Efesios 6:20 - Emberá Chamí

²⁰ Cristoba mʉ bʉisii mau bed̶ea jaradeamera. Jaradea b̶uu kakua mʉ jʉ̃a uru panuu. Dachi Akõremaa ʉtaa id̶ísturu mʉʉba mau bed̶ea bia ʉ̃rʉbena wapeawẽa berreai baita mʉʉba maka waui b̶uud̶eeba.

Efesios 6:20 Referans Kwoze

2 Corintios 5:20

Maud̶eeba Cristoba dai bʉisii ichi baita berread̶amera. Daid̶eeba Dachi Akõreba machi iu b̶uu ichi ome waya ãbua panad̶amera. Daiba Cristo trʉ̃d̶eeba chi chuburia id̶iiduu: Dachi Akõre ome waya ãbua panásturu.

Colosenses 4:4

Ʉtaa id̶ísturu mʉʉba biꞌia jaradeamera, mʉʉba waui b̶uu kĩra.

2 Timoteo 2:9

Mau jaradea b̶uu kakua mʉ ãrea biꞌiwãe b̶uu. Mʉ ẽbẽra kachirua kĩra kaenaba jʉ̃ uru panuu. Maamina Dachi Akõre bed̶ea jʉ̃ uru panuuwãema.

Filipenses 1:7

Biꞌia b̶uu mʉʉba joma machi ʉ̃rʉbena maka kʉ̃risia b̶uai, machi ãrea kʉ̃ria b̶uud̶eeba. Mʉ jʉ̃a b̶uud̶e maebʉrã chi bed̶ea bia Cristo ʉ̃rʉbena biawãra kuitaabi b̶uud̶e Dachi Akõreba ichi sõbiad̶eeba machi maud̶e mʉ sid̶a aid̶a b̶uu ichi bed̶ea jaradea panad̶amera.

Hechos 26:29

Pabloba jarasii: —Mʉʉba Dachi Akõremaa ʉtaa id̶i b̶uu kãꞌãabariwãed̶e maebʉrã ewari ãread̶e bichi maud̶e joma chi mʉ bed̶ea ũri panuu, mʉ kĩra panad̶amera, maamina nau kaenawãe.

1 Juan 3:16

Naud̶eeba dachiba kuitaa panuu dachi ãbarã kʉ̃riabadau: Jesucristo dachi kakua biusii. Ara mau kĩra dachi sid̶a kʉ̃riad̶eeba ãbarã baita biud̶ai baita nuread̶ai panuu.

2 Timoteo 1:16

Maamina mʉʉba kʉ̃ria b̶uu Dachi Mechiuba ãba Onesíforo ded̶ebenarã kĩra chuburia b̶uamera. Ichiba mʉ b̶es ãrea aid̶asii. Mʉ kaenaba jʉ̃ b̶umina mau kĩrakayaabasii.

1 Tesalonicenses 2:2

Kuitaa panuu machimaa wãd̶ai naed̶e Filipod̶ebenarãba dai kachirua jarasid̶au maud̶e kachirua wausid̶au. Mau awara machimaa neesid̶aud̶e ãreaba kʉ̃riad̶aabasii daiba jaradea panuu. Maamina Dachi Akõreba dachi sõbiabiasii ichi bed̶ea bia machimaa wapeawẽa jaradead̶amera.

Filipenses 1:20

Cristo kakua mʉ ne ab̶a bid̶a nejasiai kʉ̃riawẽa b̶uu, maumaarã ichi ʉ̃rʉbena berreai baita kĩra nejasiaswãe b̶uai kʉ̃ria b̶uu. Maka mʉʉba jomaurãmaa Cristo chi mechiu nii kuitaabiai, ewaricha wau b̶uabarii kĩra. Chokae b̶eeruubʉrã maebʉrã biuruubʉrã, mʉʉba kʉ̃ria b̶uu jomaurãba mʉʉd̶eeba kuitaad̶ai Cristo chi mechiu nii.

