Filipenses 2:12 - Emberá Chamí

¹² Maka mʉ ãbarã chi kʉ̃ria, mʉ machi ome b̶uasiid̶eeba Dachi Akõre bed̶ea jara b̶uu kĩra wau panuu. Jãabae mʉ machi ome b̶uuwãemina Dachi Akõre ãrea wapea panuud̶eeba wau panásturu ichiba machi karibasiid̶eeba.

Filipenses 2:12 Referans Kwoze

1 Corintios 15:58

Maud̶eeba ãbarã mʉa kʉ̃riakuabarii, ãrea ijãa panásturu. Dachi Mechiuba kʉ̃ria b̶uu ãrea wau kãribad̶eásturu. Machiba kuitaa panuu Dachi Mechiu baita wau panuu, machiba bari wau panuuwãe.

Hebreos 4:11

Maud̶eeba dachiba aude jʉrʉd̶ai panuu Dachi Akõreba kʉrrjĩrubiaimaa wãd̶ai baita. Makarã ab̶a bid̶a b̶aebai chi nabẽrarã ijãaped̶aad̶a b̶aeped̶aad̶a kĩra.

1 Pedro 2:11

Mʉ ãbarã, nau iujãad̶e machi ãibena druad̶ebenarãb̶u. Maud̶eeba mʉʉba machimaa chi chuburia id̶iiruu nau kakuaba kachirua wau kʉ̃ria b̶uu ida b̶ud̶amera. Mau ara dachi ome chĩo b̶uu.

Mateo 11:29

Mʉʉmaa ida adoebísturu. Mʉʉba ne jara b̶uu ũrísturu. Mʉ joma dauchia jãadua b̶uabarii maud̶e mʉ sõd̶eeba waabenarã audeara kuitaa b̶uu a kʉ̃risiakau. Mʉʉmaa needuubʉrã machi biawãra kʉrrjĩrubiai.

Filipenses 1:27

Jipa nibásturu chi bed̶ea bia Cristo ʉ̃rʉbena jara b̶uu kĩra. Makarã mʉʉba machi ichiad̶e wãaruubʉrã, maebʉrã machi ome b̶uuwãed̶e machi ʉ̃rʉbena ũriiruubʉrã, kuitaai machiba arab̶au kʉ̃risiad̶eeba ãbua ãrea ijãa panuu maud̶e ãbua ãrea traja panuu mau bed̶ea bia kuitaabid̶ai baita.

2 Pedro 3:18

Jesucristo Dachi Mechiu maud̶e Dachi Karibabarii ʉ̃rʉbena biꞌia kuitaa kãribásturu. Ichi sõbiad̶eeba warísturu. Id̶i maud̶e ewaricha ichimaa biꞌia berread̶ai panuu. Biꞌia b̶uu maka b̶uai.

Hebreos 5:9

Ne jomad̶e biꞌia wausiid̶eeba, joma chi ũribaba ũriiduu poyaa karibai b̶uu ewaricha chokae nuread̶amera.

2 Timoteo 2:10

Mau baita mʉʉba joma jãadua b̶uu Dachi Akõreba jʉrʉ adaud̶a ẽbẽrarã karibai baita. Maka Dachi Akõreba ãchi sid̶a Jesucristod̶eeba aid̶ai ewaricha ichi biad̶ebena uru panad̶amera.

Hebreos 4:1

Dachi Akõreba biawãra jara b̶uu dachi wabid̶a ichiba kʉrrjĩrubiaimaa poyaa wãd̶ai panuu. Maamina kauwa panásturu. Makawãebʉrã machid̶ebena ab̶a bid̶a aria wãabai.

Hebreos 12:1

Mau ẽbẽrarã ãreaba Dachi Akõred̶e maka biawãra ijãasid̶aud̶eeba, dachia bid̶a ara mau kĩra ijãa panad̶ai panuu. Chi dachimaa ida ijãabiakau maud̶e ara dachiba kachirua waubadauba dachi b̶ʉra uru b̶uabarii ãyaa b̶ud̶aped̶a, maabae joma dauchia jãadua panuud̶eeba wã́duru chi need̶ai panuumaa bad̶ai baita.

Filipenses 4:1

Maud̶eeba mʉ ãbarã, mʉʉba jarad̶a kĩra Dachi Mechiud̶e ãrea ijãa panásturu. Mʉʉba machi ãrea kʉ̃ria b̶uu maud̶e unu kʉ̃ria b̶uu. Machi kakua, mʉ ãrea kĩrajʉʉ b̶uu. Machi mʉ kĩrajʉʉbibadaubʉ.

