eeba uva uu nub̶uu chibari ʉ̃rʉbena kachirua berrea duaneesid̶au.

Marcos 9:14

Jesús, Pedro, Santiago maud̶e Juan waabenarã Jesús baara nibabadaurã panuumaa neesid̶au. Maud̶e unusid̶au ãrea ẽbẽrarã ãchimaa pĩchuka imi nub̶uu. Chi nuree Moisesba b̶ʉd̶a jaradeabadaurã ãchi ome kĩru berrea duanasid̶au.

Lucas 5:30

Mau unusid̶aud̶e Moisesba b̶ʉd̶a jaradeabadaurãba maud̶e fariseorã Jesús baara nibabadaurãmaa naka kachirua jarasid̶au: —¿Sakãe chi nejarra pebadaurã baara maud̶e waabenarã kachirua waubadaurã baara ãbua komaa panuma?