Filipenses 1:6 - Emberá Chamí

⁶ Mʉʉba nau biawãra kuitaa b̶uu: Dachi Akõreba chi machi sõd̶e traju biꞌia waud̶a biꞌia kãrii ab̶a Jesucristo neeruud̶aa. Maud̶e ichiba machi joma biꞌia ua b̶uai.

Filipenses 1:6 Referans Kwoze

Filipenses 2:13

Ichiba machi aid̶a b̶uu ichiba kʉ̃ria b̶uu wau panad̶amera maud̶e maka wau kʉ̃ria panad̶amera.

Efesios 4:12

Ichiba maka b̶usii ẽbẽrarã Dachi Akõred̶erã aid̶ad̶amera, ãchia bid̶a Dachi Akõre baita poyaa biꞌia waud̶amera. Maka joma Cristo ẽbẽrarã ichi kakua abadau chaarea warimaa panuu,

1 Pedro 5:10

Machi ewari b̶aꞌãra biꞌiwãe panaped̶aad̶akare Dachi Akõreba ne jomad̶e biꞌia b̶ui. Ichiba machi aid̶ai biꞌia ijãad̶amera, joma jãaduad̶amera maud̶e chaarea nuread̶amera. Dachi Akõreba ichi sõbiad̶eeba ne jomad̶e aid̶abarii. Ichiba machi Jesucristod̶eeba iusii ichi ome ewaricha chi mechiu nuread̶amera.

1 Corintios 1:8

Maud̶eeba Dachi Akõreba machi meserãa dea ua b̶uai ab̶a nau ewari wãꞌãeruud̶aa. Maka Dachi Mechiu Jesucristo neeruud̶e machi ʉ̃rʉbena kachirua jarad̶ayuswãe nuread̶ai.

2 Tesalonicenses 1:11

Maud̶eeba daiba ewaricha Dachi Akõremaa ʉtaa id̶ibadau ichiba machi biꞌia unumera. Ichiba machi mau kakua iusii. Daiba ʉtaa id̶i panuu Dachi Akõreba ichi poyaabariid̶eeba machi ne jomad̶e aid̶amera. Maka ichid̶e ijãa panuud̶eeba biꞌia wau kʉ̃ria panuu joma waud̶ai.

Hebreos 10:35

Maud̶eeba machiba Dachi Akõred̶e ijãa panuu ida b̶urã́sturu. Ijãa panuubʉrã, Dachi Akõreba bajãad̶e ne bia mechiu deai.

Juan 6:29

Dachi Akõreba waubi b̶uu traju naubʉ: mʉ, chi ichiba bʉid̶ad̶e ijãad̶ai panuu.

Filipenses 1:10

Maka machiba ãrea kuitaad̶ai kãare biꞌia b̶uu maud̶e Cristo neeruud̶e ichi daad̶e kachiruaswãe nuread̶ai maud̶e machi ʉ̃rʉbena kachirua jarad̶ayuswãe nuread̶ai.

Hebreos 12:2

Jesusd̶e kʉ̃risiáduru. Mauba karibasii dachiba naed̶e ijãad̶amera maud̶e aid̶abarii ewaricha ijãa panad̶amera. Kʉ̃risiásturu saka ichi cruzd̶e ãrea biꞌiwãe b̶uasii. Mau kakua kĩra nejasia b̶uai bad̶ad̶e kĩra nejasiabasii. Ichiba kuitaasii nau maad̶akare ãrea kĩrajʉʉ b̶uai. Biawãra Dachi Akõre rey ãkau jua biare akʉ b̶uu.

1 Tesalonicenses 1:3

Daiba Dachi Akõre daad̶e ewaricha kĩraba panuu machiba Dachi Akõred̶e ijãa panuud̶eeba biꞌia wau panuu, kʉ̃riad̶eeba waabenarã kariba panuu maud̶e Dachi Mechiu Jesucristoba machi karibai ida b̶ud̶awẽa esed̶au panuu.

Filemón 1:21

Mʉʉba maka b̶ʉʉruu kuitaa b̶uud̶eeba bichiba mʉ bed̶ea ijãai. Kuitaa b̶uu mʉʉba jara b̶uu bichiba aude biꞌia waui.

Filipenses 1:29

Ichi biad̶eeba machi iubasii ab̶aburu Cristod̶e ijãa panad̶amera, maumaarã iusii Cristo kakua ãrea biꞌiwãe panad̶amera.

