Filipenses 1:30 - Emberá Chamí

³⁰ Machiba unusid̶au mʉ ãrea biꞌiwãe b̶uud̶e dauchia jãadua b̶uad̶a maud̶e jãabae ũri panuu wabid̶a dauchia jãadua b̶uu. Ara mau kĩra machi sid̶a ãrea dauchia jãadua panuu.

Filipenses 1:30 Referans Kwoze

1 Tesalonicenses 2:2

Kuitaa panuu machimaa wãd̶ai naed̶e Filipod̶ebenarãba dai kachirua jarasid̶au maud̶e kachirua wausid̶au. Mau awara machimaa neesid̶aud̶e ãreaba kʉ̃riad̶aabasii daiba jaradea panuu. Maamina Dachi Akõreba dachi sõbiabiasii ichi bed̶ea bia machimaa wapeawẽa jaradead̶amera.

2 Timoteo 4:7

Mʉʉba Dachi Akõre baita waui b̶uad̶a joma wausii, pirabarii chi neei b̶uumaa neebarii kĩra. Joma jipa wausii biꞌia chĩod̶a kĩra. Mʉʉba Cristo ida b̶uwẽa b̶uu.

Hebreos 12:4

Machi kachirua ome chĩo panumina wabid̶a machi bead̶awẽa panuu Jesús beaped̶aad̶a kĩra.

Juan 16:33

Joma mau mʉʉba machimaa jarasii mʉʉd̶eeba jirukaraayuwãe nuread̶amera. Nau iujãad̶e ãrea biꞌiwãe nuread̶ai, maamina wapearã́sturu: nau iujãad̶ebena kachiruarã mʉʉba poyaasii.

Apocalipsis 12:11

Dachi ãbarãba Oeja Kaebe Nii oa ched̶aba maud̶e ichi bed̶ea jara panuud̶eeba poyaasid̶au. Dachi biud̶ai panuu ʉ̃rʉbena wapead̶aabasii, bari Cristo kakua biud̶ayua panasii.

1 Timoteo 6:12

Cristod̶e ne joma ijãa b̶uase biꞌia chĩobarii kĩra. Maka bichi ewaricha Dachi Akõre ome chokae b̶uai. Ãrea panuurã daad̶e, bichiba Cristod̶e ijãa b̶uu jarasiid̶e Dachi Akõreba bichi iusii mau chokae b̶uai uru b̶uamera.

Colosenses 1:29

Mau baita mʉ kʉrrjĩruwẽa traja b̶uu Cristoba ichi poyaabarii ãrea dea b̶uud̶eeba.

Filipenses 1:13

Romad̶ebena jaradea ua b̶uabarii de nubadau kokoroarãba maud̶e waabenarãba kuitaa panuu mʉ Cristo kakua jʉ̃a b̶uu.

Colosenses 2:1

Mʉʉba kʉ̃ria b̶uu machiba nau kuitaad̶ai: mʉ dauchia jãadua ãrea traja b̶uu machi Colosad̶ebenarã, ãbarã Laodicea puurud̶ebenarã maud̶e joma ãbarã mʉ unud̶akau aid̶ai baita.

Hebreos 12:1

Mau ẽbẽrarã ãreaba Dachi Akõred̶e maka biawãra ijãasid̶aud̶eeba, dachia bid̶a ara mau kĩra ijãa panad̶ai panuu. Chi dachimaa ida ijãabiakau maud̶e ara dachiba kachirua waubadauba dachi b̶ʉra uru b̶uabarii ãyaa b̶ud̶aped̶a, maabae joma dauchia jãadua panuud̶eeba wã́duru chi need̶ai panuumaa bad̶ai baita.