Romanos 2:7

Chi nureerãba biꞌia wau panuu Dachi Akõreba maarã biꞌia unumera, biꞌia jaramera maud̶e ewaricha ãchi ome chokae b̶uamera. Maarã biawãra chokae panabiai.

1 Tesalonicenses 1:3

Daiba Dachi Akõre daad̶e ewaricha kĩraba panuu machiba Dachi Akõred̶e ijãa panuud̶eeba biꞌia wau panuu, kʉ̃riad̶eeba waabenarã kariba panuu maud̶e Dachi Mechiu Jesucristoba machi karibai ida b̶ud̶awẽa esed̶au panuu.

Filipenses 1:29

Ichi biad̶eeba machi iubasii ab̶aburu Cristod̶e ijãa panad̶amera, maumaarã iusii Cristo kakua ãrea biꞌiwãe panad̶amera.

2 Corintios 7:15

Titoba kĩraba b̶uabarii machiba ichi bed̶ea ijãaped̶aad̶a maud̶e wapea panuud̶eeba ichi biꞌia irsibisid̶au. Maud̶eeba machi ãrea kʉ̃ria b̶uu.

1 Corintios 2:3

Maud̶e mʉ meserãaswãe b̶uu kʉ̃risiasii. Maud̶e poyaa biꞌia jaradeawẽe kʉ̃risia b̶uasiid̶eeba wapeaba chi kakua uri b̶uabachii.

Efesios 6:5

Chibari baita bari trajabadaurã, machi chi nau iujãad̶ebena chibari wapea panuud̶eeba, ichiba jaraaruu machi sõd̶eeba joma wáusturu Cristo bed̶ea ijãa panuu kĩra.

Mateo 11:12

Juan chi Boro Eabariiba jaradead̶ad̶eed̶ebena id̶iid̶aa Bajãad̶e B̶uuba ichid̶irã ichi juad̶e ua b̶uu, maarã ãrea biꞌiwãe panuu. Ẽbẽrarã kachiruarãba ãchi kachirua ãrea wau kʉ̃ria panuu.

Filipenses 1:5

machiba ichi bed̶ea ijãaped̶aad̶ad̶eed̶ebena mʉ aid̶a panuud̶eeba, chi bed̶ea bia Cristo ʉ̃rʉbena jaradeai baita.

Hechos 9:6

Jiraduped̶a Damasco puurud̶aa wãse. Jamaria ab̶auba jarai bichiba kãare waui b̶uu.

Filipenses 2:19

Dachi Mechiu Jesusba kʉ̃riaruubʉrã mʉʉba Timoteo isa machimaa wãbii. Maka ichi waya mʉʉmaa neeruud̶e mʉ sid̶a kĩrajʉʉ b̶uai machi saka panuu kuitaai b̶uud̶eeba.

1 Corintios 4:14

Mʉʉba mau b̶ʉ kub̶uwẽe machi kĩrakayabiai baita. Maumaarã mʉ warrarã kĩra machi kʉ̃ria b̶uud̶eeba maka b̶ʉ kub̶uu jipa kʉ̃risiabiai baita.

Filipenses 4:15

Ãbarã Filipod̶ebenarã, machiba kuitaa panuu chi bed̶ea bia Cristo ʉ̃rʉbena arab̶aed̶eed̶e ijãasid̶aud̶e, mʉ Macedonia druad̶ebena wãsiid̶e waabenarã ãbarã puurud̶ebenarãba mʉ baita ne urubʉid̶aabasii. Machiaburu mʉ baita makasid̶au.

Hechos 16:29

Maabae chi jʉ̃a b̶ee nubariiba ʉ̃d̶aa koabarii adoebiped̶a Pablo maud̶e Silas panuumaa isa ed̶aa wãsii. Wapeaba uri kub̶uuba ãchi jʉ̃rʉ kaita õdarrd̶eeba kob̶eesii.

Filipenses 1:6

Mʉʉba nau biawãra kuitaa b̶uu: Dachi Akõreba chi machi sõd̶e traju biꞌia waud̶a biꞌia kãrii ab̶a Jesucristo neeruud̶aa. Maud̶e ichiba machi joma biꞌia ua b̶uai.