Filipenses 1:25 - Emberá Chamí

²⁵ Maud̶eeba kuitaa b̶uu machi aid̶ai baita mʉ wabid̶a chokae b̶uai maud̶e waya machi ome ãbua b̶uai. Maka machiba Cristod̶e biꞌia ijãa panuud̶eeba kĩrajʉʉ panad̶ai.

Filipenses 1:25 Referans Kwoze

Filipenses 2:24

Maamina kʉ̃risia b̶uu Dachi Mechiuba mʉ aid̶ai, kãꞌãabariwãed̶e mʉ sid̶a machimaa wãmera.

2 Corintios 1:24

Daiba jara panuu kĩra waubiad̶aabai machiba Cristod̶e ãrea ijãa panuud̶eeba. Bari machi aid̶a kʉ̃ria panuu kĩrajʉʉ panad̶amera.

Romanos 15:13

Joma chi bia dachiba esed̶au panuu Dachi Akõreba deai. Machiba ichid̶e ijãa panuud̶eeba mʉʉba kʉ̃ria b̶uu ichiba machi ãrea kĩrajʉʉbiai maud̶e jirukaraayuwãe duanubiai. Maka Dachi Akõre Jauri poyaad̶eeba machiba biꞌia kuitaad̶ai joma chi bia dachiba esed̶au panuu biawãra adaud̶ai.

Romanos 5:2

Mau awara Jesucristod̶e ijãa panuud̶eeba Dachi Akõreba ichi sõbiad̶eeba dachi ewaricha aid̶abarii. Maud̶e kĩrajʉʉ panuu kuitaa panuud̶eeba Dachi Akõre biad̶ebena adaud̶ai.

Hechos 20:25

»Dachi Akõreba ichid̶irã ichi juad̶e ua b̶uai ʉ̃rʉbena mʉʉba machimaa jara b̶uabachii. Maamina jãabae kuitaa b̶uu machiba mʉ waa unud̶aabai.

1 Pedro 1:8

Machiba Jesucristo unud̶akamina mau kʉ̃ria panuu. Ʉ̃raud̶aa unud̶awẽa panumina ichid̶e ijãa panuu. Ichi kakua ãrea kĩrajʉʉ panuu. Maka kĩrajʉʉ panuud̶eeba mau kĩrajʉʉ saka b̶uu, poyaa kuitaa jarad̶awẽa panuu.

Romanos 15:29

Mʉʉba kuitaa b̶uu machimaa neeruud̶e Cristoba dachi ãrea aid̶ai.

Romanos 15:18

Maamina ara mʉ ʉ̃rʉbena ne ab̶a bid̶a biꞌia berreabai. Biꞌia berrearuu Cristoba mʉʉd̶eeba waud̶a ʉ̃rʉbenáturu. Biawãra mʉʉd̶eeba Cristoba aid̶asii judiowãerãba Dachi Akõred̶e ijãad̶amera. Mʉʉba jaradea b̶uud̶eeba, wau b̶uud̶eeba,

Hechos 14:22

Puurucha ãbarã aid̶abachid̶au Jesusd̶e biꞌia ijãad̶amera. Ãchiba Jesusd̶e ijãa panuu ida b̶urãad̶amera naka jarabachid̶au: «Ãrea biꞌiwãe panad̶ai panuu, Dachi Akõre juad̶e panad̶ai baita, ichid̶irã baara».

Hechos 11:23

Mau Bernabé ẽbẽra jipa nibasii. Jesusd̶e ãrea ijãa nibasii; Dachi Akõre Jaurid̶eeba nibasii. Bernabé Antioquiad̶e neesiid̶e unusii Dachi Akõreba ichi sõbiad̶eeba ãbarã kariba b̶uu. Maud̶eeba ichi ãrea kĩrajʉʉsii. Maud̶e ichiba jomaurãmaa jarabachii sõd̶eeba ewaricha Dachi Mechiud̶e biawãra ijãad̶amera. Maka b̶uud̶e ãreaba Dachi Mechiud̶e ijãasid̶au.

Lucas 22:32

Maamina mʉʉba Dachi Akõremaa ʉtaa id̶isii bichiba ijãa b̶uu ida b̶urãamera. Maad̶akare bichiba kachirua waui b̶uu ida b̶uped̶a, bichi ãbarã aid̶ase biꞌia ijãad̶amera».

Filipenses 1:24

Maamina machi baita biꞌia b̶uu mʉ chokae b̶uai.

Filemón 1:22

Mau awara mʉʉba kʉ̃risia b̶uu machiba Dachi Akõremaa ʉtaa id̶i panuud̶eeba mʉ wãi. Maka mʉ machimaa poyaa wãi. Maud̶eeba mʉ kãi b̶eei baita bid̶a uru b̶uase.