Efesios 6:17 - Emberá Chamí

¹⁷ Maud̶e sõd̶eeba ãrea kuitásturu Dachi Akõreba machi biawãra karibasii, kokoroaba ichi borod̶e chaarea b̶uu jʉ̃barii kĩra. Mau awara Dachi Akõre bed̶ea ichi Jaurid̶eeba ãrea kuitásturu. Dachi Akõre bed̶ea espada kĩra b̶uu, kachirua ome poyaabariid̶eeba.

Efesios 6:17 Referans Kwoze

Hebreos 4:12

Biawãra Dachi Akõre bed̶ea chokae nii maud̶e poyaabarii nii. Ichi bed̶ea espada muriacha peed̶ea kĩra b̶uu. Ichi bed̶eaba dachi kʉ̃risia maud̶e dachi sõba wau kʉ̃ria b̶uu joma arakʉd̶e kuitaabiabarii dachi kʉ̃risia, dachi jauri maud̶e dachi sõ id̶u tõoruu kĩra.

Apocalipsis 19:15

Dachi Akõre Bed̶ea abadau okarrd̶eeba chĩobarii neko peed̶ea b̶uu nee b̶uasii druachabenarã poyaai baita. Ichi kĩra chuburiayuwãe joma nau iujãad̶ebenamaa ichid̶e ijãabia b̶uai. Uva biraduaruu kĩra, ãchi maka kastikai, Dachi Akõre Joma Poyaabarii kĩru kub̶uud̶eeba.

1 Tesalonicenses 5:8

Maamina dachi chi ãyadaabenad̶eeba kĩrabia nuread̶ai panuu. Cristod̶e ijãa panad̶ai panuu, waabenarã kʉ̃ria nuread̶ai panuu maud̶e Dachi Akõreba kastikai bad̶ad̶ebena karibai esed̶au panad̶ai panuu. Maka ara dachi biꞌia nu panad̶ai, kokoroaba ichi borod̶e chaarea b̶uu jʉ̃barii kĩra, maud̶e kakuad̶e jʉ̃barii chaarea jʉ̃barii kĩra.

Apocalipsis 2:16

Maud̶eeba waya Dachi Akõremaa nésturu. Mau makad̶awẽebʉrã, kãꞌãabariwãed̶e mʉ machi kastikad̶e wãi. Maud̶e espada mʉ okarrd̶ebena neeruuba mau ẽbẽrarã ome chĩo b̶uai.

Apocalipsis 12:11

Dachi ãbarãba Oeja Kaebe Nii oa ched̶aba maud̶e ichi bed̶ea jara panuud̶eeba poyaasid̶au. Dachi biud̶ai panuu ʉ̃rʉbena wapead̶aabasii, bari Cristo kakua biud̶ayua panasii.

Apocalipsis 1:16

Ichi jua biare pusterrea 7 uru b̶uasii. Ichi okarrd̶ebena espada kid̶a muriacha peed̶ea era b̶uu neesii. Ichi kĩedarr ʉmada ted̶echoa kĩra b̶uasii.

Mateo 4:4

Maamina Jesusba panausii: —Dachi Akõre bed̶ead̶e naka b̶ʉ kub̶uu: “Ko b̶uud̶éburu ẽbẽra chokae b̶uabai b̶uu, mau kãyabãra joma Dachi Akõreba jara b̶uu ijãa b̶uud̶eeba chokae nibai”.

Mateo 4:7

Maud̶e Jesusba jʉbawãe niimaa panausii: —Dachi Akõre bed̶ead̶e jara b̶uu: “Ne barikia waurã́se Dachi Mechiuba bichi karibai kuitaa”.

Efesios 5:26

Ichiba maka wausii dachi Dachi Akõre baita biꞌia b̶ui baita. Ichi bed̶eaba dachi kachirua jeraasii baniaba jeraad̶a kĩra.

Hebreos 6:5

ichi bed̶ea biꞌia b̶uu ũriped̶aad̶akaud̶e maud̶e chi kaad̶ebena iujãa neei poyaabariiba ẽbẽrarãba ne poyaa waud̶akau unuped̶aad̶akaud̶e