2 Tesalonicenses 3:4

Dachi Mechiud̶eeba kuitaa panuu daiba jaradeaped̶aad̶a machiba biawãra wau panuu maud̶e waa wau paneed̶ai.

Colosenses 2:12

Dachi Akõreba ichi poyaabariid̶eeba Cristo chi biud̶ad̶ebena chokae jiradubisii. Machiba Dachi Akõre maka poyaabarii nii ijãasid̶aud̶eeba boro easid̶aud̶e unubisid̶au Cristo ome jau b̶uped̶aad̶a maud̶e Dachi Akõreba machi Cristo ome chokae jiradubid̶a.

2 Corintios 7:16

Jãabae mʉ sid̶a kĩrajʉʉ b̶uu. Mʉʉba kuitaa b̶uu machiba biawãra jipa wau panad̶ai.

Hechos 11:18

Jerusalend̶ebena ãbarãba mau ũrisid̶aud̶e waa kachirua jarad̶aabasii, maumaarã Dachi Akõremaa naka biꞌia berreasid̶au: —¡Biawãra Dachi Akõreba judiowãerã karibasii ãchi kachirua ida b̶ud̶aped̶a ichimaa need̶amera! ¡Maka ewaricha ichi baara chokae panad̶ai!

Hechos 16:14

Mau wẽrarãd̶ebena ab̶a Lidia abachid̶au. Mau Tiatira puurud̶ebena basii. Paru pupuchia b̶ee nedobʉibachii. Mau judiowãe wẽraba Dachi Akõre wapeadee b̶uasii. Dachi Mechiuba ichi sõ wausiid̶eeba Pabloba berrea b̶uu Lidiaba kauwa ũriped̶a ijãasii.

Gálatas 5:10

Maamina Dachi Mechiu Jesucristod̶eeba mʉʉba kuitaa b̶uu machiba mʉʉba jara b̶uu awara kʉ̃risiad̶aabai. Barikiuba machi maka waa joe b̶eeruubʉrã Dachi Akõreba kastikai.

2 Pedro 3:10

Dachi Mechiuba kastikai ewari bai nechiru neebarii kĩra. Mau ewarid̶e kachirua ãrea ʉrʉrʉaped̶a bajãa wãꞌãebii. Ne joma dachiba bajãad̶e unubadau baawãi. Maud̶e nau iujãa maud̶e ne joma nau iujãad̶e nuree baawãi.

2 Corintios 9:4

Maka waud̶awẽebʉrã, chi nuree Macedoniad̶ebena ãbarã mʉ baara machimaa wãaduud̶e machiba chi nejarra ped̶awẽa panuu unud̶ai basii. Maud̶eeba dai kĩra nejasiad̶ai, kʉ̃risia panuud̶eeba machiba biawãra ped̶ai bad̶a. Maud̶e machi sid̶a ãrea kĩra nejasiad̶ai.

2 Corintios 2:3

Maud̶eeba machi ichiad̶e wãi bad̶amaarã karta urubʉisii. Maka mʉ wãaruud̶e machiba mʉ kĩra nomaabid̶aabai. Machiba mʉ kĩrajʉʉbid̶ai panuu. Mʉʉba kuitaa b̶uu machiba maka waud̶aid̶eeba mʉ ome ãbua kĩrajʉʉ panad̶ai.

2 Corintios 1:15

Machi biawãra kĩrajʉʉd̶ai mʉ kakua mʉʉba kʉ̃risia b̶uud̶eeba, naa mʉʉba kʉ̃risia b̶uasii b̶es ome machi ichiad̶e wãi ãrea aid̶ai baita.

Filipenses 2:12

Maka mʉ ãbarã chi kʉ̃ria, mʉ machi ome b̶uasiid̶eeba Dachi Akõre bed̶ea jara b̶uu kĩra wau panuu. Jãabae mʉ machi ome b̶uuwãemina Dachi Akõre ãrea wapea panuud̶eeba wau panásturu ichiba machi karibasiid̶eeba.

Filipenses 2:16

Chi dachi chokae b̶uabiabarii bed̶ea ʉ̃rʉbena ãchimaa arakʉd̶e kuitaabia panásturu. Maka Cristo neeruud̶e mʉ machi kakua kĩrajʉʉi. Maud̶e mʉʉba kuitaai mʉ bari ara jãka nibaabasii maud̶e bari trajaabasii.