Efesios 6:19

Maud̶e mʉ baita Dachi Akõremaa ʉtaa id̶i panásturu. Ichimaa ʉtaa id̶ísturu mʉʉmaa kuitaabimera saka Cristo ʉ̃rʉbena berreai b̶uu. Maka mʉʉba wapeawẽa ẽbẽrarãmaa kuitaabiai chi bed̶ea bia Cristo ʉ̃rʉbena, Dachi Akõreba naed̶e kuitaabiwẽa b̶uad̶a.

Efesios 4:1

Mʉ Dachi Mechiu kakua jʉ̃a uru panuu. Mʉʉba machimaa chi chuburia id̶iiruu jipa nibad̶amera. Dachi Akõreba machi iusii maka nibad̶amera.

Efesios 3:1

Maud̶eeba mʉʉba [machi baita Dachi Akõremaa ʉtaa id̶ibarii]. Mʉ Pablobʉ. Machi judiowãerãmaa Jesucristo ʉ̃rʉbena jaradea b̶uu kakua jʉ̃a uru panuu.

Hechos 28:31

Ichiba wapeawẽa berreabachii Dachi Mechiu Jesucristod̶eeba, Dachi Akõreba ichid̶irã ichi juad̶e ua b̶uu ʉ̃rʉbena. Maud̶e ab̶au bid̶a ichimaa makarã́bad̶e ad̶aka basii.

Hechos 28:20

Maud̶eeba mʉʉba machi unu kʉ̃ria b̶uasii machi ome berreai baita. Dachi Akõreba Dachi Karibabarii deai jarad̶a joma israeld̶ebenarãba esed̶au panuu. Ichi kakua mʉ naka kaenaba jʉ̃ b̶uu.

Hechos 5:29

Maud̶e Pedroba maud̶e chi waabenarã Jesusba bʉid̶arãba panausid̶au: —Ẽbẽrarãba jara panuu audeara Dachi Akõreba jara b̶uu ijãad̶ai panuu.

Judas 1:3

Ãbarã, mʉʉba nau kartad̶e Dachi Akõreba dachi karibad̶a ʉ̃rʉbena b̶ʉ kʉ̃ria b̶uasii. Maamina mʉ baita, bibuara b̶uu jãabae b̶ʉi kauwa panad̶amera. Chi machiba ijãa panuu ab̶aumaa ida ãyaa jaradeabirã́sturu. Dachi Akõreba chi biawãra bed̶ea ichi ẽbẽrarãmaa b̶es ab̶aburu deasii. Diware deakau.

Filemón 1:10

chi chuburia id̶i b̶uu chi bichi baita bari trajabarii Onésimo baita. Mau mʉ warr kĩra nii. Mʉ nama jʉ̃a b̶uud̶e mauba mʉʉd̶eeba Cristod̶e ijãasiid̶eeba mʉ warr kĩra b̶eesii.

Hechos 21:33

Kokoroa chi aude mechiu araa neesiid̶e, Pablo jidauped̶a kaena omeeba jʉ̃bisii. Maabae ẽbẽrarã pĩchua imi nub̶uumaa id̶isii Pablo kai maud̶e kãare wausii kuitaai.

2 Corintios 3:12

Mau bed̶ea chiwid̶i dead̶a biawãra wãꞌãekau kuitaa panuud̶eeba daiba biꞌia jaradeabadau.

Colosenses 4:3

Dai baita ʉtaa id̶ísturu Dachi Akõreba poraa ewaaruu kĩra, Cristo ʉ̃rʉbena naed̶e kuitaabiwẽa b̶uad̶a ida jaradeabimera. Mau jaradea b̶uu kakua mʉ jʉ̃a uru panuu.

Filemón 1:9

Maumaarã mʉʉba chi chuburia id̶iiruu bichi kʉ̃riad̶eeba maka waumera. Mʉ Pablo, chõra maud̶e jãabae Jesucristo kakua jʉ̃a b̶uuba,